ANGIMANGENG 23:21 - KITTA KAREBA MADECENG

²¹ Ri essoéro harusu'ko pakangka addeppu-deppungeng untu' massompa sibawa dé' nawedding pogau' pallaung matane. Iyaro peraturangngé harusu'i naturusi sininna wija-wijammu untu' mannennungeng, kégi-kégi mennang monro.

ANGIMANGENG 23:21 ပူးပေါင်းရင်းမြစ်များ

KAJAJIYANG 17:7

Maélo-Ka rupaiwi jancik-Ku lao ri iko sibawa lao ri wija-wijammu, massossoreng, na iyaro assijancik-Ku mannennungengngi. Maélo-Ka mancaji Allataalamu sibawa Allataalana wija-wijammu.

ASSURENG 27:21

Harun sibawa ana'-ana'na harusu'i murusu'i iyaro lampué mappammulai arawéng lettu ri éléé ri onrokku hadéré, ri saliwenna kaing iya taggattungngé ri yolona Petti Assijancingngé. Iyaro paréntaé harusu'i napogau' untu' mannennungeng tau Israélié sibawa wija-wijanna.”

YESAYA 11:10

Narapii matu wettunna séddi arung wija-wijanna Daud mancaji poko' perhatiyanna bangsa-bangsaé. Poléi matu mennang ri aléna, sibawa onrong naonroiyé ripoji-pojiwi matu.

ANGIMANGENG 23:14

Ri wettu dé'napa mutiwii iyaro pakkasuwiyangngé lao ri Puwangnge, dé' naweddikko manré muwi céddé polé ri gandong baruéro, muwi mamata, ripanggang iyaré'ga ritunu mancaji roti. Iyaro peraturangngé harusu'i naturusi sininna wija-wijammu untu' mannennungeng.

ANGIMANGENG 23:2

sining peraturangngé passalenna ramé-ramé agamaé, iya harusu'é riyappallebbangeng selaku esso maraja untu' massompa.

ANGIMANGENG 23:20

Roti sibawa iya duwa ana' bimbala'éro harusu'i nakkasuwiyangeng imangngé selaku pakkasuwiyang tanréyangeng lao ri Puwangnge, na iyaro untu' bagiyanna imangngé. Iyaro sining pakkasuwiyangngé mapaccingngi.

ANGIMANGENG 23:25

Akkasuwiyangenno akkarobangeng inanré lao ri Puwangnge sibawa aja' mupogau' pallaung matane ri essoéro.

ANGIMANGENG 23:31

Iyaro peraturangngé takkennai untu' sininna wijanna kégi-kégi mennang monro.

ANGIMANGENG 23:4

Iyanaé esso-esso maraja iya napattette'é Puwangnge sibawa harusu'i riyappallebbangeng ri wettu iya ripattentué.

ANGIMANGENG 23:7

Iyaro pitungngessoé ittana harusu'ko makkasuwiyang akkarobangeng inanré lao ri Puwangnge. Ri esso mammulangngé sibawa mapitué ramé-raméro harusu'ko pakangka addeppu-deppungeng untu' massompa sibawa dé' nawedding pogau' pallaung matane.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

ABBILANGENG 18:23

Mappammulai makkekkuwangngé banna tau Léwié iya weddingngé murusu'i Kéma-Ku sibawa tanggung jawakiwi jama-jamangngéro. Iyaro peraturangngé takkenna towi untu' wija-wijammu lettu mannennungeng. Tau Léwié dé' nappunnai mana ri Israélié,

ULANGENG 16:11

Ri yolona Puwang Allataalamu, ri onrong iya Napilé, harusu'ko marennu silaong ana'-ana'mu, ata-atammu sibawa tau Léwié, tau laingngé, ana' béué sibawa sining janda iya monroé ri kota-kotamu.