ANGIMANGENG 23:40 - KITTA KAREBA MADECENG

⁴⁰ Ri esso iya mammulangngé harusu'ko maccéppu buwa-buwa iya kminang makessingngé ri palla'mu, daud-daung pattukuto sibawa takké-takké polé ri ajukajung iya maworongngé, nainappa pammulaini ramé-ramé ariyo-riyongngé untu' pakalebbii Puwang Allataalamu.

ANGIMANGENG 23:40 ပူးပေါင်းရင်းမြစ်များ

MAZMUR 137:2

Ri pop-pong gandarusaé ri wanuwaéro rigattungngi kacapitta.

MAZMUR 92:12

Uwitai akalanna sining balikku, sining tau iya tokkongngénna méwaka, uwéngkalingani rancana-rancana majana mennang.

YESAYA 35:10

Sining tau iya ripaleppe'é ri Puwangnge lisui matu; muttama'i mennang ri kota Yérusalém sibawa gora-gora, macora mennang tappana nasaba ariyo-riyong mannennungengngé. Marennui matu mennang sibawa mariyo-riyo; sara nenniya asussangngé lennye'ni.

YESAYA 44:4

Tuwoi matu sibawa macommo pada-pada wellaé ri seddéna uwai, pada-pada pong gandarusaé ri wiring saloé.

YESAYA 66:10

Ariyo-riyono silaong Yérusalém, éh sininna tau iya pojiyéngngi. Iko iya masaraé nasaba aléna, makkekkuwangngé weddinno marennu.

ANGIMANGENG 23:39

Puranana éngngalangngé, mappammulai tanggala seppulo lima uleng pitu, harusu'ko pakangka ramé-ramé pitungngesso ittana. Ri esso iya mammulangngé sibawa iya maaruwaé iyanaritu esso iya ripallaingngé untu' mappésau.

ANGIMANGENG 23:41

Iyaro ramé-ramé harusu'i mupatteru pitungngesso ittana. Iyaro peraturangngé harusu'i napogau' wija-wijammu untu' mannennungeng.

MATIUS 21:8

Maéga tau kuwaro pallebba'i sining jumbana ri lalengngé, na tau laingngé rette'i takké-takké aju nanatale'i ri tengnga-tengnga lalengngé.

YOHANES 12:13

Nanalana mennang daud-daung pattuku nalao duppaiwi, nagora-gorato, “Pojiwi Allataala! Ribarakkakiwi iya polé ri laleng asenna Puwangngé. Ribarakkakiwi Arunna Israélié!”

YOHANES 16:22

Makkuwatoro sibawa iko: makkekkuwangngé masussai atimmu, iyakiya maélo-Ka sita paimeng sibawa iko, namarennu atimmu; nadé' séddi tau mulléi malai arennummuro polé ri atimmu.

ROMA 5:11

Nalebbi na iyaro, marennu tokki nasaba akessingenna Allataala naolai Puwatta Yésus Kristus. Saba' naolai Kristus, ripéneddingiwi makkekkuwangngé assisumpungetta iya madécéngngéro sibawa Allataala.

ULANGENG 12:12

Arennuno ri yolona Puwang Allataalamu, silaong ana'-ana'mu, ata-atammu sibawa sining tau Léwié iya monroé ri kota-kotamu, nasaba tau Léwié dé' nalolongeng bagiyang tana ri wanuwammu.

ULANGENG 12:7

Kuwatoniro, ri yolona Puwang Allataalamu, iko silaong kaluwargamu harusu manréi sibawa marennu nasaba usaha-usahamu iya papolé wassélé nasaba nabarakkakiwi Puwang Allataalamu.

FILIPI 3:3

Padahal idi'na ritu sining tau iya puraé tarimai sunna iya tongengngé, tenniya mennang. Risompai Allataala sibawa pappimpinna muto Rohna Allataala, na sukkuru'ki nasaba tuwoki masséddi sibawa Kristus Yésus. Dé' tataggattung ri upacara-upacara iya mallahérengngé.

FILIPI 4:4

Tennapodo tuli marennuko nasaba tuwoko masséddi sibawa Puwangngé. Siseppa makkeda: arennuno!

1 PETRUS 1:8

Muwamaséiwi Aléna, namuni riyolo dé' muwitai. Sibawa mateppe'ko ri Aléna namuni makkekkuwangngé dé' muwitai. Iyanaro saba'na namarennuko, sibawa pérasaiwi ariyo-riyong iya battowaé sibawa iya dé'é naripowada.

WAHYU 7:9

Purairo makkitasika, nauwitani lémpe tauwé iya dé'é padanna égana – dé muwi séddi tau iya mullé bilangngi jumellana! Mennang iyanaritu sining tau iya polé ri tungke' bangsa, suku, wanuwa, enrengngé basa. Mappaké jumbai iya maputé-puté sibawa makkatenning takké-takké aju pattuku ri limanna, iyaro sining tau maégaé tettongngi moloiwi kadéra arajangngé mangolo ri Ana' Bimbala'éro.