ANGIMANGENG 23:38 - KITTA KAREBA MADECENG

³⁸ Iyaro ramé-ramé sinrupai pattamba ri esso-esso Saba'é biyasaé, jaji iyaro sining pakkasuwiyangngé iyanaritu pattambana towi pabbérému iya biyasaé, ri akkarobangemmu untu' mappaleppe tinja, iyaré'ga akkarobangeng cenning ati iya muwabbéréyangngé lao ri Puwangnge.

ANGIMANGENG 23:38 ပူးပေါင်းရင်းမြစ်များ

2 TAWARIKH 31:14

Koré ana' Yimna, séddiwi tau Léwi mancaji kapalana pengawal-é ri Pintu Gerbang Alau ri Bolana Puwangnge, riwéréng tanggung jawa' untu' tarimai sining pabbéré iya riyakkasuwiyangengngé lao ri Puwangnge, nainappa nabagé-bagé.

MAZMUR 56:13

Maéloka rupaiwi jancikku lao ri Iko, oh Allataala, sibawa makkasuwiyangeng akkarobangeng sukkuru lao ri Iko.

MAZMUR 76:12

Rupaiwi jancimmu lao ri Puwang Allataalamu. Sitinajai sininna bangsa iya monroé macawé tiwii pakkasuwiyang untu' Allataala iya naétauriyé.

YEHEZKIEL 46:12

Rékko macinnai panguwasaé mabbéré pakkasuwiyang cenning ati lao ri Puwangnge, muwi maddupa akkarobangeng ritunu iyaré'ga akkarobangeng pappasidamé, gerbang alau iya mattujué ri seddé lalengngé harusu'i ritimpakengngi. Harusu'i nakkasuwiyangeng iyaro akkarobangengngé sibawa cara iya pada-padaé napogau'é ri esso Saba'é, iyakiya lisunna muwa, iyaro gerbangngé harusu'i ritongkosi.”

ANGIMANGENG 19:3

Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

ANGIMANGENG 23:3

Engka enneng essona untu' mappallaung, iyakiya esso mapitué, esso Saba'é, iyanaritu esso appésaungeng iya ripallaingngé untu' Puwangnge. Ri essoéro harusu'ko pakangka addeppu-deppungeng untu' massompa sibawa dé' nawedding mappallaung.

ANGIMANGENG 23:37

Iyanaro esso-esso maraja agama iya napalettu'é Puwangnge sibawa iya harusu'é muwappallebbangeng. Ri ramé-raméro harusu'ko pakalebbii Puwangnge sibawa pakangka addeppu-deppungeng untu' massompa sibawa makkasuwiyangeng akkarobangeng inanré, akkarobangeng ritunu, akkarobangeng olokolo sibawa akkarobangeng uwai anggoro, singngéga iya riyapparelluwangngé esso-esso.

ANGIMANGENG 23:39

Puranana éngngalangngé, mappammulai tanggala seppulo lima uleng pitu, harusu'ko pakangka ramé-ramé pitungngesso ittana. Ri esso iya mammulangngé sibawa iya maaruwaé iyanaritu esso iya ripallaingngé untu' mappésau.

ABBILANGENG 29:39

Iyanaro sining peraturanna passalenna akkarobangeng ritunué, akkarobangeng ripatalaé, akkarobangeng uwai anggoro'é, enrengngé akkarobangeng pappasidamé iya harusu'é muwakkasuwiyangeng lao ri Puwangnge ri ramé-ramému iya puraé ripattentu. Iyaro sinina akkarobangengngé selaku pattamba ri sining akkarobangeng iya muwakkasuwiyangengngé untu' mappaleppe tinja iyaré'ga akkarobangeng cenning ati.

ULANGENG 12:6

Ri onrongngénnaro harusu'i mutiwi sining akkarobangeng ritunummu enrengngé sining akkarobangeng laingngé, pakkasuwiyang tawa seppulomu sibawa kappasuwiyang laingngé, akkarobangeng pappaleppe tinja'mu, akkarobangeng cenning atimmu sibawa ana' sapimmu nenniya bémbé bimbala'mu iya bunge' jajiyé.