ANGIMANGENG 20:8 - KITTA KAREBA MADECENG

⁸ Turusiwi hukkung-hukkuk-Ku, nasaba Iyya'na Puwang, iya pallaingngékko untu' Iyya.”

ANGIMANGENG 20:8 ပူးပေါင်းရင်းမြစ်များ

ASSURENG 31:13

untu' mappallebbangengngi lao ri bangsa Israélié, “Ramé-raméiwi esso Saba'é, esso iya puraé Upattette selaku esso appésaungeng. Untu' mannennungeng mancajiwi iyaro essoé papparéngngerang ri yelle'mu sibawa Iyya, kuwammengngi muwissengngi makkedaé Iyya'na Puwang, sibawa purani Upancajiko bangsa-Ku muto.

YEHEZKIEL 20:12

Usuroi mennang pakalebbii esso Saba'é selaku tanrang assijancik-Ku sibawa mennang, untu' paréngngerangiwi mennang makkedaé Iyya Puwang, pura pallaingngi mennang untu' alé-Ku.

YEHEZKIEL 37:28

Rékko engkani Bola-Ku ri tengnga-tengngana mennang untu' mannennungeng, naissennitu bangsa-bangsa laingngé makkedaé Iyya, Puwang, pura piléi Israélié mancaji umma riyalé-Ku.”

ANGIMANGENG 19:19

Turusiwi sining parénta-Ku. Aja' mupasilaiwi olokolo iya dé'é napada-pada. Aja' mutaneng duwanrupa bibi' ri sikonrongngé tana. Aja' mupakéi pakéyang iya ritennungngé polé ri duwanrupa wennang.

ANGIMANGENG 19:37

Turusiwi sininna hukkung sibawa parénta-Ku. Iyya'na Puwang.”

ANGIMANGENG 20:26

Upallaikko polé ri bangsa-bangsa laingngé kuwammengngi mumancaji appunnangek-Ku. Harusu'ko mapaccing nasaba Iyya'na Puwang, namapaccikko.

ANGIMANGENG 21:8

Bangsa Israélié harusu'i mangakuiwi imangngé selaku tau iya ripallaingengngékka nasaba makkasuwiyangngi akkarobangeng inanré lao ri Iyya. Iyya'na Puwang; mapaccikka sibawa Upaccingiwi umma'-Ku.

ANGIMANGENG 22:32

Aja' mutuna-tunaiwi asek-Ku iya mapaccingngé. Sininna bangsa Israélié, harusu'i sompa-Ka selaku Iya Pommapaccingngé. Iyya'na Puwang sibawa Iyya pancajiko mapaccing.

MATIUS 12:50

Tau iya pogau'éngngi élona Ambo'-Ku ri surugaé, aléna ritu silessureng worowané, silessureng makkunrai, sibawa indo'-Ku.”

MATIUS 23:17

Iko sining tau donggo iya butaé! Kéga lebbi penting, ulawenna iyaré'ga Bolana Puwangngé iya pancajiyéngngi ulawengngéro mapaccing?

MATIUS 5:19

Rimakkuwannanaro, nigi-nigi majjalékkaiwi sala séddinna polé risining paréntaéro muwi iya kaminang baiccu'é, sibawa paggurui tau laingngé pogau'i makkuwaéttoro, mancajiwi matu iya kaminang baiccu'é ri yelle'na umma'na Allataala. Sibalé'na, nigi-nigi pajoppai iyaro hukkungngé sibawa paggurui tau laingngé pogau'i makkuwaéttoro, mancajiwi matu battowa ri yelle'na umma'na Allataala.

MATIUS 7:24

“Tau iya méngkalingaéngngi ada-adak-Kué sibawa turusiwi, pada-padai tau mapanré iya patettongngéngngi bolana ri yasé'na batué.

YOHANES 13:17

Rékko muwissengngi iya manennaé, masennanno rékko mupogau'i.

1 KORINTUS 1:30

Allataala muto mébbui angkanna Saudara masséddi sibawa Kristus Yésus. Naolai Kristus naripancajiki mapanré. Sibawa naolai Alénato, naébbuki Allataala simadécéngeng paimeng sibawa Aléna enrengngé pancajiki umma'-Na iya mapaccingngé, kuwaéttopa paleppe'ki.

1 TESALONIKA 5:23

Tennapodo Allataala muto, iya mpéréngngékki asaléwangeng, pancajiko tau iya tonget-tongengngé tuwo banna untu' Allataala. Tennapodo Allataala jagaiwi sininna alému, muwi roh, nyawa iyaré'ga tubummu, angkanna dé'gaga akurangenna wettunna Puwatta Yésus Kristus polé paimeng.

2 TESALONIKA 2:13

Saudara-saudara iya namaséiyé Puwangngé! Tuli harusu'ki mattarima kasi lao ri Allataala passalemmu, saba' pammulanna mupa Allataala pura piléko untu' ripassalama'. Kajajiyangngi iyaro gau'é nasaba aga iya napogau'é Rohna Allataala lao ri iko untu' pancajiko umma'na Allataala iya mapaccingngé sibawa nasaba mateppe'ko lao ri biritta iya tongengngé polé ri Allataala.

YAKOBUS 1:22

Sitinajako pogau'i aga iya napowadaé Allataala, aja' mumaréngkalinga bawang, angkanna nanallalengiro nabengnguwangngi alému.

WAHYU 22:14

Masennangngi sining tau iya sessa'éngngi jumbana gangka mapaccing. Mappunnaiwi mennang ha' manréi buwa polé ri pong atuwongngé enrengngé muttama ri laleng kotaéro lalo ri pintu gerbanna.