ANGIMANGENG 22:22 - KITTA KAREBA MADECENG

²² Aja' muwakkasuwiyangengngi lao ri Puwangnge olokolo iya butaé, iya poloé bukunna iyaré'ga maloé, iya mappunnaiyé lettang mannana, iya malasa olié iyaré'ga cola'é. Olokolo makkuwaéro aja' nariyakkasuwiyangeng untu' akkarobangeng inanré ri yasé'na mézbaé.

ANGIMANGENG 22:22 ပူးပေါင်းရင်းမြစ်များ

ANGIMANGENG 1:13

Nainappa iyaro tauwé nabissai lise babuwana sibawa poppanna iyaro olokolo'é. Nainappa harusu'i nakkasuwiyangeng maneng imangngé lao ri Puwangnge, sibawa tunui ri yasé'na mézbaé. Baunna iyaro akkarobangeng ritunué pésennangiwi atinna Puwangnge.

ANGIMANGENG 1:9

Nainappa iyaro tauwé harusu'i nabissai lise babuwana enrengngé poppanna iyaro sapingngé, na imang iya majjamaé harusu'i natunu maneng. Baunna iyaro akkarobangeng ritunué pésennangiwi atinna Puwangnge.

ANGIMANGENG 22:20

Aja' muwakkasuwiyangeng olokolo iya engkaé sala-salanna, saba' dé' namaélo Puwangnge tarimai.

ANGIMANGENG 22:21

Rékko séddié tau makkasuwiyang lao ri Puwangnge akkarobangeng pappasidamé untu' paleppe'i tinja'na iyaré'ga akkarobangeng cenning ati, iyaro olokolo'é dé' nawedding engka sala-salanna, kuwammengngi weddingngi ritarima.

ANGIMANGENG 22:23

Untu' akkarobangeng cenning atié weddikko makkasuwiyangeng olokolo iya dé'é nasakke lingé, iyakiya untu' mappaleppe tinja, olokolo makkuwaéro dé' nawedding ritarima.

ANGIMANGENG 3:3

Untu' akkarobangeng pappasidamé lao ri Puwangnge, harusu'i imangngé makkasuwiyangengngi sining bagiyangngéwé polé ri olokolo'éro: lunra' iya dokoéngngi lise babuwana,

ANGIMANGENG 3:5

Iya manennaro, silaong sibawa akkarobangeng ritunu laingngé, harusu'i ritunu ri yasé'na mézbaé. Baunna iyaro akkarobangeng inanré pésennangiwi atinna Puwangnge.

MALEAKHI 1:8

Rékko makkasuwiyakko lao ri Iyya olokolo iya butaé, iya malasaé iyaré'ga képoé, dé'ga na iyaro pangkaukeng sala? Coba mabbéréyangngi olokolo sinrupaéro lao ri gubernur-é! Masennagga sibawa nagaukekkoga sibawa makessing?”