ANGIMANGENG 25:38 - KITTA KAREBA MADECENG

³⁸ Iyanaro paréntana Puwang Allataalamu, iya puraé tiwiko massu polé ri Maséré untu' mabbéréyangngi wanuwa Kanaan lao ri iko, kuwammengngi Namancaji Allataalamu.

ANGIMANGENG 25:38 ပူးပေါင်းရင်းမြစ်များ

KAJAJIYANG 17:7

Maélo-Ka rupaiwi jancik-Ku lao ri iko sibawa lao ri wija-wijammu, massossoreng, na iyaro assijancik-Ku mannennungengngi. Maélo-Ka mancaji Allataalamu sibawa Allataalana wija-wijammu.

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

YEREMIA 31:1

Makkedai Puwangnge, “Engka matu wettunna Umancaji Allataalana sininna suku Israélié, na mennang mancaji umma'-Ku.

YEREMIA 31:33

Iyanaé assijancing mabaru iya Uwébbué matu sibawa umma Israélié: Utaroi matu hukkung-hukkuk-Ku ri laleng baténna mennang, sibawa Uwokii ri laleng atinna mennang. Mancaji-Ka Allataalana mennang, na mennang mancaji umma'-Ku.

YEREMIA 32:38

Mancajiwi matu mennang umma'-Ku, sibawa Iyya mancaji Allataalana.

ANGIMANGENG 11:45

Iyya'na Puwang iya tiwiékko massu polé ri Maséré, kuwammengngi weddikka mancaji Allataalamu. Sitinajako mapaccing, nasaba mapaccikka.

ABBILANGENG 15:41

Iyya'na Puwang Allataalamu; Iyya tiwiko massu polé ri Maséré kuwammengngi Umancaji Allataalamu. Iyya'na Puwang.”

IBRANI 11:16

Iyakiya annessana, nauddaningiwi mennang séuwa wanuwa iya lebbi makessingngé, iyanaritu wanuwa ri surugaé. Iyanaro saba'na dé' namasiri Allataala rékko mennang nateppui Aléna Allataala, saba' Allataala pura passadiyai séddi kota untu' mennang.