ANGIMANGENG 23:32 - KITTA KAREBA MADECENG

³² Mappammulai labunna matanna essoé ri tanggala asérana ulengngéro narapi labunna matanna essoé ri tanggala seppulona, harusu'ko ramé-raméiwi pada-pada esso Saba'é, esso iya ripallaingngé untu' mappésau. Puppu essoko harusu mappuwasa.

ANGIMANGENG 23:32 ပူးပေါင်းရင်းမြစ်များ

NEHEMIA 13:19

Rimakkuwannanaro uwapparéntangngi kuwammengngi na ri pammulanna tungke' esso Saba', iyanaritu Jumana wennié, mapettanna muwa masitta'i ritongko pintu-pintu gerbanna kotaé, nadé' nawedding ritimpa ri wettu dé'napa nalabe esso Saba'é, ri esso Sattunna wennié. Utaroi siyagangngaré ana' buwaku ri pintu-pintu gerbangngéro untu' jagaiwi kuwammengngi ri esso Saba'é dé' gaga barang dangkangeng iya ritiwié muttama ri laleng kota.

MAZMUR 35:13

Wettunna mennang malasa, messéka sibawa temmanré; massempajakka sibawa pacannunnui ulué,

MAZMUR 51:17

Oh Puwang, tulukka mabbicara, naupoji-poji-Ko matu.

YESAYA 57:15

Saba' makkuwaiyé adanna Allataala Iya Pommatanré sibawa mapaccingngé, iya makuwasaé untu' mannennungeng, “Monroka ri onrong iya matanré sibawa mapaccingngé, iyakiya ri yelle'nato sining tau iya mariyawa atié sibawa iya sesse'éngngi dosa-dosana, untu' palisui sumange'na sibawa amménasanna mennang.

YESAYA 61:3

untu' mabbéré arennung sibawa ariyo-riyong lao ri tau iya messé sibawa mabbarataé; untu' pinrai amessénna mennang mancaji élong pappojiyang. Pada-padai matu mennang aju iya alénaé Puwangnge tanengngi. Napogau'i matu mennang iya makessingngé sibawa tongengngé, angkanna Puwangnge ripakaraja.

ANGIMANGENG 16:29

Iyaé sining peraturangngé harusu'i riturusi lettu mannennungeng. Ri tanggala seppulona uleng pitu, tau Israélié sibawa tau laing iya mattette'é ri yelle'na mennang harusu'i mappuwasa sibawa riyattéyangngi mappallaung, nasaba iyaro essoé mapaccing senna'i. Ri essoéro harusu'i ripakangka upacara untu' pépaccingiwi bangsa Israélié polé risininna dosana mennang kuwammengngi namapaccing.

ANGIMANGENG 23:31

Iyaro peraturangngé takkennai untu' sininna wijanna kégi-kégi mennang monro.

ANGIMANGENG 23:33

Pésta Kalampang Daud-daungngé mappammulai ri tanggala seppulona lima uleng pitu sibawa ittana pitungngesso.

MATIUS 5:4

Masennangngi tau iya messé atié; risaléworiwi matu mennang ri Allataala!

1 KORINTUS 11:31

Rékko mujampangiwi gau'éwé addeppu-deppungeng assompammu dé' matu napapoléi pahukkungenna Allataala ri yasé'na alému.

IBRANI 4:11

Rimakkuwannanaro, laono mai takkuraga tonget-tongeng untu' muttama ri onrong appésaungeng iya najjanciyangngé Allataalaro. Aja' lalo narapii muwi séddi tau polé ri idi dé' nakkéwassélé' pada-pada mennang riyolo, nasaba dé' namateppe' ri Allataala.

IBRANI 4:3

Iyakiya idi iya mateppe'é tarimai onrong appésaungeng iya najjanciyangngé Allataalaro. Iyaro sicoco'i sibawa aga iya napowadaé Allataala, makkuwaé, “Macai-Ka sibawa mattanro, ‘Makkedaé dé' nauttama matu mennang ri onrong appésaungek-Ku.’ ” Makkeda makkuwairo Allataala namuni jama-jaman-Na tépuni sipongenna napancaji linoéwé.