ANGIMANGENG 25:55 - KITTA KAREBA MADECENG

⁵⁵ Séddié tau Israél dé' nawedding mancaji ata gangka maté nasaba bangsa Israélié iyanaritu ata-atannai Puwangnge. Puwangnge ritu tiwii mennang massu polé ri Maséré. Aléna ritu Puwang, Allataalana mennang.

ANGIMANGENG 25:55 ပူးပေါင်းရင်းမြစ်များ

MAZMUR 116:16

Iyya'é atam-Mu, oh Puwang, pada-pada indo'ku, massompa tokka lao ri Iko puraka Mupaleppe polé ri tahanangngé.

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

YESAYA 43:3

Saba' Iyya ritu Puwang, Allataalamu, Allataala mapaccinna Israélié, Pappassalama'-Mu. Uwabbéréyangngi Maséré selaku pakkamajamu, Sudan sibawa Syéba selaku passullému.

ANGIMANGENG 25:42

Tau Israélié iyanaritu ata-atanna Puwangnge; aléna ritu tiwii mennang massu polé ri Maséré, namakkuwannanaro dé' nawedding mennang ribalu selaku ata.

ANGIMANGENG 25:54

Rékko dé' nawedding ripassu sibawa sala séddinna caraéro, aléna sibawa ana'-ana'na harusu ripamaradéka ri Taung Appalisung iya paimengngé.

ANGIMANGENG 26:1

Makkedai Puwangnge, “Aja' muwébbu barahala iyaré'ga patettong dato'-dato' iyaré'ga alliri batu iya risobbi'é untu' risompa. Iyya'na Puwang Allataalamu.

ROMA 6:14

Dé' nawedding dosaé makuwasaiko, nasaba dé'na mutuwo riyawana hukkunna agama Yahudié iyakiya ri yawana pammaséna Allataala.

ROMA 6:22

Iyakiya makkekkuwangngé ripaleppe'no polé ri dosaé, sibawa mancaji atanna Allataala. Asarommu iyanaritu makkedaé tuwoi Saudara banna untu' Allataala na iyaro gau'é powassélé'i atuwong tongengngé sibawa mannennungengngé.

1 KORINTUS 9:19

Iyya'é tenniyaka atanna muwi niga; maradékaka. Namuni makkuwaro, upancajiwi iyaé aléku ata lao ri sininna tauwé. Upogau'i iyaro kuwammengngi uwulléi malangngi tau singngéga-égana untu' Kristus.

1 KORINTUS 9:21

Lao ri tau tenniyaé Yahudi, kédoka pada-pada séddié tau tenniya Yahudi, iyaé tauwé ri saliwennai hukkunna Musa. Upogau'i iyaro kuwammengngi weddikka tiwii ri Kristus iyaro sining tauwé. Iyakiya tenniya bettuwanna iyaro makkedaé dé' umatinulu lao ri parénta-paréntana Allataala; mala rikuwasaika ri parénta-paréntana Kristus.

GALATIA 5:13

Purani riyobbi Saudara untu' mancaji tau iya maradéka'é. Iyakiya aja' naripaké iyaro amaradékangngé untu' matteru-teru pogau'i agi-agi iya muwacinnaiyé pogau'i. Sibalé'na harusu'ko sisullé siyamaséyang sibawa situmaningi.