ANGIMANGENG 26:15 - KITTA KAREBA MADECENG

¹⁵ rékko muwajjalékkaiwi assijancingeng iya Uwébbué sibawa iko enrengngé dé mumaélo turusiwi sining Upattette'é sibawa sining peraturak-Ku,

ANGIMANGENG 26:15 ပူးပေါင်းရင်းမြစ်များ

KAJAJIYANG 17:14

Tungke' worowané iya dé'é narisunna dé'na nariyangga' anggota umma'-Ku nasaba dé' nakkatenning ri assijancik-Ku.”

2 ARUNG-NGARUNG 17:15

Dé' namaélo Israél sibawa Yéhuda turusiwi parénta-paréntana Puwangnge sibawa dé' namatinulu lao ri assijancing iya puraé naébbu sibawa toriyolona. Dé' nabati-batiwi mennang sining pakkamparenna, sangadinna massompai lao ri barahala-barahala iya dé'é nakkéguna, angkanna muwi aléna mennang dé'tona nakkéguna. Naccowériwi mennang baténa bangsa-bangsaé ri mattulilinna, namuni pura nattéyang Puwangnge.

2 TAWARIKH 36:16

Iyakiya nacculé-culéiwi mennang iyaro sining surona Allataala, sibawa cawa-cawaiwi nabi-nabin-Na enrengngé dé' nabati-batiwi ada-adan-Na. Paccappurenna makkuwamani caina Puwangnge lao ri mennang angkanna dé'na laleng massu untu' mennang naleppe polé ri pahukkungenna.

MAZMUR 50:17

Saba' dé' mumaélo tarimai pakkamparek-Ku, sibawa sampéyangngi sining parénta-Ku.

ASSURENG 19:5

Makkekkuwangngé rékko muturusi-Ka sibawa matinulu lao ri assijancik-Ku, Upancajiko matu umma riyalé-Ku. Sininna linoé iyanaritu appunnangek-Ku, iyakiya iko mancajiko appunnangeng uwélorik-Ku,

ASSURENG 24:7

Nainappa nala kitta' assijancing iya riyarokiriyé parénta-paréntana Puwangnge, nanabacangengngi iyaro bangsaé sibawa sadda macenno. Adanna mennang, “Maéloki turusiwi Puwangnge sibawa pogau'i sininna parénta-Na.”

AMSAL 1:30

Dé' naengka mumaélo tarimai pangaja-pangajaku iyaré'ga puriyatiwi pakkampareng-pakkamparekku.

AMSAL 1:7

Untu' lolongengngi pangissengeng tongengngé, lebbi riyolo harusu'i tauwé mappunnai perasaang mappakalebbi sibawa métau lao ri Puwangnge. Tau madonggoé dé' naangke'i pangissengengngé sibawa dé' namaélo ripagguru.

AMSAL 5:12

Nainappako makkeda matu, “Ah, magi ucéccéi pangajaé? Magi nadé' umaélo riyampareng?

YESAYA 24:5

Mancaji macarépai linoé nasaba najjalékkaiwi pabbanuwana parénta-paréntana Allataala, napinrai attettekeng-attettekenna sibawa massakkarengngi assijancing iya naébbué sibawa mennang untu' mannennungeng.

YEREMIA 11:10

Purani mennang napogau' dosa iya napogau'é toriyolona mennang iya dé'é namaélo matinulu lao ri Iyya, sompai mennang déwata-déwata laing sibawa dé' namaélo turusiwi parénta-Ku. Muwi Israélié iyaré'ga Yéhuda majjalékaiwi assijancing iya puraé Uwébbu sibawa toriyolona.

YEREMIA 31:32

Iyakiya iyaro assijancingngé dé' napada-pada assijancing iya Uwébbué sibawa toriyolona mennang wettunna Udulung mennang massu polé ri Maséré. Namuni pada-pada-Ka séddié lakkai untu' mennang, iyakiya nassakkarengngi assijancik-Ku sibawa mennang.

YEREMIA 6:19

Pénessaiwi, éh lino! Dé' namaélo umma'-Ku tarimai pappagguruwak-Ku sibawa dé' naturu ri Iyya. Selaku addimonrinna rancanganna mennang papolé-Ka abala ri yasé'na.

YEHEZKIEL 16:59

Makkedai Puwang Iya Pommatanré, “Ugaukekko matu situru sibawa pangkaukemmu, saba' purani muwassakkareng tanromu enrengngé majjalékkaiwi assijancik-Ku sibawa iko.

ANGIMANGENG 26:11

Maélo-Ka monro ri yelle'mu ri laleng Kéma-Ku, sibawa dé' usampéyakko matu.

ANGIMANGENG 26:43

Iyakiya iyaro tanaé harusu'i lebbi riyolo napakullang pabbanuwana, kuwammengngi tonget-tongengngi weddingngi mappésau. Naharusu'i naola maneng umma'-Ku sininna pahukkungeng iya Upateppaé ri yasé'na mennang nasaba dé'é namaélo turusiwi sining peraturak-Ku sibawa sining parénta-Ku.

ANGIMANGENG 26:9

Maélo-Ka barakkakiko sibawa mpérékko maéga ana' eppo. Aga iya puraé Ujancingekko, pasti Urupaiwi.

MALEAKHI 2:2

Pakalebbi-Ka sibawa pangkaukemmu. Rékko dé' mumaélo méngkalingai ada-adak-Ku, Utanroiko matu. Sininna iya mutarimaé selaku dallé tappinrai matu mancari tanro. Sitongenna, sininna iya makessingngé purani Utanroi, nasaba dé' mubati-batiwi parénta-Ku.

ABBILANGENG 15:31

nasaba naéwai Puwangnge sibawa nattungkaiwi majjalékkaiwi paréntana Puwangnge. Iyaro tauwé matéi nasaba asalanna muto.

RIWAYA'NA RASUL-RASUL-E 13:41

‘Pénessaiwi madécéd-décéng, éh iko sining tau iya pojiyéngngi maccella-cella! Hérakko matu, nainappa maté! Saba' iya wettuéwé engka séuwa Upogau' iya dé'é muwatepperiwi matu, namuni engka tau pakatajangekko.’ ”

ROMA 8:7

Tau iya rikuwasaiyé pikkiranna ri sipa' tolinona, iyaro tauwé simusui sibawa Allataala; nasaba iyaro tauwé dé' natunru' lao ri hukkunna Allataala; na mémeng dé' naulléi tunru' lao ri hukkunna Allataala.

ULANGENG 31:16

Adanna Puwangnge lao ri Musa, “Macawé'ni ajjalemmu. Matémuna, bangsa Israélié dé' namatinuluna ri Iyya sibawa massakkarengngi assijancing iya Uwébbué sibawa mennang. Nasalaika matu untu' massompa ri déwata-déwataé iya risompaé ri wanuwa iya dé'énna namaitta nauttamakiwi mennang.

1 TESALONIKA 4:8

Rimakkuwannanaro, tau iya dé'é natarimai pappagguruwangngéwé, tenniya bawang dé' natarimai rupa tauwé, sangadinna nasampéyangngi Allataala iya mabbéréyangngéngngi Roh-Na iya mapaccingngé lao ri iko.

IBRANI 8:9

Dé' napada-pada assijancing iya Uwébbué sibawa néné-nénéna mennang wettuk-Ku dulungngi mennang massu polé ri wanuwa Maséré'. Dé' mennang namatinulu ri assijancing iya Uwébbué sibawa mennang; iyanaro saba'na dé' Napaduliwi mennang.

1 SAMUEL 12:15

Sibalé'na, rékko dé' muwéngkalingai Puwangnge, mala muwéwai parénta-Na, pasti iko sibawa arummu naéwai matu Puwangnge.