ANGIMANGENG 22:4 - KITTA KAREBA MADECENG

⁴ Séddié wija-wijanna Harun iya nakennaé lasa oli iya mabbahayaé, iyaré'ga iya malasa katawangngé angkanna passu manning, riyattéyang manré pakkasuwiyang mapaccing rékko dé'pa naripannessa mapaccing. Séddié imang mancaji najisi'i rékko géssai séuwaé iya najisi'é nasaba nakennai uju. Najisi' towi rékko massui manninna,

ANGIMANGENG 22:4 ပူးပေါင်းရင်းမြစ်များ

ANGIMANGENG 11:39

Nigi-nigi géssai bakké olokolo iya hallala'é mancaji najisi'i narapi labu essoé.

ANGIMANGENG 15:17

Agi-agi polé ri kaingngé iyaré'ga bingkulangngé iya nakennaé manningngéro harusu'i ribissai, iyaro aga-agaé najisi'i narapi labu essoé.

ANGIMANGENG 2:10

Lebbinna iyanaritu untu' imangngé. Iyaro rotié mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 2:3

Lebbinna akkarobangeng ripatalaé iyanaritu untu' sining imangngé. Iyaro akkarobangngé mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 21:1

Puwangnge suroi Musa palettu'i iyaé paréntaé lao risining imang wija-wijanna Harun, “Séddié imang dé' nawedding napanajisi' aléna nasaba maccowéi hadéré ri upacara attampungenna sumpulolona,

ANGIMANGENG 21:22

Iyakiya weddingngi manré inanré iya riyakkasuwiyangngé, muwi akkarobang inanré iya mapaccingngé muwi akkarobangeng inanré iya mapaccing senna'é.

HAGAI 2:13

Nainappa makkutanasi Hagai, “Akkalarapanna engka tau mancaji najisi' nasaba géssai uju, nainappa nagéssa sala séddinna polé ri inanréro, aga mancaji najisi' towi iyaro inanré?” Nappébali sining imangngé, “Iyyé, tentuni!”

ABBILANGENG 18:19

Untu' mannennungeng, sininna pakkasuwiyang iya ripallaingngé iya natiwié tau Israélié lao ri Iyya, Uwérékko sibawa ana'-ana'mu worowané nenniya makkunraié. Iyaro peraturangngé takkennai untu' mannennungeng sibawa mancajiwi passiyo assijancing iya dé'é nawedding rilura' ri yelle'ta, Iyya sibawa iko sibawa wija-wijammu.”

ABBILANGENG 18:9

Polé risining pakkasuwiyang iya kaminang mapaccingngé iya dé'é naritunu ri yasé'na mézbaé, iya mangoloéwé iyanaritu untu' iko: Akkarobangeng ripatalaé, akkarobangeng paddampengeng dosaé sibawa akkarobangeng passullé arogingngé. Iya manennaro pakkasuwiyang mapaccing iya mancajiyé bagiyammu sibawa ana'-ana'mu.

ABBILANGENG 19:20

Tau iya najisi'é nadé' napakangka upacara pappépaccing alé, tette'i najisi' nasaba dé'pa naribolo uwai upacara. Napanajisi'i Kémana Puwangnge, sibawa dé'na nariyangga anggota umma'na Allataala.