ANGIMANGENG 25:24 - KITTA KAREBA MADECENG

²⁴ Rékko sikonrongngé tana ribalu, harusu'i riakui ha'na punnana iya mammulangngé untu' passui iyaro tanaé.

ANGIMANGENG 25:24 ပူးပေါင်းရင်းမြစ်များ

YEREMIA 32:7

makkedaé Hanameel, ana' worowanéna amauréku Salum, maéloi polé untu' méllauwi kuwammengngi uwelliwi tanana ri Anatot ri daérana Bényamin. Saba', iyya ritu sumpulolona iya kaminang macawé'é iya mappunnaiyé ha' melliwi tanaéro.

YEHEZKIEL 7:13

Dé'gaga padangkang iya dé'é narapii lolongengngi paimeng aga iya puraé nabalu, saba' caina Allataala nakennai nigi-nigi. Tau majaé dé' nasalama matu.

ANGIMANGENG 25:23

Dé' nawedding mubalu matteru tanamu, saba' iyaro tanaé tenniya appunnangemmu; sangadinna appunnangennai Allataala. Iko banna pada-padako tau laing iya lolongengngé pappalalo untu' pakéi iyaro tanaé.

ANGIMANGENG 25:25

Rékko séddié tau Israél mancaji kasiyasiwi angkanna tarapassai nabalu tanana, sumpulolona iya kaminang macawé'é waji'i passui iyaro tanaé.

ANGIMANGENG 25:27

harusu'i nawaja lao ri tau iya puraé melliwi tanana singngangke wassélé tanaéro ri lalenna taut-taung rappina lettu ri Taung Appalisung iya mangoloé. Nanallalengiro nanalolongenni paimeng tana appunnangenna.

ANGIMANGENG 25:31

Untu' bolaé ri désa iya dé'é nattulingiwi témbo' takkennai peraturang iya padaé pada-pada untu' tanaé: punnana iya mammulangngé mappunnai ha' untu' passui sibawa iyaro bolaé harusu'i ripassu ri laleng Taung Appalisungngé.

ROMA 8:23

Sibawa tenniya sininna alangngé bawang maddaréké, idi paimeng maddaréké ri laleng batétta. Purani ritarima Rohna Allataala selaku pabbéréna Allataala iya pammulangngé, iyakiya ritajeng mupi Allataala paleppe'i sininna aléta sibawa pancajiki ana'-ana'-Na.

1 KORINTUS 1:30

Allataala muto mébbui angkanna Saudara masséddi sibawa Kristus Yésus. Naolai Kristus naripancajiki mapanré. Sibawa naolai Alénato, naébbuki Allataala simadécéngeng paimeng sibawa Aléna enrengngé pancajiki umma'-Na iya mapaccingngé, kuwaéttopa paleppe'ki.

EFESUS 1:14

Roh-énna ritu boro' makkedaé tarimaki matu aga iya puraé najjanciyang Allataala lao ri umma'-Na. Iyanaé mpérékki ateppereng makkedaé Allataala paleppe'i matu umma'-Na. Ripojiwi Allataala nasaba arajan-Na!

EFESUS 1:7

Saba' amaténna Kristus, napaleppe'ki Allataala, bettuwanna puraki Naddampengeng polé ri dosa-dosata.

EFESUS 4:30

Aja' mupamesséiwi atinna Rohna Allataala. Purani rimatéréiko sibawa Roh, mancaji appunnangenna Allataala. Iyaro Roh-é sinrupa towi boro' makkedaé Esso Aleppekengngé poléi matu ri iko.