ANGIMANGENG 25:34 - KITTA KAREBA MADECENG

³⁴ Iyakiya padang wellaé ri seddéna kota-kotana suku Léwié dé' nawedding ribalu. Iyaro appunnangennai tau Léwié untu' mannennungeng.

ANGIMANGENG 25:34 ပူးပေါင်းရင်းမြစ်များ

2 TAWARIKH 31:19

Ri yelle'na sining imang iya monroé ri kota-kota iya ripattentué untu' wija-wijanna Harun, iyaré'ga risining padangngé ri seddéna kota-kotaéro, rijello'i sining petugas-é untu' bagé-bagéi bahang inanré lao ri sininna tau worowané ri laleng kaluwarga imangngé, sibawa lao ri tungke tau iya ridaftar-é ri laleng suku Léwi.

YEHEZKIEL 48:13

Tanana sining tau Léwiéro lampéna 12,5 kilo polé ri alau liyajang, sibawa sakkana lima kilo polé ri manorang liyattang na onronna makkadambangngi sibawa tanana sining imangngé.

YEHEZKIEL 48:14

Muwi sijakka polé ri tanaéro dé'to nawedding nabalu mennang iyaré'ga nasséléreng; bagiyang kaminang makessingngé polé ri tanana Israélié dé' nawedding lélé ri limanna tau laingngé, saba' iyaro tanaé purani ripallaing untu' Puwangnge sibawa mancajiwi appunnangen-Na.

ANGIMANGENG 25:23

Dé' nawedding mubalu matteru tanamu, saba' iyaro tanaé tenniya appunnangemmu; sangadinna appunnangennai Allataala. Iko banna pada-padako tau laing iya lolongengngé pappalalo untu' pakéi iyaro tanaé.

ANGIMANGENG 25:33

Rékko séddié tau Léwi balu'i bolana risala séddinna kotaéro, nadé' napassui, iyaro bolaé harusu'i ripalisu ri aléna ri laleng Taung Appalisungngé. Saba' bolana tau Léwié ri kota-kotana mennang iyanaritu appunnangennai mennang iya mattette'é ri yelle'na bangsa Israélié.