ANGIMANGENG 24:7 - KITTA KAREBA MADECENG

⁷ Taroiwi kamennyang tuléng tungke' susung roti untu' tanrangiwi makkedaé iyaro rotié akkarobangeng inanré untu' Puwangnge.

ANGIMANGENG 24:7 ပူးပေါင်းရင်းမြစ်များ

KAJAJIYANG 9:16

Rékko paitai tarawué ri ellungngé, Uwitai matu sibawa méngngerangngi assijancing iya mannennungengngéro antara Iyya sibawa sininna mahlu' iya tuwoé ri linoé.

ASSURENG 12:14

Iyaro essoé harusu'i muparéngngerangi selaku esso maraja untu' Puwangnge. Iyaro essoé harusu'i muramé-raméi tungke' taung matteru-teru.”

ASSURENG 13:9

Iyaé ramé-ramé mancaji papparéngngerangngi ri alému pada-pada tanrang iya riyassiyorengngé ri limaé iyaré'ga ri linroé. Iyaé ramé-ramé paréngngerangiko untu' matteru powadai sibawa magguruiwi Hukkung-hukkun-Na Puwangnge, saba' Puwangnge passuko polé ri Maséré nasibawang akuwasan-Na iya battowaé.

ASSURENG 17:14

Nakkeda Puwangnge lao ri Musa, “Okini passalenna iyaé apakalangngé kuwammengngi tette'i riyéngngerang. Powadangngi Yosua makkedaé Upabbinasai matu tau Amalé'é.”

YESAYA 43:23

Dé' mutiwi bimbala untu' akkarobangeng ritunummu, dé' mupakalebbi-Ka sibawa pakkasiwiyamu. Padahal dé' Upatiwiriko sibawa akkarobangeng, iyaré'ga sussaiko sibawa tuntu kamennyang.

ANGIMANGENG 2:1

Rékko séddié tau makkasuwiyangeng akkarobangeng ripatalaé lao ri Puwangnge, iyaro akkarobangngé harusu'i labbu iya kaminang makessingngé iya riboloé minnya zaitun sibawa riwéréng kamennyang ri tompo'na.

ANGIMANGENG 2:2

Harusu'i natiwi risining imang wija-wijanna Harun. Imang iya majjamaé harusu malai sikemmo iyaro labbu'é sibawa minnya zaitunna enrengngé sininna kamennyanna, nainappa natunu ri yasé'na mézbaé selaku tanrang makkedaé purani riyakkasuwiyangeng maneng lao ri Puwangnge. Baunna iyaro akkarobangeng inanré pésennangiwi atinna Puwangnge.

ANGIMANGENG 2:9

Imangngé malai sibagiyang iyaro rotié nainappa natunu ri yasé'na mézbaé selaku tanrang makkedaé pura manenni riyakaksuwiyangeng lao ri Puwangnge. Baunna pésennangiwi atinna Puwangnge.

YOHANES 6:35

Nakkeda Yésus lao ri mennang, “Iyya'na roti iya mabbéré atuwong. Tau iya laowé ri Iyya dé'na namalupu lettu mannennungeng. Sibawa tau iya mateppe'é ri Iyya dé'na namadekkana lettu mannennungeng.

YOHANES 6:51

Iyya'na roti nonnoé polé ri surugaé – roti iya mabbéré atuwong. Tau iya manrééngngi iyaé rotié tuwoi matu mannennungeng. Roti iya maéloé Uwabbéréyang untu' atuwonna rupa tauwé ri linoé iyanaritu juku-Ku.”

RIWAYA'NA RASUL-RASUL-E 10:31

Makkedai, ‘Kornélius! Natarimani Allataala sempajammu sibawa naéngngeranni asémpoatimmu.

RIWAYA'NA RASUL-RASUL-E 10:4

Naitani Kornélius iyaro malaéka'é sibawa métauna nainappa makkeda, “Engka aga Puwang?” Nappébali iyaro malaéka'é, “Sempajammu sibawa asémpoatimmu natarimani Allataala sibawa naéngngeranna Allataala.

EFESUS 1:6

Ripojiwi Allataala iya marajaé nasaba naolai Ana'-Na iya naéloriyé, Nanamaséi senna'ki.

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.