ANGIMANGENG 25:39 - KITTA KAREBA MADECENG

³⁹ Rékko tau sibangsamu iya monroé ri yelle'mu mancaji kasiyasiwi angkanna nabalu'i aléna selaku ata ri iko, iyaro tauwé dé' nawedding musuro pogau'i pallaunna séddié ata.

ANGIMANGENG 25:39 ပူးပေါင်းရင်းမြစ်များ

1 ARUNG-NGARUNG 9:22

Tau Israélié dé' naripancaji ata ri Salomo; ripancaji prajuri'i, parawira, pallima, komandang karéta musu, sibawa tentara pasukang pakkinnyarang.

2 ARUNG-NGARUNG 4:1

Riséuwaé esso jandana séddié nabi laowi ri Elisa sibawa makkeda, “Bapa', maténi lakkaikku! Nanaisseng Bapa' makkedaé séddi towi tau iya métaué ri Allataala, iyakiya makkinrengngi riséddié tau. Makkekkuwangngé iyaro tauwé poléni untu' malai iya duwa ana'ku nanapancajiwi ata, selaku pakkamaja inrenna lakkaikku iya matéénna.”

2 TAWARIKH 28:10

Na makkekkuwangngé maéloko pancaji ata-atai sining tau Yérusaléngngé sibawa Yéhudaé! Dé'ga muwissengngi makkedaé madosa tokko lao ri Puwang Allataalamu?

NEHEMIA 5:5

Tenniyaki'ga tau Yahudito? Dé'ga ana'ta napada-pada ana'-ana' Yahudi laingngé? Namuni makkuwaro tarapassaki leppessangngi ana'-ana'ta mancaji ata. Mala engka ana' makkunraitta iya puraé ribalu mancaji ata. Dé' pakkullétta nasaba dare sibawa palla anggoro'ta purani ripasanra.”

ASSURENG 1:14

sibawa mébbui atuwo-tuwonna masussa. Temmapparessé babuwa ripassai mennang majjama ladde ri proyé'-proyé' pembangunangngé sibawa risining dare'é.

ASSURENG 21:2

Rékko melliko séddi ata bangsamu muto, harusu'i mappallaungekko enneng taung ittana. Ri laleng taung mapitué harusu'i ripaleppe sibawa dé' naparellu tiwi aga-aga.

YEREMIA 25:14

Uwale'i matu sining pangkaukenna tau Babél-é; ripowatai matu ri arung-ngarung battowaé sibawa ri maéga bangsa.’ ”

YEREMIA 27:7

Mattumaniwi matu sininna bangsaé lao ri aléna, lao ri ana' worowanéna, sibawa lao ri eppona narapi wettunna sempe wanuwanna muto. Iyaro wettué mattumaniwi matu bangsa Babél-é lao ri bangsa-bangsa iya mawatangngé sibawa arung-ngarung iya battowaé.

YEREMIA 30:8

Makkedasi Puwang Iya Pommakuwasaé lao ri umma'-Na, “Narékko narapini iyaro essoé, lémpa iya ripasangngé ri salangkammu Upoloi matu, sibawa Upaleppe'i balenggumu. Dé'na mumancaji atanna tau laingngé.

YEREMIA 34:14

Makkedaka makkedaé sininna ata Ibrani iya puraé mattumani enneng taung ittana, harusu'i ripaleppe ri cappa'na taung mapitué. Iyakiya toriyolomu dé' namaélo puriyatiwi iyaré'ga méngkalingai aga iya Upowadaéro.

YEREMIA 34:8

Arung Zédékia sibawa pabbanuwana Yérusalém mébbuni assijancing untu' paleppe'i

YEREMIA 34:9

ata-ata Ibraninna mennang, muwi worowané iyaré'ga makkunrai kuwammengngi dé' muwi séddi tau polé ri bangsa Israélié iya powataéngngi tau sibangsana.

ANGIMANGENG 25:46

sibawa wedding towi muwappammanareng lao ri ana'-ana'mu untu' mancaji atanna mennang gangka maté. Iyakiya pada-padammu tau Israél dé' nawedding mugaukeng sibawa makassara.

MATIUS 18:25

nadé' naulléi mpajai. Jaji napparéntanni iyaro arungngé kuwammengngi iyaro ataé naribalu' silaong ana'na enrengngé bainéna, kuwaéttopa sininna appunnangenna untu' mpajai inrenna.