ANGIMANGENG 26:12 - KITTA KAREBA MADECENG

¹² Maélo-Ka sibawakko; maélo-Ka mancaji Puwang Allataalamu na iko mancaji umma'-Ku.

ANGIMANGENG 26:12 ပူးပေါင်းရင်းမြစ်များ

KAJAJIYANG 17:7

Maélo-Ka rupaiwi jancik-Ku lao ri iko sibawa lao ri wija-wijammu, massossoreng, na iyaro assijancik-Ku mannennungengngi. Maélo-Ka mancaji Allataalamu sibawa Allataalana wija-wijammu.

KAJAJIYANG 17:8

Maélo-Ka mpérékko sibawa wija-wijammu, iyaé tanaé, iya muwonroiyé makkekkuwangngé selaku tau laing. Sininna tana Kanaan mancajiwi matu appunnangenna ana' eppomu untu' mannennungeng sibawa maélo-Ka mancaji Allataalana mennang.”

KAJAJIYANG 3:8

Iyaro arawéngngé naéngkalingani mennang Puwang Allataala joppa ri laleng tammengngé, nanassubbuna mennang iya duwa ri yelle'na aju-kajungngé kuwammengngi dé' nariita ri Puwangnge.

KAJAJIYANG 5:22

Purairo tuwoni Hénokh ri laleng passéddiyanna sibawa Allataala 300 taung ittana. Lolongenni ana'-ana' laingngé

KAJAJIYANG 5:24

Nasaba Hénokh tuli tuwoi maréppé ri Allataala, mallajanni nasaba riyalai ri Allataala.

KAJAJIYANG 6:9

Iyanaé riwaya'na Nuh. Mappunnaiwi tellu ana' worowané, iyanaritu Sém, Yafét sibawa Ham. Dé' napogau'i Nuh salaé, sibawa alé-aléna bawang tau tongeng ri wettunna. Tuwoi sibawa maréppé ri Allataala.

2 SAMUEL 7:7

Ri laleng sollérekkuro silaong bangsa Israélié, dé'pa naengka Uwakkutana lao risining pamimping iya puraé Upilé, aga saba'na mennang dé' napatettongek-Ka bola polé ri aju camara Libanongngé.’

MAZMUR 50:7

“Engkalingai, umma'-Ku, maélo-Ka mabbicara, Israél, maélo-Ka mabbéré asabbing lao ri iko; Iyya'naé Allataala, Allataalamu.

ASSURENG 29:45

Maélo-Ka monro ri tengnga-tengngana bangsa Israélié, sibawa mancaji Allataalana mennang.

ASSURENG 29:46

Naissengngi matu mennang makkedaé Iyya'naé Puwang Allataalana iya tiwiéngngi mennang massu polé ri Maséré, kuwammengngi weddik-Ka monro ri tengnga-tengngana. Iyya'na Puwang Allataalana mennang.”

ASSURENG 3:6

Iyya'é Allataalana néné-nénému, Allataalana Abraham, Ishak sibawa Yakub.” Natongkoni Musa rupanna, saba' métaui mitai Allataala.

ASSURENG 6:7

Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

YESAYA 12:2

Tongeng, iyaro Allataala Pappassalama'ku, mateppe'ka lao ri Aléna. Dé' umétau, saba' Napéwatangika. Pappassalama'ku iyanaritu Allataala, untu' Aléna umakkélong.

YESAYA 41:10

Aja' mumétau, saba' Iyya sibawakko, aja' mumanenneng, saba' Iyya Allataalamu. Upakkasse'ko matu sibawa Utulung, Udulung sibawa limak-Ku iya poré.

YEREMIA 11:4

Iyaro assijancingngé purai Uwébbu sibawa toriyolona wettunna mennang Utiwi massu polé ri Maséré, wanuwa iya pada-padaé naraka untu' mennang. Usuroi mennang mapato lao ri Iyya sibawa pogau'i sininna iya puraé Uwapparéntang. Makkekkuwangngé pura toni Upowada lao ri tau Yéhudaé sibawa pabbanuwana Yérusalém makkedaé rékko matinului mennang lao ri Iyya, mancajiwi matu umma'-Ku sibawa Iyya Allataalana mennang.

YEREMIA 31:33

Iyanaé assijancing mabaru iya Uwébbué matu sibawa umma Israélié: Utaroi matu hukkung-hukkuk-Ku ri laleng baténna mennang, sibawa Uwokii ri laleng atinna mennang. Mancaji-Ka Allataalana mennang, na mennang mancaji umma'-Ku.

YEREMIA 32:38

Mancajiwi matu mennang umma'-Ku, sibawa Iyya mancaji Allataalana.

YEREMIA 7:23

Banna uparéntangngi mennang untu' turusi-Ka kuwammengngi Umancaji Allataalana mennang, na mennang mancaji umma'-Ku. Usuroi mennang tuwo situru parénta-parénta-Ku kuwammengngi namasennang mennang.

YEHEZKIEL 11:20

Nanaturusiwi matu mennang sining peraturak-Ku sibawa matinului turusiwi sininna parénta-Ku. Mancajiwi matu mennang umma'-Ku sibawa Iyya mancaji Allataalana.

YEHEZKIEL 36:38

Kota-kota iya ancuru'é makkekkuwangngé, matti pennoi matu tau monroiwi pada-pada Yérusalém ri esso-esso marajaé ri wettu labe'é, penno sibawa sining bimbala iya riyakkasuwiyangengngé. Namuwissengngi makkedaé Iyya ritu Puwang.”

YOEL 2:27

Namuwissengngi, Israélié, makkedaé engkaka ri tengnga-tengngamu, sibawa makkedaé Iyya, Puwang, iyanaritu Allataalamu. Dé'gaga Allataala laing, sangadinna Iyya bawang. Dé'na naripakasirina matu umma'-Ku!”

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”

ABBILANGENG 5:3

Harusu'i mennang risuro lao, kuwammengngi dé' napanajisi'i akkémangngé, iya Uwonroiyé silaong umma'-Ku.”

MATIUS 22:32

‘Iyya'na Allataalana Abraham, Allataalana Ishak sibawa Allataalana Yakub.’ Iyaro Allataalaé tenniya Allataalana tau maté. Allataalanai tau tuwoé!”

2 KORINTUS 6:16

Aga assisumpungenna Bolana Puwangngé sibawa bolana barahalaé? Idi'é Bolana Puwangngé, Allataala iya tuwoé. Allataala muto makkeda, “Maélo-Ka monro ri tengnga-tengngana mennang, sibawa tuwo silaong mennang. Mancaji-Ka matu Allataalana mennang, sibawa mennang mancaji matu umma'-Ku.

ULANGENG 23:14

Puwang Allataalamu sibawakko ri laleng akkémammu untu' linrungiko sibawa mpérékko apakalang lao risining balimmu. Rimakkuwannanaro jagaiwi kuwammengngi natette mapaccing akkémammu. Aja' narapii engka séuwa iya dé'é nasipato ri yelle'mu, kuwammengngi dé' nasalaiko Puwangnge.”

ULANGENG 23:15

“Rékko séddié ata lari polé ri puwanna nainappa lao ri iko méllau allinrungeng, aja' musuroi lisu.

IBRANI 11:16

Iyakiya annessana, nauddaningiwi mennang séuwa wanuwa iya lebbi makessingngé, iyanaritu wanuwa ri surugaé. Iyanaro saba'na dé' namasiri Allataala rékko mennang nateppui Aléna Allataala, saba' Allataala pura passadiyai séddi kota untu' mennang.

WAHYU 2:1

“Lao ri malaéka'na jema'é ri Efésus, okii makkuwaéwé: Iyanaé paseng polé ri Aléna makkatenningngé pitu wéttowing ri lima ataun-Na, enrengngé joppa ri yelle'na iya pitu ajé lampu ulawengngéro.

WAHYU 21:7

Tau iya pakalaé natarimai matu iyaro gau'-gau'é polé ri Iyya. Mancaji-Ka matu Allataalana, na aléna matu mancaji ana'-Ku.