ANGIMANGENG 23:11 - KITTA KAREBA MADECENG

¹¹ Ri esso labe'nana esso Saba'é, harusu'i imangngé makkasuwiyangengngi iyaro gandongngé selaku pakkasuwiyang tanréyangeng lao ri Puwangnge, kuwammengngi namasennang Puwangnge lao ri iko.

ANGIMANGENG 23:11 ပူးပေါင်းရင်းမြစ်များ

ASSURENG 28:38

Iyaro bélo-bélo ulawengngé harusu'i napasang Harun ri linrona kuwammengngi Iyya, Puwang, maélo-Ka tarima manengngi pakkasuwiyanna iya natiwié tau Israélié lao ri Iyya, namuni ri laleng natiwina iyaro pakkasuwiyangngé purai pogau' asalang.

ASSURENG 29:24

Palénne manengngi iyaro inanré ri limanna Harun enrengngé ana'-ana'na sibawa suroi mennang tanréyangngi lao ri Iyya selaku pakkasuwiyang tanréyangeng.

ANGIMANGENG 10:14

Iyakiya iko sibawa ana'-ana'mu worowané sibawa makkunraié weddingngi manréi dadana pakkasuwiyang tanréyangngé sibawa poppanna pakkasuwiyang ripallaingngé. Iyanaro tawana sining imangngé polé ri akkarobangeng pappasidaména bangsa Israélié. Weddikko manréi dé' masala onrong iya dé'é nanajisi'.

ANGIMANGENG 23:12

Ri esso muwakkasuwiyangenna iyaro gandongngé, harusu tokko makkasuwiyang untu' akkarobangeng ritunu sikaju ana' bimbala lai iya makkéumuru sitaungngé sibawa dé'é sala-salanna.

ANGIMANGENG 9:21

Dadana sibawa poppang ataunna iyaro olokolo riyakkasuwiyangengngi selaku pakkasuwiyang tanréyangeng lao ri Puwangnge. Iyanaro bagiyanna sining imangngé, pada-pada iya napparéntangngé Musa.

RUT 1:22

Makkuwaniro curitana pékkugi Naomi lisu polé ri Moab silaong Rut ménéttunna iya tau Moab-éro. Lettu'ni mennang ri Bétléhém ri pammulanna wettu éngngalang gandongngé.