ANGIMANGENG 20:3 - KITTA KAREBA MADECENG

³ Tau iya makkarobangngéngngi ana'na lao ri Molokh, napanajisi'i Kéma-Ku sibawa napakatunai asek-Ku iya mapaccingngé. Rihukkungngi matu sibawa dé'na Uwangga'i anggota umma'-Ku.

ANGIMANGENG 20:3 ပူးပေါင်းရင်းမြစ်များ

ASSURENG 30:33

Tau iya mébbué minnya pada-padaéro, iyaré'ga pakéi untu' tau iya tenniyaé imang, dé'na nariyangga anggota umma'-Ku.”

YEHEZKIEL 20:39

Makkedai Puwang Iya Pommatanré, “Eh sining tau Israélié, makkekkuwangngé iko mani bawang. Patteru bawanni pogau' dosa sibawa sompai sining barahalamu! Iyakiya éngngerangngi makkedaé purairo harusu'ko turusi-Ka sibawa dé'na murotakiwi asek-Ku iya mapaccingngé sibawa tiwi pakkasuwiyang lao risining barahalamuro.

YEHEZKIEL 5:11

Iyya iyanaritu Allataala iya tuwoé, Puwang Iya Pommatanré, na iyanaé adak-Ku: Nasaba purano carépaiwi Bola-Ku nasibawang sining pangkaukemmu iya majaé sibawa mappakaciddi-ciddi'é, Uwancuru'ko matu temmaddampeng.

ANGIMANGENG 15:31

Puwangnge suroi Musa paréngngerangiwi bangsa Israélié kuwammengngi napuriyatiwi uppanna mennang najisi' sibawa uppanna dé', kuwammengngi mennang dé' napanajisi'i Kémana Puwangnge iya engkaé ri tengnga-tengngana akkémanna mennang. Rékko napanajisi'i mennang iyaro Kémaé, matéi matu.

ANGIMANGENG 17:10

Rékko séddi tau Israélié iyaré'ga tau laing iya monro tette'é ri yelle'na tau Israélié manré dara, rihukkungngi matu ri Puwangnge, sibawa dé'na nariyangga anggota umma'na.

ANGIMANGENG 18:21

Aja' muwabbéréyangngi sala séddinna ana'mu untu' riyakkarobangeng ri laleng sompai Molokh, nasaba iyaro pangkaukengngé napakatunai Allataala, Puwam-mu.

ANGIMANGENG 19:12

Aja' muwajjanci ri laleng asek-Ku rékko dé' mumakkatta rupaiwi jancié, nasaba iyaro mutuna-tunaiwi asek-Ku. Iyya'na Puwang Allataalamu.

ANGIMANGENG 20:4

Rékko natongkoi matanna masaraka'é lao ri pangkaukenna tauwéro sibawa dé' napajoppai pahukkungeng maté ri yasé'na,

ANGIMANGENG 21:6

Appunnangekkui iya ripallaingngé nadé' nawedding carépaiwi asek-Ku. Makkasuwiyangngi akkarobangeng inanré lao ri Iyya, jaji harusu'i mapaccing.

ANGIMANGENG 7:20

Rékko nanréi tauwé iyaro jukué ri wettunna mattengngang najisi', dé'na nariyangga anggota umma'na Allataala.

ANGIMANGENG 7:21

Rékko séddié tau manréi iyaro juku akkarobangngé ri wettu purana géssa anu iya najisi'é, muwi iya polé ri rupa tauwé muwi iya polé ri olokolo'é, dé'tona nariyangga anggota umma'na Allataala.

ABBILANGENG 19:13

Tau iya nakennaé uju nadé' napépaccingiwi aléna iyanaritu najisi'i, nasaba dé'pa naribolo sibawa uwai upacara. Napanajsi'i Kémana Puwangnge, rimakkuwannanaro dé'na nariyangga anggota umma'na Allataala.

ABBILANGENG 19:20

Tau iya najisi'é nadé' napakangka upacara pappépaccing alé, tette'i najisi' nasaba dé'pa naribolo uwai upacara. Napanajisi'i Kémana Puwangnge, sibawa dé'na nariyangga anggota umma'na Allataala.

2 KORINTUS 6:16

Aga assisumpungenna Bolana Puwangngé sibawa bolana barahalaé? Idi'é Bolana Puwangngé, Allataala iya tuwoé. Allataala muto makkeda, “Maélo-Ka monro ri tengnga-tengngana mennang, sibawa tuwo silaong mennang. Mancaji-Ka matu Allataalana mennang, sibawa mennang mancaji matu umma'-Ku.

1 PETRUS 3:12

Saba' Puwangngé tuli jampangiwi sining tau iya turusiyéngngi élo-Na, sibawa Puwangngé tuli méngkalingai sining sempajanna mennang; iyakiya Puwangngé méwai sining tau iya pogau'éngngi majaé.”