ANGIMANGENG 23:1 - KITTA KAREBA MADECENG

¹ Puwangnge mpéréngngi Musa

ANGIMANGENG 23:1 ပူးပေါင်းရင်းမြစ်များ

1 TAWARIKH 23:31

makkuwatoro tungke' wettu rékko engka akkarobangeng iya ritunué untu' Puwangnge ri esso Saba'é, ri ramé-ramé Uleng Barué, sibawa ri ramé-ramé laingngé. Passalenna jumellana tau Léwi iya harusu'é majjama tungke' wettu, pura toni riyébbu peraturanna. Untu' mannennungeng harusu'i napajoppa tau Léwié iyaro jamangngé.

2 TAWARIKH 2:4

Makkekkuwangngé maéloka patettong séddi bola assompang iya ripallaingngé untu' pakalebbii Puwang Allataalaku. Ri bolaéro iyya sibawa ra'ya'ku maélo massompa ri Aléna sibawa mattunu dupa mawangié, enrengngé makkasuwiyangeng roti ripatala untu' Aléna secara tette. Ri bolaéttoro maéloki makkasuwiyangeng akkarobangeng ritunu tungke élé sibawa wenni, tungke Esso Saba', Esso Maraja Uleng Baru sibawa esso-esso ri pallaing laingngé untu' pakalebbii Puwang Allataalata. Saba' purani Napparéntang kuwammengngi iyaro gau'éro napogau'i untu' mannennungeng tau Israélié.

2 TAWARIKH 8:13

Iyaro sining akkarobangengngé nakkasuwiyangengngi situru Hukkunna Musa untu' tungke esso maraja: Esso Saba', Esso Maraja Uleng Baru, sibawa iya tellu esso maraja pattaungengngé, iyanaritu Esso Maraja Roti Dé'é Raginna, Esso Maraja Engngalang sibawa Esso Maraja Kalampang Daud-daung.

YESAYA 1:13

Paracuma bawang tiwii iyaro pakkasuwiyammu. Najari péneddikku baunna. Ucéccé sibawa dé' utahang mitako ramé-raméiwi Uleng Barué, esso-esso Saba'é sibawa esso-esso marajaé enrengngé addeppu-deppungeng agamamu. Iya manennaro mucarépaiwi sibawa dosa-dosamu sibawa sinrupai tiwié ri alé-Ku; poso-Ka tanggungngi.

YEHEZKIEL 44:24

Rékko mompoi assisalang parakara hukkung, harusu'i mennang napurai situru sibawa hukkung-hukkuk-Ku. Harusu'i mennang napakaraja pésta-pésta agamaé, situru sining atorek-Ku sibawa hukkung-hukkuk-Ku, enrengngé pakalebbii Saba'é selaku esso iya ripallaingngé untu' Iyya.

YEHEZKIEL 45:17

Aléna ritu harusu melli olokolo untu' akkarobangeng ritunu sibawa bahab-bahang untu' akkarobangeng gandong sibawa akkarobangeng anggoro untu' sininna bangsa Israélié ri esso-esso marajaé, Ramé-ramé Uleng Barué, esso-esso Saba'é sibawa esso-esso maraja laingngé. Harusu'i passadiya akkarobangeng paddampengeng dosa, akkarobangeng gandong, akkarobangeng ritunu, sibawa akkarobangeng pappasidamé untu' méllaungengngi addampeng bangsa Israélié.”

YEHEZKIEL 46:11

Ri esso-esso péstaé sibawa ramé-ramé, nasilaongeng tungke saping laié sibawa tungke bimbala laié harusu'i riyakkasuwiyangeng gandongngé singngéga 17,5 bang, sibawa nasilaongeng tungke ana' bimbala'é, siyagi-siyagi situru cinnana tau iya massompaé. Tungke akkarobangeng gandongngé harusu'i nasibawang pakkasuwiyang minnya zaitun tellu bang.

ANGIMANGENG 22:33

Utiwiko massu polé ri Maséré, kuwammengngi Umancaji Allataalamu. Iyya'na Puwang.”

ANGIMANGENG 23:2

sining peraturangngé passalenna ramé-ramé agamaé, iya harusu'é riyappallebbangeng selaku esso maraja untu' massompa.

ANGIMANGENG 23:44

Makkuwaniro Musa palettu'i ri bangsa Israélié sining peraturangngé passalenna ramé-ramé untu' pakalebbii Puwangnge.

ABBILANGENG 15:3

Untu' akkarobangeng ritunué iyaré'ga akkarobangeng pappaleppe tinja'é iyaré'ga akkarobangeng cenning atié iyaré'ga akkarobangeng ramé-ramé biyasaé, weddikko makkasuwiyang lao ri Puwangnge: saping lai, bimbala lai, bimbala iyaré'ga bémbé. Baunna iyaro sining akkarobangngé pésennangiwi atinna Puwangnge.

GALATIA 4:10

Muramé-raméiwi esso-esso mattentué, uleng-uleng mattentué sibawa taut-taung mattentué.

KOLOSE 2:16

Rimakkuwannanaro aja' muleppessangngi tauwé passaloko passalenna anré iyaré'ga énungengngé, iyaré'ga passalenna esso-esso marajana agamaé, iyaré'ga ramé-ramé uleng barué, iyaré'to passalenna Esso Saba'é.