ANGIMANGENG 23:22 - KITTA KAREBA MADECENG

²² Rékko méngngalako, aja' muwéngngalai gandong iya tuwoé ri wiring-wiring dare'mu sibawa aja' mulisu untu' paddeppungengngi gandong iya nasésae puranana éngngalangnge. Leppessangngi iyaro untu' tau kasiyasié sibawa tau laingngé. Puwangnge iyanaritu Allataalamu.

ANGIMANGENG 23:22 ပူးပေါင်းရင်းမြစ်များ

MAZMUR 112:9

Natawa-tawai waramparanna, sibawa mabbéréi sidekka lao ri tau kasiyasié; tuli napogau'i iya makessingngé, rimakkuwannanaro makuwasai sibawa ripakalebbi.

YESAYA 58:10

Panréi tau malupué sibawa tulungngi sining tau iya ritenre'é. Rékko mupogau'i makkuwaéro, pettangngé ri seddému mancajiwi matu sittajang essoé.

ANGIMANGENG 23:23

Tanggala séddi uleng pitu harusu'i riramé-raméi selaku esso iya ripallaingngé untu' mappésau. Iyaro essoé ritanrangiwi sibawa oni tarompé, naharusu'ko pakangka addeppu-deppungeng untu' massompa.

LUKAS 11:41

Iya engkaé ri laleng mangko'mu sibawa pennémuro, iyanaro harusu' muwabbéréyang lao risining tau kasiyasié. Caraénnaro nallalengi namapaccing maneng matu untu' iko.

RUT 2:2

Riséuwaé esso makkedai Rut lao ri Naomi, “Indo', mapparamisika maélo lao ri dare'é untu' mitté gandong iya sempé'é polé ri limanna sining paréngngalaé. Upérasai tentu engka tau iya leppessangngékka matu pogau'i gau'éro.” Nappébali Naomi, “Makessinni na', laono!”