ANGIMANGENG 22:32 - KITTA KAREBA MADECENG

³² Aja' mutuna-tunaiwi asek-Ku iya mapaccingngé. Sininna bangsa Israélié, harusu'i sompa-Ka selaku Iya Pommapaccingngé. Iyya'na Puwang sibawa Iyya pancajiko mapaccing.

ANGIMANGENG 22:32 ပူးပေါင်းရင်းမြစ်များ

YESAYA 5:16

Iyakiya Puwang Iya Pommakuwasaé nappaitangngi arajan-Na ri laleng napogau'na aga iya tongengngé. Nappaitangngi matu apaccingen-Na ri laleng nadélékin-Na bangsa-Na.

YESAYA 8:13

Engngerangngi makkedaé Iyya, Puwang Iya Pommakuwasaé iyanaritu mapaccingngi. Banna Iyya ritu harusu muwétauri.

ANGIMANGENG 10:3

Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

ANGIMANGENG 18:21

Aja' muwabbéréyangngi sala séddinna ana'mu untu' riyakkarobangeng ri laleng sompai Molokh, nasaba iyaro pangkaukengngé napakatunai Allataala, Puwam-mu.

ANGIMANGENG 20:8

Turusiwi hukkung-hukkuk-Ku, nasaba Iyya'na Puwang, iya pallaingngékko untu' Iyya.”

ANGIMANGENG 21:15

Rékko riyajjalékkaiwi iyaro peraturangngé, ana'-ana'na iya harusu'é mapaccing, najisi'i matu. Iyya'na Puwang sibawa purani Upallaing mancaji Imang Lompo.”

ANGIMANGENG 21:8

Bangsa Israélié harusu'i mangakuiwi imangngé selaku tau iya ripallaingengngékka nasaba makkasuwiyangngi akkarobangeng inanré lao ri Iyya. Iyya'na Puwang; mapaccikka sibawa Upaccingiwi umma'-Ku.

ANGIMANGENG 22:16

sibawa malleppessangngi nanré tau iya dé'é nappunnai ha' manréi. Iyaro gau'é napancajiwi iyaro tauwé pasala sibawa papoléngengngi pahukkungeng ri yasé'na. Iyya'na Puwang, sibawa iyya pépaccingiwi iyaro pakkasuwiyangngé.”

ANGIMANGENG 22:2

palettu'i iyaé paréntaé lao ri Harun sibawa ana'-ana'na, “Gaukengngi sibawa siratang aga iya nakkasuwiyangengngé bangsa Israélié banna untu' Iyya, kuwammengngi dé' mucarépaiwi asek-Ku iya mapaccingngé. Iyya'na Puwang.

ANGIMANGENG 22:31

Makkedai Puwangnge, “Turusiwi sining parénta-Ku; Iyya'na Puwang.

ANGIMANGENG 22:33

Utiwiko massu polé ri Maséré, kuwammengngi Umancaji Allataalamu. Iyya'na Puwang.”

MATIUS 6:9

Jaji assempajakko makkuwaéwé: ‘Ambo'ta ri surugaé: Iko ritu Allataala iya Séuwaé. Tennapodo risompa-Ko sibawa ripakalebbi.

LUKAS 11:2

Nakkeda Yésus lao ri mennang, “Rékko massempajakko, powadai makkuwaéwé, ‘Ambo', Iko ritu Allataala iya Séuwaé. Tennapodo risompa-Ko sibawa ripakalebbi.

YOHANES 17:17

Pancajiwi mennang appunnangeng ripallainna Ambo' naolai atongengengngé; ada-adanna Ambo' iyanaritu atongengeng.