ANGIMANGENG 23:28 - KITTA KAREBA MADECENG

²⁸ Aja' muwappallaung, saba' iyaro essoé iyanaritu Esso Paddampengeng Dosaé, kuwammengngi mulolongeng addampeng ri yolona Puwang Allataalamu.

ANGIMANGENG 23:28 ပူးပေါင်းရင်းမြစ်များ

YESAYA 53:10

Napuwéloi Puwangnge makkedaé manrasa-rasai, sibawa mabbéréyangngi aléna selaku akkarobangeng pappaledda dosa. Namalampé umuru'i matu sibawa mitai asaronna naolai aléna nakajajiyang élona Puwangnge.

DANIEL 9:24

Wékkapitu pituppulo taung iyanaritu wettu iya napattette'é Allataala untu' paleppe'i bangsamu sibawa kotamu iya mapaccingngéro polé ri dosaé sibawa jaé. Sininna dosaé riyaddampengengngi sibawa ripatettongngi adélékeng iya mannennungengngé, angkanna pakkitang sibawa botoéro mannessai matu, sibawa Bolana Puwang iya mapaccingngéro riyassompaisi matu lao ri Puwangnge.

ANGIMANGENG 16:33

nainappa napogau' upacara pappépaccinna Bili' Pommapaccingngé, bagiyab-bagiyang laingngé ri Kémana Puwangnge, mézbaé, imang-ngimangngé sibawa sininna bangsa Israélié.

ANGIMANGENG 16:34

Iyaro upacaraé harusu'i ripogau' siseng sitaung untu' pépaccingiwi bangsa Israélié polé risininna dosana mennang. Iyanaro sining peraturang iya harusu'é riturusi lettu mannennungeng. Napogau'ni Musa pada-pada iya napparéntangngé Puwangnge lao ri aléna.

ZAKHARIA 3:9

Upalénne'i matu ri yolona Yosua séddi batu massulapa pitu iya Usobbi'é matu sibawa oki-oki. Ri laleng si essoé Uwabbéyangngi matu dosaé polé ri wanuwaéwé.

IBRANI 10:10

Purani napogau' Yésus Kristus iya napuwéloé Allataala makkasuwiyangengngi Aléna selaku akkarobangeng. Iyakiya iyaro pakkasuwiyangengngé Napogau'i banna sisemmi bawang lettu mannennungeng ripaccingi manekki polé ri dosaé.

IBRANI 10:14

Jaji nasibawang séddi akkarobangeng, napassukkui Kristus sining tau iya puraé ripaccingi polé ri dosaé.

IBRANI 9:12

Muttama'i Kristus ri Bili' Pommapaccingngé ri laleng kémaéro banna siseng bawang lettu mannennungeng. Iyaro wettué dé' natiwi dara bémbé lai iyaré'ga dara ana' saping untu' riyakkasuwiyangeng; dara-Na muto natiwi, nanallalengiro napaleppe'ki lettu mannennungeng.

IBRANI 9:26

Saba' rékko makkuwairo, bettuwanna iyaro makkolik-kolinni manrasa-rasa sipongenna ripancaji linoéwé. Iyakiya annessana, makkekkuwangngé ri wettu paccappurengngéwé, siseng bawang polé untu' leddai dosaé ri laleng nakkarobangenna Aléna.

1 YOHANES 2:2

Naolai Yésus Kristus ritu nariyaddampengeng dosa-dosata. Natenniya dosa-dosata bawang, sangadinna dosanato sininna rupa tauwé.

1 YOHANES 4:10

Iyanaé pammasé: Tenniya idi iya mamaséiyéngngi Allataala, iyakiya Allataala iya mamaséiyékki sibawa kiringngi Ana'-Na kuwammengngi naolai Aléna talolongeng addampengeng ri dosa-dosata.

1 YOHANES 5:6

Yésus Kristus ritu iya polé ri linoé sibawa uwai paccemmé-Na enrengngé nasibawang dara amatén-Na. Poléi tenniya banna nasibawang uwai bawang, iyakiya nasibawang uwai sibawa dara. Na Rohna muto Allataala mabbéré asabbiyang makkedaé tongengngi iyaro, saba' Roh-é dé' naengka nabbellé.