ANGIMANGENG 25:43 - KITTA KAREBA MADECENG

⁴³ Jaji tau Israél iya balu'éngngi aléna riiko dé' nawedding mugaukeng sibawa makassara. Sitinajako métau ri Puwang Allataalamu.

ANGIMANGENG 25:43 ပူးပေါင်းရင်းမြစ်များ

KAJAJIYANG 42:18

Ri esso matellué makkedani Yusuf lao ri mennang, “Iyya tau métauka sibawa mapato lao ri Allataala. Maéloka passalama'ko sibawa séddi sara'.

2 TAWARIKH 28:10

Na makkekkuwangngé maéloko pancaji ata-atai sining tau Yérusaléngngé sibawa Yéhudaé! Dé'ga muwissengngi makkedaé madosa tokko lao ri Puwang Allataalamu?

AYUB 31:13

Wettunna maddaréké atakku nasaba upasalai ha'na, uwéngkalingai sibawa ugaukengngi sibawa malempu ati.

AYUB 31:14

Rékko dé', pékkugi harusu uwoloi Allataalaku? Aga pappébalikku wettunna polé madélékika?

ASSURENG 1:17

Iyakiya iya duwa bidangngéro métaui ri Allataala. Dé' mennang namaélo pogau'i paréntana arungngé sibawa leppessangngi sininna ana'lolo worowané tuwo.

ASSURENG 2:23

Mattaut-taung ri munrinna maténi arung Maséré. Iyakiya bangsa Israélié maddaréké mupi nasaba ripowatai mennang, angkanna gorani mennang méllau tulung. Lettu'ni ri Allataala kelli'na mennang.

ASSURENG 3:7

Nanakkedana Puwangnge, “Uwitani anrasa-rasanna umma'-Ku ri Maséré, sibawa méngkalingai mennang gora méllau ripaleppe polé risining tau iya tenre'éngngi mennang. Sitongenna, uwisseng maneng anrasa-rasanna mennang.

ASSURENG 3:9

Uwéngkalingani terinna bangsa Israélié, sibawa Uwita toni pékkugi mennang ritenre ri bangsa Maséré'é.

ASSURENG 5:14

Iyaro sining jennangngé naunruni sining mandoro Israél iya risuroé jagaiwi jama-jamangngé. Makkutanani mennang, “Magi makkekkuwangngé bangsamu dé'na napowassélé bata iya padaé égana pada-pada riyolo?”

YESAYA 47:6

Riyolo macai-Ka lao ri umma'-Ku, dé'na mennang Uwangga'i appunnangek-Ku. Nainappa Uwabbéréyang mennang lao ri iko, na iko dé' muwamaséiwi mennang, mala iya macowa-cowaé mutenre'i sibawa mabecco.

YESAYA 58:3

Makkutanai iyaro bangsaé, “Aga akkégunana mappuwasa rékko dé' naitai Puwangnge? Aga gunana tapakariyawai alé rékko dé' Najampangiki?” Makkedai Puwangnge, “Sitongenna, ri wettu mappuwasamu, sappako asarong riyalé sibawa para'i sining tau mupagajiyé.

YEHEZKIEL 34:4

Sining bimbala'mu iya malemmaé dé' mupiyarai, iya malasaé dé' muuraiwi, iya maloé dé' mubebbe'i, iya pusaé sibawa teddéngngé dé' musappai sibawa tiwii lisu. Mala sininna bimbala'muro mugaukengngi sibawa mapéddara.

ANGIMANGENG 25:17

Aja' mubengnguwangngi pada-padammu tau Israél, iyakiya sitinajako métau ri Puwang Allataalamu.

ANGIMANGENG 25:42

Tau Israélié iyanaritu ata-atanna Puwangnge; aléna ritu tiwii mennang massu polé ri Maséré, namakkuwannanaro dé' nawedding mennang ribalu selaku ata.

ANGIMANGENG 25:44

Rékko mapparelluwakko ata, weddikko melliwi polé ri bangsa-bangsa iya monroé ri seddému.

ANGIMANGENG 25:46

sibawa wedding towi muwappammanareng lao ri ana'-ana'mu untu' mancaji atanna mennang gangka maté. Iyakiya pada-padammu tau Israél dé' nawedding mugaukeng sibawa makassara.

ANGIMANGENG 25:53

samanna purani mappallaung selaku tau ripagaji pattaungengngé. Dé' nawedding Puwanna gaukengngi sibawa makassara.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

EFESUS 6:9

Saudara-saudara iya mancaji puwangngé! Sitinajako kédo makkuwatoro lao ri ata-atammu. Aja'na mupakéi mangancangngé. Engngerangngi makkedaé iko sibawa ata-atammu, pada-padako mappunnai séddi puwang, iyanaritu Puwangngé ri surugaé. Dé' nappasilaingeng tappa.

ULANGENG 25:18

Dé' namétau mennang ri Allataala sibawa gasako polé ri munri wettummu mattengngang poso sibawa acappureng pakkulléng, nainappa nauno sininna taummu iya sipanrasa-rasaé joppa ri munri.

KOLOSE 4:1

Saudara-saudara iya mancaji puwangngé! Sitinajako gaukengngi atammu sibawa tongeng enrengngé adélé'. Engngerangngi makkedaé mappunnai tokko séddi puwang ri surugaé.