ANGIMANGENG 23:20 - KITTA KAREBA MADECENG

²⁰ Roti sibawa iya duwa ana' bimbala'éro harusu'i nakkasuwiyangeng imangngé selaku pakkasuwiyang tanréyangeng lao ri Puwangnge, na iyaro untu' bagiyanna imangngé. Iyaro sining pakkasuwiyangngé mapaccingngi.

ANGIMANGENG 23:20 ပူးပေါင်းရင်းမြစ်များ

ASSURENG 29:24

Palénne manengngi iyaro inanré ri limanna Harun enrengngé ana'-ana'na sibawa suroi mennang tanréyangngi lao ri Iyya selaku pakkasuwiyang tanréyangeng.

ANGIMANGENG 23:17

Tungke' kaluwarga harusu'i makkasuwiyangeng duwa roti untu' pakkasuwiyang tanréyangeng lao ri Puwangnge. Tungke' rotié harusu'i riyébbu polé ri duwakkilo labbu nenné iya paké ragi sibawa harusu'i riyabbéréyang lao ri Puwangnge selaku pakkasuwiyang wassélé tana iya mammulangngé.

ANGIMANGENG 23:19

Akkasuwiyangeng towi sikaju bémbé lai untu' akkarobangeng paddampengeng dosa sibawa duwakkaju bimbala lai iya makkéumuru sitaungngé untu' akkarobangeng pappasidamé.

ANGIMANGENG 23:21

Ri essoéro harusu'ko pakangka addeppu-deppungeng untu' massompa sibawa dé' nawedding pogau' pallaung matane. Iyaro peraturangngé harusu'i naturusi sininna wija-wijammu untu' mannennungeng, kégi-kégi mennang monro.

ANGIMANGENG 8:29

Nainappa nala Musa dadana iyaro bimbala'é nanakkasuwiyangengngi selaku pakkasuwiyang tanréyangeng lao ri Puwangnge. Iyanaro bagiyanna Musa polé ri bimbala lai iya riyakkasuwiyangengngé untu' upacara allantikeng imangngé. Iya manenna napogau'i Musa pada-pada iya napparéntangngé Puwangnge lao ri aléna.

LUKAS 2:14

“Ripojiwi Allataala ri langi iya kaminang matanré! Sibawa ri yasé'na tanaé, saléwangengngi rupa tauwé iya pésennangiyéngngi atinna Puwangngé!”

1 KORINTUS 9:11

Purani' mampo biné rohani ri laleng atuwo-tuwonna saudara-saudara. Narékko méngngalaki barakka-barakka maddupa barab-barangngé polé ri iko, aga iyaro bettuwanna maéga senna' rituntu' polé ri iko?

EFESUS 2:14

Saba' Kristus muto iyanaritu pappasidaméta. Napasséddiwi sining tau Yahudié mancaji séddi bangsa. Témbo' pallawangenna mennang, iyanaritu assimusurengngé purani nancuru' Kristus ri laleng nakkarobangenna Aléna.

ULANGENG 18:4

Wassélé mammulangngé polé ri gandongngé, uwai anggoro'é, minnya zaitungngé sibawa bulu bimbala'é, untu' attawannato mennang.