ANGIMANGENG 25:23 - KITTA KAREBA MADECENG

²³ Dé' nawedding mubalu matteru tanamu, saba' iyaro tanaé tenniya appunnangemmu; sangadinna appunnangennai Allataala. Iko banna pada-padako tau laing iya lolongengngé pappalalo untu' pakéi iyaro tanaé.

ANGIMANGENG 25:23 ပူးပေါင်းရင်းမြစ်များ

KAJAJIYANG 23:4

“Iyya'é tau laikka iya monroé ri tengngana Saudara-saudara; palalona melli sipaddarekeng tana kuwammengngi weddikka kuburu'i bainéku.”

KAJAJIYANG 47:9

Nappébali Yakub, “Sératuni telluppulo taunna atatta tuwo selaku passollé. Iyaro atuwonna atatta pennoi asukkarakeng sibawa maponco iyaro rékko ripasibandingngi sibawa umuru'na toriyolona atatta selaku passollé.”

1 ARUNG-NGARUNG 21:3

Nappébali Nabot, “Iyaé palla anggoro'é manana néné-nénéku. Nasabbing Allataala, dé' naweddikka mabbéréyangngi lao ri Puwang!”

1 TAWARIKH 29:15

Muwisseng, oh Puwang, makkedaé pada-pada sining toriyolota, rijoppai towi atuwongngéwé selaku tau polé-polé sibawa tau laing. Atuwotta pada-padai wajo-wajo iya labe'é, dé' naweddikki leppe polé ri amaténgngé.

2 TAWARIKH 7:20

Upassuko matu polé ri wanuwa iya puraé Uwabbéréyang lao ri iko. Usalai towi matu bolaéwé iya puraé Upattette mancaji onrong assompang lao ri Iyya. Kégi-kégi iyaé bolaé ripakatunai matu sibawa ricawa-cawaiwi.

MAZMUR 119:19

Untu' cinampe bawang monroka ri linoé, aja' tasubbui hukkum-Mu polé ri aléku.

MAZMUR 24:1

Mazmurna Daud. Appunnangenna Puwangnge linoé lollong lise'na, linoé sibawa sininna iya monroiyéngngi.

MAZMUR 39:12

Tolinoé nasaba asalanna; Muhukkungngi sibawa Muajara' pada-pada cecco'é Muancuru'i aga iya mangke'é ri aléna. Tongeng, tolinoé padai seppung nappase'é bawang.

MAZMUR 39:13

Engkalingai sempajakku oh Puwang, pénessai paréllaukku; aja' Muwonro mammekko rékko terika. Pada-pada sininna néné-nénéku, cinampe bawang mappérumaka ri alé-Mu.

MAZMUR 85:1

Untu' pamimping kor. Mazmurna appang Korah.

ASSURENG 19:5

Makkekkuwangngé rékko muturusi-Ka sibawa matinulu lao ri assijancik-Ku, Upancajiko matu umma riyalé-Ku. Sininna linoé iyanaritu appunnangek-Ku, iyakiya iko mancajiko appunnangeng uwélorik-Ku,

ASSURENG 2:22

Najajiyanni Zipora séddi ana' worowané. Iyaro ana'é nawérénni aseng Gérsom, nasaba mappikkiri'i Musa, “Séddiki tau laing kuwaé.”

YESAYA 8:8

Nappo'i matu mennang Yéhuda pada-pada lémpe gangka ellongngé tanréna sibawa malle'i sini-sininnaé.” Allataala sibawakki! Panni-Na iya mallebba'é linrungiwi wanuwatta.

YEHEZKIEL 48:14

Muwi sijakka polé ri tanaéro dé'to nawedding nabalu mennang iyaré'ga nasséléreng; bagiyang kaminang makessingngé polé ri tanana Israélié dé' nawedding lélé ri limanna tau laingngé, saba' iyaro tanaé purani ripallaing untu' Puwangnge sibawa mancajiwi appunnangen-Na.

HOSEA 9:3

Iko, éh bangsa Israélié, dé' mutette matu monro ri tana iya nabbéréyangngé Puwangnge lao ri iko. Harusu'ko lisu lao ri Maséré, sibawa harusu manré inanré harang ri Asyur.

YOEL 2:18

Nainappa nappaitang Puwangnge tana-Na, sibawa mamaséiwi umma'-Na.

YOEL 3:2

Upaddeppungengngi matu sininna bangsaé na-Utiwii lao ri Lompo Angadélékengngé. Nainappa Uwadéléki mennang kuwaro nasaba jana lao ri umma'-Ku nasaba purai mennang natawa-tawa tanana Israélié sibawa napalii umma'-Ku lao ri maddupa-rupang wanuwa.

ANGIMANGENG 25:10

Harusu'ko pallaingngi taung iya malimappuloéro, sibawa mappallebbangengngi amaradékangngé lao ri sininna pabbanuwana wanuwaé. Ri lalenna taungngéro sininna waramparang iya puraé ribalu harusu'i ripalisu ri punnana iya mammulangngé iyaré'ga wija-wijanna. Niga ribalu selaku ata harusu'i ripalisu ri kaluwargana.

ANGIMANGENG 25:24

Rékko sikonrongngé tana ribalu, harusu'i riakui ha'na punnana iya mammulangngé untu' passui iyaro tanaé.

ULANGENG 32:43

Eh bangsa-bangsa, pojiwi umma'na Puwangnge, saba' Puwangnge hukkungngi sininna iya mpunoéngngi mennang. Makkabale'i lao ri balin-Na iyakiya maddampengengngi dosana umma'-Na.”

1 PETRUS 2:11

Saudara-saudara iya ripojiyé! Iko iyanaritu tau polé-polé sibawa passollé ri linoéwé. Rimakkuwannanaro uwéllauwi sibawa masero kuwammengngi aja' muwaccowériwi hawa napessu tolinomu iya tuli mammusué méwai nyawaé.