ANGIMANGENG 25:35 - KITTA KAREBA MADECENG

³⁵ Rékko tau sibangsamu iya monroé ri yelle'mu mancaji kasiyasiwi sibawa dé' naulléi balancaiwi aléna, harusu'ko sokongngi pada-pada séddié tau laing iyaré'ga tau polé-polé, kuwammengngi naulléi tuwo matteru ri yelle'mu.

ANGIMANGENG 25:35 ပူးပေါင်းရင်းမြစ်များ

NEHEMIA 5:1

Siyagangngaré wettu ri munrinna maéga tau Yahudi, muwi worowané iyaré'ga makkunrai, mappammulani maddaréké passalenna sining tau sibangsana.

NEHEMIA 5:3

Engkato makkeda, “Tarapassaka pasanrai dare'é, palla anggoro'é sibawa bolata untu' melli gandong kuwammengngi aja' tamaté alupureng.”

AYUB 31:16

Dé'pa naengka nadé' umaélo tulungngi tau kasiyasié, iyaré'ga leppessangngi sining jandaé tuwo pettu paddennuwang.

MAZMUR 112:5

Masennangngi tau iya makacuwaé sibawa napoji mappainreng enrengngé malempu risininna urusangngé.

MAZMUR 112:9

Natawa-tawai waramparanna, sibawa mabbéréi sidekka lao ri tau kasiyasié; tuli napogau'i iya makessingngé, rimakkuwannanaro makuwasai sibawa ripakalebbi.

MAZMUR 37:26

Tuli mappainrengngi sibawa mabbéré, sibawa ana'-ana'na mancaji barakka'i lao ri aléna.

MAZMUR 41:1

Untu' pamimping kor. Mazmurna Daud.

ASSURENG 22:21

Aja' mutenre'i iyaré'ga kédo dé' naadélé lao ri tau laingngé; éngngerangngi makkedaé iko riyolo tau laing tokko ri Maséré.

ASSURENG 22:24

Macaika matu sibawa mpunoko ri laleng musué, angkanna mancaji jandai sining bainému, sibawa mancaji béui ana'-ana'mu.

ASSURENG 22:25

Rékko mupainrengiwi dowi séddié tau kasiyasi polé ri yelle'na bangsa-Ku, aja' mukédo pada-pada passinge inreng iya tuntu'é bunga.

ASSURENG 23:9

Aja' mugaukengngi tau laingngé siélo-élo; muwisseng pékkugi pappéneddinna mancaji tau laing, saba' riyolo tau laing tokko ri Maséré.”

AMSAL 14:31

Niga pogau'i makessingngé lao ri tau kasiyasié, napakalebbii Allataala; niga tenre'i tau malemmaé, napakatunai Pappancajinna.

AMSAL 17:5

Niga méllé-kéllé'i tau kasiyasié, napakatunai Allataala sibawa pappancajinna. Niga marennu lao ri acilakanna tauwé, pasti lolongeng pahukkungeng.

AMSAL 19:17

Tulungngi tau kasiyasié pada muwi mappainreng lao ri Puwangnge; Puwangnge matti mpale'i matu.

ANGIMANGENG 19:34

Gaukengngi mennang pada-pada mugaukenna sining tau sibangsamu sibawa éloriwi mennang, pada-pada muwélorinna alému muto. Engngerangngi makkedaé iko paimeng pura tokko tuwo selaku tau laing ri Maséré. Iyya'na Puwang Allataalamu.

ANGIMANGENG 25:25

Rékko séddié tau Israél mancaji kasiyasiwi angkanna tarapassai nabalu tanana, sumpulolona iya kaminang macawé'é waji'i passui iyaro tanaé.

MATIUS 25:35

Saba' ri wettuk-Ku malupu, muwérék-Ka nanré, sibawa ri wettuk-Ku madekka, mupainuk-Ka. Tau polé-polé-Ka, mutarima-Ka ri bolamu.

MARKUS 14:7

Tau kasiyasié tuli engkai ri yelle'mu. Tungke' wettu rékko maéloko, wedding mutulung mennang. Iyakiya Iyya dé' namatteru-teru-Ka sibawakko.

LUKAS 6:35

Sitonget-tongenna dé' nakkuwaro! Sibalé'na harusu'ko mamaséiwi balimmu sibawa pogau'i makessingngé lao ri mennang. Harusu'ko mappainreng, naaja' murennuwangngi lisu. Rékko makkuwairo, battowai saromu sibawa mancajiko matu ana'-ana'na Allataala Iya Pommatanré. Saba' makessing atiwi Allataala lao ri tau iya dé'é naissengngi mattarima kasi, sibawa lao ri iya majaétto.

YOHANES 12:8

Tau kasiyasié tuli engkai ri yelle'mu, iyakiya Iyya dé'.”

RIWAYA'NA RASUL-RASUL-E 11:29

Nasininna iyaro tau maccowériyéngngi Yésus masséddini untu' kiring sumbangeng lao ri saudara-saudara iya monroé ri Yudéa; tungke'-tungke' kiring situru amampungenna.

ROMA 12:13

Tulungngi paggenne'i apparelluwanna sining tau Kristéng laingngé enrengngé tarimai Saudara-saudara siatepperengngé iya dé'é muwissengngi, sibawa ati masennang ri lalempolamu.

ROMA 12:18

Polé ri iko, akkuragano siullé-ullému untu' tuwo sidamé sibawa sininna tauwé.

ROMA 12:20

Sibalé'na, rékko malupui balimmu, panréi, sibawa rékko madekkai, paénungngi. Nasaba ri laleng mupogau'na makkuwaéro, mupakasirii matu.

2 KORINTUS 8:9

Saba' muwisseng tongeng makkedaé riyamaséi senna'ki ri Yésus Kristus Puwatta: Aléna sugii, iyakiya napakasiyasiwi Aléna untu' apentingemmu, kuwammengngi nasaba akasiyasin-Naro, namusugi.

2 KORINTUS 9:1

Sitongenna dé'na naparelluna marokika lao ri iko passalenna bantuwang iya mattengngangngé rikiring lao ri umma'na Allataala ri Yudéa.

GALATIA 2:10

Séddi-séddinna paréllaunna mennang iyanaritu kuwammengngi narijampangi tau kasiyasié. Na iyya mala masennang pogau'i iyaro gau'é.

ULANGENG 23:19

Rékko mappainrekko dowi lao ri tau laingngé, weddikko méllau bunga. Iyakiya rékko mappainrekko dowi iyaré'ga inanré iyaré'ga barang laing lao ri tau sibangsamu, iyaro pappainrengngé harusu'i riwéréng temmabbunga. Turusiwi iyaro paréntaé, na Puwang Allataalamu barakkakiwi sininna séuwa-séuwaé iya mupogau'é ri wanuwa iya mutudangiyé.

IBRANI 13:2

Aja' mubata-bata tarimai ri bolamu, sining tau iya dé'éppa muwissengngi. Saba' ri laleng pogau'i iya makkuwaéro, engka naengka tauwé, tennasadariwi, natarimai malaéka'é ri bolana.

1 YOHANES 3:17

Séddié tau iya agennekengngé mitai saudarana akurangeng, iyakiya dé' namaélo tulungngi saudaranaro, pékkugi iyaro tauwé mulléi makkeda makkedaé namaséiwi Allataala?