ANGIMANGENG 21:6 - KITTA KAREBA MADECENG

⁶ Appunnangekkui iya ripallaingngé nadé' nawedding carépaiwi asek-Ku. Makkasuwiyangngi akkarobangeng inanré lao ri Iyya, jaji harusu'i mapaccing.

ANGIMANGENG 21:6 ပူးပေါင်းရင်းမြစ်များ

EZRA 8:28

Makkedadaka lao risining imangngéro, “Ripallaikko untu' Puwangnge, Allataala iya nasompaé néné-nénéta, makkuwatoro sininna pakkakkasa péra' sibawa ulaweng iya riyassumbangengngé lao ri Puwangnge iyanaritu ripallaingngi untu' Puwangnge.

ASSURENG 19:22

Mala sining imang iya maéloé maddeppérika, harusu'i pépaccingiwi aléna; rékko dé', Uhukkungngi matu mennang.”

ASSURENG 28:36

Ebbuno séddi bélo-bélo polé ri ulaweng tuléngngé sibawa sobbikengngi ada-ada ‘Ripallaingngi untu' Puwangnge’.

ASSURENG 29:44

Maélo-Ka pancajiwi iyaro Kémaé sibawa mézbaé mapaccing. Harun sibawa ana'-ana'na maélo-Ka pallaingngi polé ri laingngé kuwammengngi Natumaningika selaku imang.

YESAYA 52:11

Laono! Salaiwi kota Babél, éh iko iya tiwiéngngi pakkakkassa bolana Allataala! Aja' mugéssai barang iya najisi'é; pépaccingiwi alému ri wettu dé'napa mujoppa.

YEHEZKIEL 44:7

Purai mennang nacarépai Bola-Ku, saba' wettunna riyakkasuwiyangeng lunra sibawa dara akkarobangengngé lao ri Iyya, napalaloi mennang muttama ri lalenna sining tau laing iya dé'é narisunna, sibawa iya dé'é naturusi-Ka. Nasibawang sining pangkaukenna mennang iya mappakaciddi-ciddi'éro, purani mennang najjalékkai assijancik-Ku sibawa mennang.

ANGIMANGENG 10:3

Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

ANGIMANGENG 18:21

Aja' muwabbéréyangngi sala séddinna ana'mu untu' riyakkarobangeng ri laleng sompai Molokh, nasaba iyaro pangkaukengngé napakatunai Allataala, Puwam-mu.

ANGIMANGENG 19:12

Aja' muwajjanci ri laleng asek-Ku rékko dé' mumakkatta rupaiwi jancié, nasaba iyaro mutuna-tunaiwi asek-Ku. Iyya'na Puwang Allataalamu.

ANGIMANGENG 20:3

Tau iya makkarobangngéngngi ana'na lao ri Molokh, napanajisi'i Kéma-Ku sibawa napakatunai asek-Ku iya mapaccingngé. Rihukkungngi matu sibawa dé'na Uwangga'i anggota umma'-Ku.

ANGIMANGENG 21:17

untu' powadai iyaé lao ri Harun, “Séddié wija-wijammu iya sala-salangngé watakkaléna dé' nawedding makkasuwiyang akkarobangeng inanré lao ri Iyya. Iyaro takkennai untu' mannennungeng.

ANGIMANGENG 21:21

Tungke' wija-wijanna Imang Harun iya sala-salangngé watakkaléna dé' nawedding makkasuwiyang akkarobangeng inanré lao ri Iyya.

ANGIMANGENG 21:23

Nasaba iyaro tauwé sala-salangngi watakkaléna, dé' nawedding maddeppériwi paddenring iya passarangngéngngi Bili' Mapaccingngé iyaré'ga mézbaé. Dé' nawedding napanajisi' barab-barang iya puraé ripallaing untu' Iyya, nasaba Iyya'na Puwang, sibawa Iyya'na ritu iya pallaingngéngngi iyaro barab-barangngé.”

ANGIMANGENG 21:8

Bangsa Israélié harusu'i mangakuiwi imangngé selaku tau iya ripallaingengngékka nasaba makkasuwiyangngi akkarobangeng inanré lao ri Iyya. Iyya'na Puwang; mapaccikka sibawa Upaccingiwi umma'-Ku.

ANGIMANGENG 3:11

Imang iya majjamaé harusu'i natunu manenro ri yasé'na mézbaé untu' akkarobangeng inanré lao ri Puwangnge.

ABBILANGENG 16:5

Nainappa makkeda lao ri Kora enrengngé sining maccowériyéngngi, “Baja éléé maéloi Puwangnge mappaitangngi lao ri idi niga appunnangen-Na, sibawa niga iya napallaingngé untu' alé-Na. Tau iya Napilé napalaloi matu maddeppériwi.

ABBILANGENG 28:2

palettu'i ri bangsa Israélié makkedaé harusu'i mennang puriyatiwi sibawa malitutu kuwammengngi na ri wettu-wettu iya mattentué, riyakkasuwiyangengngi sining akkarobangeng maddupa inanré iya pésennangiyéngngi atinna Puwangnge.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.