ANGIMANGENG 25:50 - KITTA KAREBA MADECENG

⁵⁰ Iyaro ataé harusu'i barunding sibawa tau iya puraé melliwi. Harusu'i mennang bilangngi jumella taunna sipongenna nabalu aléna selaku ata narapi Taung Appalisung paimenna, nainappa napattentu angke'na pappassuna. Iyaro angke'na harusu'i ripattentu situru arrékéngeng gaji iya riwéréngngéngngi tau ripagajiyé.

ANGIMANGENG 25:50 ပူးပေါင်းရင်းမြစ်များ

AYUB 14:6

Leppessangngi mappésau aja' muganggui; kuwammengngi naulléi péneddingiwi atuwonna narapi cappu tugasna.

YESAYA 16:14

Na makkekkuwangngé makkedai Puwangnge: “Telluttauppi, sininna asugireng iya nabbangkakengngé Moab lennye'i matu. Ra'ya'na iya maégaé mancaji céddé'i bawang matu sibawa malemma.”

YESAYA 21:16

Nainappa makkeda Puwangnge lao ri iyya, “Sitauppi arajanna suku-suku Kédar naccappa matu.

ANGIMANGENG 25:28

Iyakiya rékko dé' namampu passui tanana, tau iya melliyéngngi tette'i nakuwasai tanaéro narapi Taung Appalisung rappina. Ri laleng taungngéro iyaro tanaé harusu'i ripalisu ri punnana iya mammulangngé.

ANGIMANGENG 25:40

Harusu'i monro ri iko selaku séddi tau ripagaji sibawa majjamangekko narapi Taung Appalisungngé.

ANGIMANGENG 25:49

iyaré'ga amauréna, iyaré'ga sapposisenna iyaré'ga séddi tau laing polé ri sumpulolona macawéé, wedding passui. Iyaré'ga narékko ri munri mampui, weddingngi napassu aléna.

ANGIMANGENG 25:51

Iyaro ataé harusu'i napalisu ellinna aléna singngéga jumella gajinna séddié tau ripagaji singngétta taut-taung iya dé'éppa nalaloiwi,

ANGIMANGENG 25:53

samanna purani mappallaung selaku tau ripagaji pattaungengngé. Dé' nawedding Puwanna gaukengngi sibawa makassara.

ULANGENG 15:18

Rékko mupamaradékai séddié ata, aja' mumarasa massesse kalé, saba' enneng taung ittana purani mappallaungekko sibawa sitengnga gaji séddié pattumani. Pogau'i paréntaé, nanabarakkakiko matu Puwang Allataalamu ri sininna usahamu.”