ANGIMANGENG 26:16 - KITTA KAREBA MADECENG

¹⁶ maélo-Ka hukkukko. Maélo-Ka papoléngekko abala ri yasé'mu, lasa sibawa semmeng iya dé'é nawedding ripajjappa, angkanna mancaji butai matanna sibawa tuwo maddékéréké. Mallaonrumako matu iyakiya dé' muwanréi wassélé'na, nasaba poléi matu sining balimmu cauko sibawa paccappui aga iya mutanengngé.

ANGIMANGENG 26:16 ပူးပေါင်းရင်းမြစ်များ

1 ARUNG-NGARUNG 8:37

Rékko nakennai akkadéreng iyaé wanuwaéwé iyaré'ga sai, sibawa tanet-tanengngé nasolangiwi anging pella, ule iyaré'ga incalé, iyaré'ga rékko umma'-Mu rigasai ri balié, iyaré'ga nakennai lasa,

AYUB 18:11

Tau iya ripatassélengngé ri aserong polé tulilié; riyaccowériwi ri taué tassijongka-tassijongka.

AYUB 20:25

Nakennai pana, angkanna malo; cappa pana iya lala'é bettui tubunna, nanasalipurini tau atinna.

AYUB 31:8

leppessanni tau laingngé manréi aga iya uwampoé, sibawa ancuru sininna wassélé tanaku.

MAZMUR 109:6

Akkano séddi tau maja untu' madélékiwi, leppessanni ritenre ri balinna.

MAZMUR 73:19

Ri laleng sikédé mata ancuru'i mennang, masero senna accappurenna.

MAZMUR 78:33

Nanapaccappa'ni Allataala atuwonna mennang pada-pada nappase'é, cappui taut-taunna mennang ri laleng taué.

ASSURENG 15:26

Adanna Puwangnge, “Turusi-Ka mattonget-tongeng, sibawa pogau'i aga iya Muwitaé makessing; accowérini sininna parénta-Ku. Rékko mupogau'i makkuwaéro, dé' Uhukkukko matu sibawa lasa iya Upakennaiyéngngi tau Maséré'é. Iyya'na ritu Puwang iya pajjappaékko.”

AMSAL 3:33

Natanroi Puwangnge bolana tau majaé, iyakiya nabarakkakiwi bolana tau iya matinulué ri Aléna.

YESAYA 10:4

Totomu banna riyuno ri laleng musué iyaré'ga ririmpa selaku tawangeng. Iyakiya tette mupi Puwangnge macai sibawa tette pahukkung.

YESAYA 62:8

Puwangnge pura majjanci sibawa mattanro nenniya napogau'i matu sibawa akuwasan-Na; “Dé'na uwabbéréyangngi matu gandommu lao ri balié; tau laingngé dé'na naénungngi anggoro'mu iya mulolongengngé sibawa massussa-sussa.

YESAYA 7:2

Wettunna naéngkalinga arung Yéhuda makkedaé muttama'ni pasukanna Siria ri daérana Israélié selaku sellao, métau senna'ni sibawa bangsana, angkanna ténré mennang pada-pada aju iya nagottangngé anging.

YEREMIA 12:13

Mampoi gandong umma'-Ku, iyakiya dori ritu naéngngala. Massussa-sussai mennang iyakiya dé' nallolongeng usahana. Macai senna'-Ka angkanna dé' najaji éngngalanna mennang.”

YEREMIA 15:3

Iyya, Puwang, pura pattentui makkedaé eppa pahukkungeng iya mappakatau-taué kajajiyang matu ri mennang: matéi matu ri laleng ammusurengngé, ujuna mennang riyassarénréngengngi matu ri asué, riyanréi ri manu'-manu'é, sibawa ripaccappu ri olokolo masekkangngé.

YEREMIA 15:8

Wanuwammu pennoi matu sibawa janda, nacau kessié ri wiring tasi'é égana. Uwunoi matu sining tauwé ri wettu malolona angkanna manrasa-rasa indo'na mennang. Ri essoé Upapoléngengngi mennang séddi tau pabbinasa angkanna métau sibawa mausé.

YEREMIA 20:4

Aléna Puwangnge makkeda, ‘Upancajiko matu majapperu untu' alému muto sibawa untu' silao-silaommu. Muwitai matu mennang riyuno ri balinna mennang. Sininna tau Yéhudaé Uleppessangngi matu rikuwasai ri arung Babél; sibagiyang polé ri mennang natiwii matu selaku tawangeng lao ri Babél, na lebbinna naunoi.

YEREMIA 5:17

Napaccappui matu mennang wassélé tanaé sibawa inanrému enrengngé mpunoi ana'-ana'mu. Olokolo sapimmu sibawa bimbala'mu nagéréi matu mennang, sibawa palla-palla anggoro'mu nenniya sining pong aramu napaccappui matu mennang. Kota-kota mabbénténg iya muwattuwangngé naancuru'i matu mennang.

YEHEZKIEL 24:23

Dé' mujoppa matu teppaké pattutu ulu iyaré'ga pallapi ajé, dé' nawating iyaré'ga teri. Pédé maddoko-rokoko matu nasaba dosa-dosamu; maddarékéko matu séddié lao ri laingngé.

YEHEZKIEL 33:10

Makkedai Puwangnge lao ri iyya, “Eh tolino dé'é namannenungeng, pakkolingngi lao ri tau Israélié adanna mennangngé, ‘Maddéké-rékéki nasaba ripatiwiriki dosa sibawa jata. Pékkugiki wedding tuwo?’

AMOS 5:11

Mutenre'i tau kasiyasié sibawa murampasa'i gandonna. Rimakkuwannanaro dé' muwonro matu ri laleng sining bolamu iya magelloé, iya puraé mupatettonro. Dé' matu muwénung anggoro polé ri palla-palla anggoro iya mutanengiyé.

MIKHA 6:15

Mampoko matu gandong, iyakiya dé' muwéngngalai wassélé'na. Mébbuko matu minnya polé ri buwa zaitungngé, iyakiya dé' mulléi pakéi minnya'na. Para'ko matu uwai anggoro, iyakiya dé' matu muwénungngi.

HAGAI 1:6

Purano mampo maéga biné, iyakiya céddé éngngalammu. Engka inanrému, iyakiya dé' nagenne untu' pamessoriwi babuwamu. Mappunnaiko anggoro, iyakiya dé' nagenne untu' pajinnai atimmu. Mappunnaiko pakéyang, iyakiya dé' nagenne untu' pellaiwi alému. Sibawa saro iya natarimaé koli-kolié dé' nagenne untu' sambungngi atuwonna mennang.

ZAKHARIA 14:12

Papoléi matu Puwangnge lasa iya mappakatau-taué ri yasé'na sininna bangsa iya puraé mammusu méwai Yérusalém. Mata sibawa lilana mennang, mala sininna tubunna mennang makebbongngi matu ri wettu tuwona mupa.

MALEAKHI 2:3

Uhukkungngi matu ana'-ana'mu, sibawa Usapuiwi matu rupammu sibawa tainna olokolo iya muwakkarobangengngé, sibawa riyassarénréngekko matu lao ri yaggoppong taié.

ULANGENG 28:51

Napaccappui matu mennang olokolo'é sibawa wassélé tanamu, sibawa dé' natarongekko gandong, uwai anggoro, minnya zaitung iyaré'ga saping sibawa bémbé bimbala'mu narapi matéko alupureng.

ULANGENG 32:25

Musué tiwi amaténg ri laleng-lalengngé; nakennai sining tauwé ri bolaé appakatau-taurengngé. Kalloloé sibawa ana' daraé ripaccappui matu, makkuwatoro ana' loloé sibawa tomacuwaé.

IBRANI 10:31

Temmaka mappakatau-tauna rékko sempé'i ri limanna Allataala Iya Tuwoé!

HAKING-HAKING 6:11

Riséuwaé esso poléi malaéka'na Puwangnge ri kota Ofra, nanatudang ri yawana aju terpentingngé, appunnangenna Yoas, séddiwi polé ri golongang Appang Abiézer. Ana'na iya riyasengngé Gidéon, mattengngang maddése gandong ri onrong apparakeng anggoro'é. Napogau'i iyaro sibawa massubbu-subbu kuwammengngi aja' nariita ri tau Midiangngé.

1 SAMUEL 2:33

Iyakiya, séddi tau polé ri wija-wijammu, Uleppessang matu tuwo sibawa tumaningi-Ka selaku imang. Iyakiya aléna mancaji butai matu nenniya tuwo sibawa pettu paddennuwang. Sininna wija-wijammu iya laingngé matéi matu.