ANGIMANGENG 25:17 - KITTA KAREBA MADECENG

¹⁷ Aja' mubengnguwangngi pada-padammu tau Israél, iyakiya sitinajako métau ri Puwang Allataalamu.

ANGIMANGENG 25:17 ပူးပေါင်းရင်းမြစ်များ

KAJAJIYANG 20:11

Nappébali Abraham, “Uwasengngi, kuwaé dé'gaga tau iya métaué ri Allataala, angkanna riyunoka matu ri tau iya macinnaiyéngngi bainéku.

KAJAJIYANG 22:12

Nakkeda Puwangnge naolai malaéka'éro, “Aja' mupeddiriwi iyaro ana'é iyaré'ga magagai. Uwissenni makkekkuwangngé makkedaé mappakalebbiko sibawa turu lao ri Iyya, nasaba dé' musampéyangngi untu' mabbéréyangngi ana'mu iya tungke''éro lao ri Iyya.”

KAJAJIYANG 39:9

Akuwasanna kuwaé pada-padai akuwasakku. Dé'gaga muwi séddi iya dé'e nappaddettangengngi lao ri iyya sangadinna Ibu. Pékkugi makkullé upogau' pangkaukeng majaéro sibawa madosa lao ri Allataala?”

KAJAJIYANG 42:18

Ri esso matellué makkedani Yusuf lao ri mennang, “Iyya tau métauka sibawa mapato lao ri Allataala. Maéloka passalama'ko sibawa séddi sara'.

2 TAWARIKH 19:7

Harusu'ko métau lao ri Puwangnge, sibawa tinda' matutu, saba' Puwang Allataalata nabenci tau iya kédo macéko-cékoé, iya pogau'éngngi matane siwalié iyaré'ga iya tarimaé pasoso.”

NEHEMIA 5:15

Gubernur-gubernur ri yoloku, mancaji répomi lao ri ra'ya'é saba' natuntu'i 40 dowi péra' siesso untu' inanré sibawa anggoro. Mala sining pegawénna tenre towi ra'ya'é. Iyakiya iyya dé' umaélo pogau'i makkuwaéro nasaba métauka lao ri Allataala.

NEHEMIA 5:9

Nainappa makkeda paimeng, “Iyaro pangkaukemmu dé' namakessing! Sitongenna harusu'ko tuwo sibawa métau ri Allataala. Nanallalengiwi iyaro balitta dé'é nakképuwang dé' muwéréngngi kasempatang untu' pakatunaki.

MAZMUR 19:9

Coco'i peraturanna Puwangnge, napésennangiwi atié. Tuléngngi iyaro attettekenna Puwangnge, naébbui tauwé pahangngi.

ASSURENG 20:20

Nappébali Musa, “Aja' mumétau. Poléi Allataala banna untu' cobaiko kuwammengngi mutette turusiwi, sibawa dé' mumadosa.”

AMSAL 1:7

Untu' lolongengngi pangissengeng tongengngé, lebbi riyolo harusu'i tauwé mappunnai perasaang mappakalebbi sibawa métau lao ri Puwangnge. Tau madonggoé dé' naangke'i pangissengengngé sibawa dé' namaélo ripagguru.

AMSAL 14:31

Niga pogau'i makessingngé lao ri tau kasiyasié, napakalebbii Allataala; niga tenre'i tau malemmaé, napakatunai Pappancajinna.

AMSAL 16:6

Tau iya matinulué lao ri Allataala lolongengngi matu paddampeng. Tau iya mateppe'é leppe'i polé ri sininna majaé.

AMSAL 22:22

Aja' muparogiwi tau kasiyasié, banna nasaba malemmai; sibawa ri sidang pengadilangngé aja' mukuwasaiwi ha'na tau iya dé'é pakkullénna.

YESAYA 3:14

Tinda'i Puwangnge selaku haking lao risining pamimpinna umma'-Na. Iyanaé nattenrekeng Puwangnge lao ri mennang: “Iko ritu rampo'i wassélé palla-palla anggoro'é; pennoi barang bolamu iya murampasa'é polé ri tau kasiyasié.

ANGIMANGENG 19:13

Aja' mupara'i pada-padammu iyaré'ga rampasa'i baranna. Sarona séddié tau iya majjamaé ri iko aja' mutahangngi, muwi untu' siwenni bawang.

ANGIMANGENG 19:14

Aja' mutanroiwi tau mataru-tarué sibawa aja' mutaro batu tabbuttureng ri yolona tau butaé. Sitinajako mappakalebbi sibawa métau ri Iyya, saba' Iyya Puwang Allataalamu.

ANGIMANGENG 19:32

Etauriwi sibawa pakalebbii sining tomatowaé. Sitinajako mappakalebbi sibawa métau lao ri Iyya, saba' Iyya'na Puwang.

ANGIMANGENG 25:14

Jaji rékko mabbalu tanako lao ri pada-padammu tau Israél, iyaré'ga melli tana polé ri aléna, aja' musipabbelling sibawa dé' namalempu.

ANGIMANGENG 25:36

Aja' mutuntu'i bungana polé ri aga iya mupainrengiyéngngi, iyakiya sitinajako métau ri Allataalamu, sibawa leppessangngi iyaro tauwé tuwo ri yelle'mu. Aja'to muwakkésarongiwi polé ri inanré iya mubalu'é lao ri aléna.

ANGIMANGENG 25:43

Jaji tau Israél iya balu'éngngi aléna riiko dé' nawedding mugaukeng sibawa makassara. Sitinajako métau ri Puwang Allataalamu.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

LUKAS 12:5

Madécéngengngi Upaitakko niga harusu' muwétauri. Etauko ri Allataala! Saba' purana mabbuno, makuwasa towi buwangngi ri laleng ranakaé! Ateppe'no, Aléna ritu harusu' muwétauri.

RIWAYA'NA RASUL-RASUL-E 10:2

Séddiwi tau métau ri Allataala sibawa sininna kaluwargana massompai ri Allataala. Maléwe'i natulung sining tau Yahudié iya kasiyasié, sibawa tuli massempajangngi lao ri Allataala.

RIWAYA'NA RASUL-RASUL-E 10:35

Tau iya métaué ri Allataala sibawa pogau'éngngi tongengngé, iyaro tauwé ritarimai ri Allataala, dé' napaduliwi bangsa agai.

RIWAYA'NA RASUL-RASUL-E 9:31

Na jema'é ri sininna Yudéa, Galiléa, sibawa Samaria mancaji tennanni. Nasibawang tau lao ri Puwangngé sibawa ribantu ri Rohna Allataala iyaro jema-jema'é tattamba mawatanni sibawa maéga.

ROMA 11:20

Mémeng tongeng iyaro. Iyakiya riyabbéyangngi mennang nasaba dé' namateppe' mennang, na Saudara ritarima nasaba mateppe'i Saudara. Jaji aja'na namatempo Saudara nasaba iyaro; sibalé'na harusu'i Saudara métau.

ROMA 3:18

sibawa dé' nappakalebbi ri Allataala.”

ULANGENG 25:18

Dé' namétau mennang ri Allataala sibawa gasako polé ri munri wettummu mattengngang poso sibawa acappureng pakkulléng, nainappa nauno sininna taummu iya sipanrasa-rasaé joppa ri munri.

1 TESALONIKA 4:6

Ri laleng gau' pada-padaéwé, aja' namuwi séddi tau pogau' asalang lao ri saudarana, iyaré'ga bengnguwangngi. Riyolo puraki' mabbirittangngi papparéngngerang iya matedde'é lao ri iko, makkedaé nahukkungngi matu Puwangngé sining tau iya pogau'éngngi sining asalang pada-padaéro.

1 SAMUEL 12:24

Pakalebbii Puwangnge sibawa attumanino ri Aléna sibawa matinulu nenniya sukku atimmu. Engngerangngi matu sining pangkaukeng battowa iya puraé Upogaukekko.