ANGIMANGENG 25:41 - KITTA KAREBA MADECENG

⁴¹ Iyaro wettué aléna sibawa ana'-ana'na weddinni nasalai bolamu sibawa lisu ri kaluwargana enrengngé ri tanana néné-nénéna.

ANGIMANGENG 25:41 ပူးပေါင်းရင်းမြစ်များ

ASSURENG 21:3

Akkalarapanna dé'pa nakawing wettunna mancaji atammu, dé' nawedding maccowé bainéna wettunna massu. Iyakiya akkalarapanna purani kawing wettunna mancaji atammu, weddingngi maccowé silaong aléna.

ANGIMANGENG 25:10

Harusu'ko pallaingngi taung iya malimappuloéro, sibawa mappallebbangengngi amaradékangngé lao ri sininna pabbanuwana wanuwaé. Ri lalenna taungngéro sininna waramparang iya puraé ribalu harusu'i ripalisu ri punnana iya mammulangngé iyaré'ga wija-wijanna. Niga ribalu selaku ata harusu'i ripalisu ri kaluwargana.

ANGIMANGENG 25:28

Iyakiya rékko dé' namampu passui tanana, tau iya melliyéngngi tette'i nakuwasai tanaéro narapi Taung Appalisung rappina. Ri laleng taungngéro iyaro tanaé harusu'i ripalisu ri punnana iya mammulangngé.

ANGIMANGENG 25:40

Harusu'i monro ri iko selaku séddi tau ripagaji sibawa majjamangekko narapi Taung Appalisungngé.

ANGIMANGENG 25:42

Tau Israélié iyanaritu ata-atanna Puwangnge; aléna ritu tiwii mennang massu polé ri Maséré, namakkuwannanaro dé' nawedding mennang ribalu selaku ata.

YOHANES 8:32

namuwissennitu Allataala iya tongengngé, narimakkuwannanaro ripamaradékako matu.”

ROMA 6:14

Dé' nawedding dosaé makuwasaiko, nasaba dé'na mutuwo riyawana hukkunna agama Yahudié iyakiya ri yawana pammaséna Allataala.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.