ANGIMANGENG 22:18 - KITTA KAREBA MADECENG

^18-19 mabbéréyangngi lao ri Harun, ana'-ana'na sibawa sininna bangsa Israélié iyaé sining peraturangngéwé. Rékko séddié tau Israél iyaré'ga séddié tau laing iya monro tette'é ri Israél makkasuwiyang akkarobangeng ritunu untu' paleppe'i tinja'na, iyaré'ga untu' akkarobangeng cenning ati, iyaro olokolo'é harusu'i lai sibawa dé' nawedding engka sala-salanna kuwammengngi weddingngi ritarima.

ANGIMANGENG 22:18 ပူးပေါင်းရင်းမြစ်များ

2 TAWARIKH 31:14

Koré ana' Yimna, séddiwi tau Léwi mancaji kapalana pengawal-é ri Pintu Gerbang Alau ri Bolana Puwangnge, riwéréng tanggung jawa' untu' tarimai sining pabbéré iya riyakkasuwiyangengngé lao ri Puwangnge, nainappa nabagé-bagé.

MAZMUR 116:14

Upennoiwi matu jancikku lao ri Aléna ri yolona sininna umma'-Na.

MAZMUR 116:18

Upennoiwi matu jancikku lao ri Puwangnge, ri yolona sininna umma'-Na

MAZMUR 22:25

Saba' dé' Naita matunai tau ritenre'é, sibawa dé' naangga énténgngi anrasa-rasanna. Dé' Nagiling polé ri tauwéro, iyakiya maréngkalingai rékko méllau tulungngi ri Aléna.

MAZMUR 56:12

Mateppe'ka ri Aléna, nadé' umétau, dé' pakkullénna tolinoé lao ri iyya.

MAZMUR 61:5

Leppessakka gangka tuwoku mappéruma ri kéma-Mu, kuwammengngi naamang ri laleng accinaungenna panni-Mu.

MAZMUR 61:8

Tennapodo mapparéntai untu' mannennungeng selaku arung mupilé-Mu, oh Allataala, linrungiwi sibawa pammasé nenniya atinulurem-Mu.

MAZMUR 65:1

Untu' pamimping kor. Mazmurna Daud. Elong.

MAZMUR 66:13

Tiwika matu akkarobangeng ritunu ri Bola-Mu sibawa rupaiwi jancikku lao ri Iko,

ASSURENG 12:5

Weddikko pilé bimbala iyaré'ga bémbé, iyakiya harusu'i iya laié, umuru'na sitaung, sibawa dé'gaga sala-salanna.

PAKKATOBBA 5:4

Lebbi kessing muwi temmajjanciyé naiya majjanciyé iyakiya dé' narirupai.

ANGIMANGENG 1:10

Rékko iyaro riyakkasuwiyangengngé sikaju bimbala iyaré'ga bémbé, iyaro olokolo'é harusu'i iya laié sibawa dé'é gaga sala-salanna.

ANGIMANGENG 1:2

iya harusu'é naturusi tau Israélié. Rékko séddié tau makkasuwiyangeng olokolo untu' akkarobangeng ritunu lao ri Puwangnge, weddingngi makkasuwiyangeng saping, bimbala iyaré'ga bémbé'na.

ANGIMANGENG 17:10

Rékko séddi tau Israélié iyaré'ga tau laing iya monro tette'é ri yelle'na tau Israélié manré dara, rihukkungngi matu ri Puwangnge, sibawa dé'na nariyangga anggota umma'na.

ANGIMANGENG 17:13

Rékko séddié tau Israélié iyaré'ga séddié tau laing iya monro tette'é ri yelle'na bangsa Israélié tikkeng manu'-manu' iyaré'ga olokolo laing iya dé'é naharang, harusu'i napassu darana iyaro olokolo'é sibawa témpungiwi tana.

ANGIMANGENG 22:17

Puwangnge suroi Musa

ANGIMANGENG 23:38

Iyaro ramé-ramé sinrupai pattamba ri esso-esso Saba'é biyasaé, jaji iyaro sining pakkasuwiyangngé iyanaritu pattambana towi pabbérému iya biyasaé, ri akkarobangemmu untu' mappaleppe tinja, iyaré'ga akkarobangeng cenning ati iya muwabbéréyangngé lao ri Puwangnge.

ANGIMANGENG 7:16

Rékko séddié tau tiwi akkarobangeng pappasidamé untu' rupaiwi jancinna, dé' naparellu riyanré maneng iyatoro essoé. Bagiyang lebbinna weddingngi riyanré pappa bajana.

AMOS 4:5

Akkasuwiyangenno roti selaku kurru sumange'mu lao ri Iyya, sibawa abborono makkedaé purani mutiwi pattambana pakkasuwiyangngé! Pasti iyaro musennangi pogau'i!

YUNUS 1:16

Métau senna'ni iyaro sining ana' kappala'é lao ri Puwangnge, namappottanannana, makkasuwiyanni mennang akkarobangeng sibawa majjanciyangngi maddupa-rupang passaleng lao ri Puwangnge.

YUNUS 2:9

Iyakiya makkélokka matu pappoji-pojiyang untu' alé-Mu sibawa makkasuwiyangekka akkarobangeng untu' alé-Mu. Sininna jancikku upogau'i matu. Iko ritu Puwang iya mappassalama'é.”

NAHUM 1:15

Itani, engka séddi suro polé lalo risining bulué, tiwi karéba madécéng, karéba apakalang. Eh bangsa Yéhuda, ramé-raméini esso marajamu sibawa wajani tinja'mu lao ri Allataala. Dé'na narijajana matu wanuwammu ri tomajaé. Purani mennang riyancuru siseng.

MALEAKHI 1:14

Tattanroi topabbelléng iya makkasuwiyangengngé lao ri Iyya olokolo iya dé'é angke'na, rékko ri yelle'na olokolo'na engka olokolo makessing iya puraé najjanciyang lao ri Iyya! Saba' Iyya ritu Arung Maraja, sibawa ripakalebbi ri sininna bangsaé.”

ABBILANGENG 15:3

Untu' akkarobangeng ritunué iyaré'ga akkarobangeng pappaleppe tinja'é iyaré'ga akkarobangeng cenning atié iyaré'ga akkarobangeng ramé-ramé biyasaé, weddikko makkasuwiyang lao ri Puwangnge: saping lai, bimbala lai, bimbala iyaré'ga bémbé. Baunna iyaro sining akkarobangngé pésennangiwi atinna Puwangnge.

RIWAYA'NA RASUL-RASUL-E 18:18

Purairo maitta mupa Paulus monro ri Korintus. Nainappa massimang lao risining tau mateppe'é kuwaro, nainappa sompe' silaong Priskila sibawa Akwila lao ri Siria. Ri Kéngkréa, nacukkuru'ni Paulus gemme'na iya puraé naleppessang malampé nasaba jancinna lao ri Puwangngé.

ULANGENG 12:17

Ri onrong muwonroiyé dé' naweddikko manré pakkasuwiyang tawaseppulona gandommu, anggoro'mu, minnya zaitummu, sapimmu iyaré'ga bémbé bimbala'mu iya bunge' jajiyé, akkarobangeng pappaleppe tinja'mu, akkarobangeng cenning atimmu iyaré'ga pakkasuwiyang laingngé.

ULANGENG 12:6

Ri onrongngénnaro harusu'i mutiwi sining akkarobangeng ritunummu enrengngé sining akkarobangeng laingngé, pakkasuwiyang tawa seppulomu sibawa kappasuwiyang laingngé, akkarobangeng pappaleppe tinja'mu, akkarobangeng cenning atimmu sibawa ana' sapimmu nenniya bémbé bimbala'mu iya bunge' jajiyé.

ULANGENG 16:10

nainappa ramé-raméiwi Pésta Engngalangngé untu' pakalebbii Puwang Allataalamu. Iyaro essoé tiwii pakkasuwiyang cenning atié lao ri aléna situru égana dallé iya puraé nawérékko.