ANGIMANGENG 22:29 - KITTA KAREBA MADECENG

²⁹ Rékko makkarobangekko akkarobangeng sukkuru lao ri Puwangnge, pogau'i iyaro situru peraturangngé, kuwammengngi naritarima akkarobangemmu.

ANGIMANGENG 22:29 ပူးပေါင်းရင်းမြစ်များ

MAZMUR 107:22

Leppessanni mennang sukkuru sibawa tiwi pakkasuwiyang, sibawa mabbirittangngi pangkauken-Na sibawa élok-kélong marennu.

MAZMUR 116:17

Tiwika matu akkarobangeng sukkuru lao ri Iko, naupaénré towi sempajakku lao ri Iko.

HOSEA 14:2

Lisuno ri Puwang Allataalamu, éh bangsa Israélié! Dosamu pura nallalengiko tappasolla sibawa menrung.

ANGIMANGENG 22:30

Anréi iyaro akkarobangngé iyatoro essoé, sibawa aja' mutaroi muwi céddé untu' pappa bajana.

ANGIMANGENG 7:11

Iyanaé sining peraturanna passalenna akkarobangeng pappasidamé iya riyakkasuwiyangengngé lao ri Puwangnge.

AMOS 4:5

Akkasuwiyangenno roti selaku kurru sumange'mu lao ri Iyya, sibawa abborono makkedaé purani mutiwi pattambana pakkasuwiyangngé! Pasti iyaro musennangi pogau'i!

IBRANI 13:15

Rimakkuwannanaro, naolai Yésus, sitinajaki tuli pojiwi Allataala; iyaro sinrupai akkarobangeng sukkuru'ta ri Aléna iya riyakkasuwiyangengngé naolai napowadaé témué untu' pakalebbii asen-Na.

1 PETRUS 2:5

Iko pada-padako batu-batu iya tuwoé. Rimakkuwannanaro sitinajako maélo ripaké untu' patettongngi Bolana Allataala iya rohanié. Nanallalengiro mancajiko imang-ngimang iya tuwoé banna untu' Allataala, sibawa iya naolaéngngi Yésus Kristus makkasuwiyangengngi lao ri Allataala, akkarobangeng rohani iya naéloriyé atinna Allataala.