ANGIMANGENG 25:14 - KITTA KAREBA MADECENG

¹⁴ Jaji rékko mabbalu tanako lao ri pada-padammu tau Israél, iyaré'ga melli tana polé ri aléna, aja' musipabbelling sibawa dé' namalempu.

ANGIMANGENG 25:14 ပူးပေါင်းရင်းမြစ်များ

2 TAWARIKH 16:10

Iyaro ada-adanna Nabi Hanani mébbui Asa makkuwamani caina angkanna naputtama iyaro nabié ri laleng tarungkué. Iyatoro wettué napanrasa-rasai Asa siyagangngaré tau polé ri ra'ya'na.

MAZMUR 10:18

Ana' béué sibawa tau ritenre'é Mubélai parakarana, kuwammengngi na dé'gaga tau iya péttauriyéngngi mennang.

AMSAL 14:31

Niga pogau'i makessingngé lao ri tau kasiyasié, napakalebbii Allataala; niga tenre'i tau malemmaé, napakatunai Pappancajinna.

AMSAL 21:13

Niga dé' namaélo méngkalinga addarékéna tau iya akurangengngé dé' matu narijampangi rékko aléna méllau pattulung.

AMSAL 22:16

Niga maélo mancaji sugi sibawa tenre'i tau kasiyasié sibawa mpéréngngi hadiya tau masagénaé paccappurenna kasiyasiwi matu.

AMSAL 28:16

Panguwasa iya tenre'éngngi tau laingngé, dé' nappunnai akkaleng iya madisingngé; panguwasa iya céccééngngi acéko-cékongngé mapparéntai matu mattaut-taung.

AMSAL 28:3

Panguwasa iya tenre'éngngi tau kasiyasié, pada-padai bosi raja iya solangiyéngngi éngngalangngé.

AMSAL 28:8

Niga mancaji sugi nasaba malai rénté sibawa saro maéga senna, sempé'i matu asugirenna lao ri tau iya maressé babuwaé lao ri tau kasiyasié.

PAKKATOBBA 5:8

Mala muwi atuwonna arungngé taggattungngi ri wassélé éngngalangngé.

YESAYA 1:17

agguruno pogau'i makessingngé. Patettongngi adélékengngé sibawa paccappui patenre'é; wéréngngi ana' béué ha'na mennang sibawa éwaiwi parakarana jandaé.”

YESAYA 33:15

Mulléi tahang rékko makkedako sibawa pogau'i iya tongengngé. Aja' musappa saro sibawa para'i tau kasiyasié, sibawa aja' mutarima dowi pasoso. Aja' muwaccowériwi tau iya rancanaéngngi abbunowangngé iyaré'ga ja laingngé.

YESAYA 5:7

Saba' palla anggoro'na Puwang Iya Pommakuwasaé iyanaritu umma Israélié, sibawa sining tau Yéhudaé iyanaritu pong anggoro iya Natanengngé. Polé ri mennang Naddennuwangiwi adélékengngé, iyakiya banna abeccokeng engka. Naddennuwangiwi mennang napatettong atongengengngé, iyakiya banna kelli méllau adélékeng engka.

YESAYA 58:6

Iyanaé puwasa iya Uwéloriyé: Paleppe'i balenggu pattenre'é sibawa tiwi dé'é naadélé, nenniya paleppe'i sining tau iya ritenre'é.

YEREMIA 22:17

Iyakiya iko, Yoyakim, laingngi. Banna sappako asarong paribadi. Muwunoi tau iya dé'é napasala, sibawa tenre'i ra'ya'mu sibawa mabecco.

YEHEZKIEL 22:7

Dé' muwi séddi pabbanuwamu pakalebbii tomatowanna. Mubengnguwangngi tau laingngé sibawa mala saro polé ri asussanna jandaé sibawa ana' béué.

ANGIMANGENG 19:13

Aja' mupara'i pada-padammu iyaré'ga rampasa'i baranna. Sarona séddié tau iya majjamaé ri iko aja' mutahangngi, muwi untu' siwenni bawang.

ANGIMANGENG 25:15

Iyaro ellinna tanaé harusu'i ripattentu situru jumellana taung ittana iyaro tanaé wedding mabbéré wassélé narapi Taung Appalisung iya rappina.

ANGIMANGENG 25:17

Aja' mubengnguwangngi pada-padammu tau Israél, iyakiya sitinajako métau ri Puwang Allataalamu.

MIKHA 7:3

Macca manengngi ri laleng pogau'i majaé. Pajaba sibawa hakingngé méllauwi dowi pasoso, sibawa tomariyolona masaraka'é nappassangngi élona, makkuwaniro mennang massikongkolo massibawa.

LUKAS 3:14

Engkato parajuri' makkutana, “Pékkugitosi idi'é? Aga harusu' ripogau'?” Nappébali Yohanés, “Aja' mupanrasa-rasai muwi niga-niga, sibawa aja' murampasa' dowi nasaba pétenna'-pétenna' dé'é natongeng. Asennanno sibawa gajimmu!”

1 KORINTUS 6:8

Iyakiya mala iko muto gaukengngi tau laingngé sibawa dé' naadélé'. Iko muto parogiwi tau laingngé. Na iyaro mupogau'i mala lao ri Saudara-saudara siatepperengngé!

HAKING-HAKING 4:3

Mappunnaiwi Yabin 900 karéta musu polé ri bessié. Duwappulo taung ittana najaja tau Israélié sibawa mabecco. Nainappa mennang mangobbi méllau tulung lao ri Puwangnge.