ANGIMANGENG 25:36 - KITTA KAREBA MADECENG

^36-37 Aja' mutuntu'i bungana polé ri aga iya mupainrengiyéngngi, iyakiya sitinajako métau ri Allataalamu, sibawa leppessangngi iyaro tauwé tuwo ri yelle'mu. Aja'to muwakkésarongiwi polé ri inanré iya mubalu'é lao ri aléna.

ANGIMANGENG 25:36 ပူးပေါင်းရင်းမြစ်များ

NEHEMIA 5:15

Gubernur-gubernur ri yoloku, mancaji répomi lao ri ra'ya'é saba' natuntu'i 40 dowi péra' siesso untu' inanré sibawa anggoro. Mala sining pegawénna tenre towi ra'ya'é. Iyakiya iyya dé' umaélo pogau'i makkuwaéro nasaba métauka lao ri Allataala.

NEHEMIA 5:3

Engkato makkeda, “Tarapassaka pasanrai dare'é, palla anggoro'é sibawa bolata untu' melli gandong kuwammengngi aja' tamaté alupureng.”

MAZMUR 15:5

sibawa mappainrengeng dowi temmabbunga; iya dé'é namaélo tarima dowi pasoso untu' parogiwi tau iya dé'é napasala. Tau iya pogau'éngngi makkuwaéro, tuli tennangngi matu.

ASSURENG 22:24

Macaika matu sibawa mpunoko ri laleng musué, angkanna mancaji jandai sining bainému, sibawa mancaji béui ana'-ana'mu.

ASSURENG 22:25

Rékko mupainrengiwi dowi séddié tau kasiyasi polé ri yelle'na bangsa-Ku, aja' mukédo pada-pada passinge inreng iya tuntu'é bunga.

AMSAL 28:8

Niga mancaji sugi nasaba malai rénté sibawa saro maéga senna, sempé'i matu asugirenna lao ri tau iya maressé babuwaé lao ri tau kasiyasié.

YESAYA 24:2

Sininna tauwé napéneddingiwi toto iya padaé: imang-ngimangngé sibawa ra'ya'é, ata riyelli sibawa ponggawana, pabbalu'é sibawa pangelli, panginrengngé sibawa pappainrengngé, sugié sibawa kasiyasié.

YEREMIA 15:10

Macilaka tongekka iyya'é! Untu aga indo'ku jajiyakka? Nasibawang tungke tau ri wanuwaéwé harusu'ka massasa sibawa sibanta. Namuni dé' naengka umappainreng iyaré'ga minreng, iyakiya ritanroika ri sininna tauwé.

YEHEZKIEL 18:13

Mappainrengngi sibawa mabbunga. Aga tau makkuwaéro tuwoi matu? Dé'! Purani napogau' sininna pangkaukeng iya mappakaciddi-ciddi'éro, na matéi matu! Amaténna iyanaritu selaku addimonrinna pangkaukenna muto.

YEHEZKIEL 18:17

Dé' naengka napogau'i majaé iyaré'ga mappainreng sibawa mabbunga. Turui lao ri hukkung-hukkuk-Ku sibawa mapatoi lao ri parénta-Ku. Iyaro ana'é dé' namaté nasaba dosa-dosana ambo'na, sangadinna tette'i tuwo.

YEHEZKIEL 18:8

Dé' naengka nappainreng sibawa mabbunga. Dé' namaélo pogau' ja sibawa ri laleng tungke assasang mabbéréi apettung iya malempué.

YEHEZKIEL 22:12

Engkato mancaji pabbuno riwaja, pappabunga dowi sibawa para'i sining tau sibangsana. Nallupai manek-Ka mennang. Iyya Puwang Iya Pommatanré pura mabbicara.

ANGIMANGENG 25:17

Aja' mubengnguwangngi pada-padammu tau Israél, iyakiya sitinajako métau ri Puwang Allataalamu.