ANGIMANGENG 25:9 - KITTA KAREBA MADECENG

⁹ Nainappa tanggala seppulo uleng pitu, iyanaritu esso paddampengeng dosa, suroi tauwé paoniwi tarompé'é kégi-kégi risininna wanuwaé.

ANGIMANGENG 25:9 ပူးပေါင်းရင်းမြစ်များ

MAZMUR 89:15

Adélékengngé sibawa hukkungngé iyanaritu tettongenna akkarungem-Mu, pammasé sibawa atinuluremmu manessai ri laleng sininna tindakam-Mu.

MAZMUR 89:16

Masennangngi bangsa iya massompaé sibawa marennu, iya tuwoé ri laleng cahaya ahadérékem-Mu, Puwang.

YESAYA 27:13

Ri wettuéro ripaoniwi matu tarompé battowaé untu' mobbii lisu sininna tau Israélié iya ripalié ri Asyur sibawa ri Maséré. Laowi matu mennang ri Yérusalém untu' sompai Puwangnge ri bulu-bulu-Na iya mapaccingngé.

ANGIMANGENG 16:20

Puranana napakangka upacara pappépaccinna Bili' Pommapaccingngé sibawa bagiyab-bagiyang laingngé polé ri Kémana Puwangnge enrengngé mézbana, harusu'i Harun makkasuwiyang lao ri Puwangnge bémbé tuwoé iya ripilé untu' Azazél.

ANGIMANGENG 16:29

Iyaé sining peraturangngé harusu'i riturusi lettu mannennungeng. Ri tanggala seppulona uleng pitu, tau Israélié sibawa tau laing iya mattette'é ri yelle'na mennang harusu'i mappuwasa sibawa riyattéyangngi mappallaung, nasaba iyaro essoé mapaccing senna'i. Ri essoéro harusu'i ripakangka upacara untu' pépaccingiwi bangsa Israélié polé risininna dosana mennang kuwammengngi namapaccing.

ANGIMANGENG 25:8

Bilangngi wékkapitu pituttaung, singngéga patappulo aséra taung.

ANGIMANGENG 27:17

Rékko iyaro tanaé riyakkasuwiyangengngi mappammulai Taung Appalisungngé, harusu'i riwaja maneng ellinna.

ANGIMANGENG 27:24

Ri laleng Taung Appalisungngé, iyaro dare'é harusu'i ripalisu lao ri punnana mammulangngé iyaré'ga lao ri, wija-wijanna.

ABBILANGENG 10:10

Makkuwatoro ri esso-esso marennummu, iyanaritu ri pésta-pésta Uleng Barué sibawa ramé-ramému iya laingngé, iyaro tarompé'é harusu'i riseppung wettummu makkasuwiyangeng akkarobangeng ritunu sibawa akkarobangeng pappasidamé lao ri Iyya. Na Utulukko matu. Iyya'na Puwang Allataalamu.”

ABBILANGENG 36:4

Ri laleng Taung Appalisungngé, wettunna sininna waramparang iya puraé ribalu ripalisu ri punnana iya mammulangngé, iyaro tanana ana'-ana' makkunrainna Zélaféhad tette'i matu mancaji appunnangenna sining lakkainna mennang, angkanna ateddéngengngi sukutta iyaro tanaé.”

ROMA 10:18

Iyakiya makkutanaka: Mémegga mennang dé'pa naéngkalingai iyaro karébaé? Tentu purani! Saba' ri laleng Kitta'é tarokii makkuwaé, “Mengngoni saddanna mennang ri sininna linoé, ada-adanna lettu'ni ri cappa'na linoé.”

ROMA 15:19

iya nasibawangngé gau'-gau' makalallaing sibawa gau'-gau' iya dé'é padanna; iya manennaro poléi ri akuwasanna Rohna Allataala. Karéba Madécéngngé passalenna Kristus pura manenni uwabbirittang lao ri risining tauwé, mappammulai ri Yérusalém lettu ri Ilirikum.

1 TESALONIKA 1:8

Saba' mappammulai polé ri iko, biritta passalenna Puwangngé mallebbanni lettu ri Makedonia sibawa Akhaya. Na tenniya iyaro bawang, mala biritta passalenna pékkugiko mateppe' lao ri Allataala lettu'ni kégi-kégi, angkanna dé'na taparelluna powadai agi-agi.

YOSUA 6:4

Pitu tau imang, tungke-tungke tiwi tarompé, harusu joppa ri yolona Petti Assijancingngé. Ri esso mapitué, iko sibawa tentaramu harusu mattulilingiwi kotaéro wékkapitu nasining imangngé seppungngi tarompé'na.