ANGIMANGENG 24:16 - KITTA KAREBA MADECENG

¹⁶ sibawa rihukkung maté. Nigi-nigi tanroiwi Puwangnge harusu'i rigenrung batu gangka maté risininna jema'é. Iyaro hukkungngé takkennai untu' tau Israélié iyaré'ga untu' tau laing iya mattette'énna ri Israél.

ANGIMANGENG 24:16 ပူးပေါင်းရင်းမြစ်များ

2 SAMUEL 6:2

Napimpinni mennang mattuju ri Baalé-Yéhuda, untu' malai polé kuwaro Petti Assijancingngé iya riteppué sibawa asenna Puwang Pommakuwasaé iya makkarungngé ri yasé'na kérub-kérub-é.

MAZMUR 139:20

Napowadai mennang majaé passalenna Iko, sibawa mattanro bellé-belléi nasabbing kota-kota-Mu.

MAZMUR 74:10

Gangka kégi oh Allataala, naéllé'-Ko balié balié? Lettu mannennungegga napakatunai mennang asem-Mu?

MAZMUR 74:18

Engngerangngi pékkugi balié pakatuna-Ko, oh Puwang, bangsa iya dé'é naissek-Ko curupiyangiwi asem-Mu.

ASSURENG 20:7

Aja' muteppuwi asek-Ku sibawa sembarangang, saba' Iyya, Puwang Allataalamu, hukkungngi nigi-nigi iya makkégunang salaéngngi asek-Ku.

ASSURENG 22:28

Aja' mutanroiwi Allataala sibawa aja' mutanroiwi pamimping bangsamu.

ANGIMANGENG 20:2

powadai gau'éwé lao ri bangsa Israélié, “Tungke' tau ri yelle'mu iyaré'ga tau laing iya mattette'é ri yelle'mu, iya makkarobangngéngngi ana'na lao ri Molokh, harusu'i rigenrung batu gangka maté ri sininna masaraka'é.

MATIUS 12:31

Rimakkuwannanaro, issengngi, rékko pogau'i dosa tauwé sibawa powada pappakatuna, weddingngi riyaddampengeng! Iyakiya rékko napakatunai Rohna Allataala dé' nawedding riyaddampengeng!

MATIUS 26:66

Pékkugi pallolongemmu makkekkuwangngé?” Nappébali mennang, “Salai, sibawa harusu'i maté.”

MARKUS 14:64

Alémuna méngkalingai ada-adan-Na iya cella-cellaéngngi Allataala. Makkekkuwangngé aga apettummu?” Napettui manenni mennang makkedaé pasalai Yésus, sibawa sitinajai rihukkung maté.

YOHANES 19:7

Nappébali sining tau Yahudiéro, “Manuru' hukkutta, harusu'i rihukkung maté nasaba nangakui Aléna Ana'na Allataala.”

RIWAYA'NA RASUL-RASUL-E 26:11

Maléwe' senna' usissa mennang risining bola assompangngé, passai mennang kuwammengngi nassakkarengngi aga natepperiyé. Makkuwamani pellana atikku lao ri mennang, angkanna laoka ri kota-kota laingngé untu' lellungngi mennang kuwaro.”

RIWAYA'NA RASUL-RASUL-E 7:58

Nassarénréngenni massu ri saliweng kota nainappa nagenrung batu. Sining tau iya sabbingngéngngi iyaro kajajiyangngé nappaddettangenni pakéyanna mennang riséddié kallolo riyasengngé Saulus.

1 TIMOTIUS 1:13

namuni riyolo mappétenna'ka, sibawa maccalla enrengngé pakatunai Aléna. Iyakiya Allataala mamaséika, nasaba iyaro wettué dé'pa umateppe, jaji dé' uwissengngi aga iya upogau'é.

YAKOBUS 2:7

Mennang ritu pakatunai aseng iya malebbié iya mutarimaé polé ri Allataala!