ANGIMANGENG 23:7 - KITTA KAREBA MADECENG

^7-8 Iyaro pitungngessoé ittana harusu'ko makkasuwiyang akkarobangeng inanré lao ri Puwangnge. Ri esso mammulangngé sibawa mapitué ramé-raméro harusu'ko pakangka addeppu-deppungeng untu' massompa sibawa dé' nawedding pogau' pallaung matane.

ANGIMANGENG 23:7 ပူးပေါင်းရင်းမြစ်များ

ASSURENG 12:16

Ri esso mammulangngé, sibawa ri esso mapitué, harusu'ko maddeppungeng untu' massompa. Iyaro essoé dé' naweddikko mappallaung muwi aga sangadinna iya parellué untu' passadiya inanré.

ANGIMANGENG 23:21

Ri essoéro harusu'ko pakangka addeppu-deppungeng untu' massompa sibawa dé' nawedding pogau' pallaung matane. Iyaro peraturangngé harusu'i naturusi sininna wija-wijammu untu' mannennungeng, kégi-kégi mennang monro.

ANGIMANGENG 23:25

Akkasuwiyangenno akkarobangeng inanré lao ri Puwangnge sibawa aja' mupogau' pallaung matane ri essoéro.

ABBILANGENG 29:1

Ri tanggala séddinna uleng pitu harusu'ko pakangka addeppu-deppungeng untu' massompa, sibawa dé' nawedding pogau' pallaung iya matane'é. Ri essoéro sining tarompé'é harusu'i ripaoni.

ABBILANGENG 29:12

Ri tanggala seppulona lima uleng pitu harusu'ko pakangka addeppu-deppungeng untu' massompa, sibawa dé' nawedding pogau' jama-jamang iya matane'é. Pitungngesso ittana harusu'ko pakangka ramé-ramé untu' pakalebbii Puwangnge.