ANGIMANGENG 23:18 - KITTA KAREBA MADECENG

¹⁸ Nasibawang iyaro rotié harusu'i bangsa Israélié makkasuwiyangeng pitukkaju ana' bimbala iya makkéumuru sitaungngé, sikaju saping lai lolo sibawa duwakkaju bémbé. Tungke'-tungke' dé' nawedding engka sala-salanna sibawa harusu'i riyakkasuwiyangeng untu' akkarobangeng ritunu untu' Puwangnge, sibawa akkarobangeng ripatala enrengngé akkarobangeng uwai anggoro. Na iyaro akkarobangengngé napésennangiwi atinna Puwangnge.

ANGIMANGENG 23:18 ပူးပေါင်းရင်းမြစ်များ

ANGIMANGENG 1:3

Rékko iya riyakkasuwiyangengngé sikaju saping, iyaro olokolo'é harusu'i iya laié sibawa dé'é gaga sala-salanna. Iyaro sapingngé harusu'i natiwi ri sumpang Kémana Puwangnge, kuwammengngi natarimai Puwangnge iyaro tauwé.

ANGIMANGENG 23:17

Tungke' kaluwarga harusu'i makkasuwiyangeng duwa roti untu' pakkasuwiyang tanréyangeng lao ri Puwangnge. Tungke' rotié harusu'i riyébbu polé ri duwakkilo labbu nenné iya paké ragi sibawa harusu'i riyabbéréyang lao ri Puwangnge selaku pakkasuwiyang wassélé tana iya mammulangngé.

ANGIMANGENG 23:19

Akkasuwiyangeng towi sikaju bémbé lai untu' akkarobangeng paddampengeng dosa sibawa duwakkaju bimbala lai iya makkéumuru sitaungngé untu' akkarobangeng pappasidamé.

ANGIMANGENG 7:13

Ri lainnaéro harusu'i riyakkasuwiyangetto roti iya riyébbué paké ragi.