ANGIMANGENG 24:3 - KITTA KAREBA MADECENG

³ Harusu'i Harun matoro'i sining lampuéro mappammulai mapettanna narapi élé ri onrong naonroiyé Puwangnge, ri saliwenna kaing paddenring iya tongkoéngngi Petti Assijancingngé ri Bili' Pommapaccingngé. Iyaro paréntaé harusu'i ripogau' untu' mannennungeng.

ANGIMANGENG 24:3 ပူးပေါင်းရင်းမြစ်များ

ASSURENG 27:21

Harun sibawa ana'-ana'na harusu'i murusu'i iyaro lampué mappammulai arawéng lettu ri éléé ri onrokku hadéré, ri saliwenna kaing iya taggattungngé ri yolona Petti Assijancingngé. Iyaro paréntaé harusu'i napogau' untu' mannennungeng tau Israélié sibawa wija-wijanna.”

ANGIMANGENG 24:2

mabbéréyangngi iyaé sining peraturangngé lao ri bangsa Israélié: Tiwino minnya zaitun iya tuléngngé sibawa iya kaminang makessingngé untu' lampué ri laleng Kémana Puwangnge, kuwammengngi nawedding ripasang sibawa malluwa matteru.

ANGIMANGENG 24:4

Harusu'i Harun murusu'i sining lampué ri ajé lampué polé ri ulaweng tuléngngé kuwammengngi natette malluwa ri laleng Kémana Puwangnge.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

ABBILANGENG 18:5

Banna iko, Harun sibawa ana'-ana'mu ritu iya harusu'é pogau'i jamangngé ri Bili' Mapaccingngé sibawa ri mézbaé, kuwammengngi aja'na Umacaisi lao ri bangsa Israélié.

1 SAMUEL 3:3

na Samuél matinroi ri seddéna Petti Assijancinna Puwangnge, ri laleng Kéma Mapaccingngé. Wettunna dé'pa naompo essoé sibawa malluwa mupa lampué,