ANGIMANGENG 20:26 - KITTA KAREBA MADECENG

²⁶ Upallaikko polé ri bangsa-bangsa laingngé kuwammengngi mumancaji appunnangek-Ku. Harusu'ko mapaccing nasaba Iyya'na Puwang, namapaccikko.

ANGIMANGENG 20:26 ပူးပေါင်းရင်းမြစ်များ

NEHEMIA 10:29

Yaggabungeng manengngi aléta silaong sining pamimpitta sibawa mattanro untu' tuwo situru hukkunna Allataala iya puraé Nabbéréyang naolai Musa, atan-Na. Tennapodo natanroiki Allataala rékko dé' tarupaiwi iyaé assijancingngéwé. Mattanroki maélo mapatoiwi sininna paréntaé, hukkungngé sibawa peraturanna Puwangnge, Allataalata.

MAZMUR 99:5

Pakalebbii Puwang Allataalata, suju'no ri yolona kadéra arajan-Na, Mapaccingngi Aléna!

MAZMUR 99:9

Pakalebbii Puwang Allataalata, sibawa sompai Aléna ri Bulu-buluna iya mapaccingngé, saba' mapaccingngi Puwang Allataalata.

ASSURENG 33:16

Pékkugi naissengngi matu tauwé makkedaé Muwélorika sibawa bangsaéwé rékko dé' Mutulukki? Ahadérékenna Puwangnge ri tengnga-tengngata pasilaingekki matu polé ri bangsa-bangsa laingngé ri linoé.”

YESAYA 30:11

Anyingkiri'no sibawa alano laleng laing. Aja' mugangguki sibawa Allataala mapaccinna Israélié.”

YESAYA 6:3

Mangobbii mennang séddié lao ri laingngé: “Mapaccing, mapaccing, mapaccing. Mapaccingngi Puwang Iya Pommakuwasaé. Pennoi linoé ahadéréken-Na iya malebbié.”

ANGIMANGENG 11:44

Iyya'na Puwang Allataalamu, rimakkuwannanaro jagako kuwammengngi tette'ko mapaccing, nasaba Iyya mapaccing.

ANGIMANGENG 19:2

palettu'i lao ri bangsa Israélié iyaé paréntaé, “Sitinajako mapaccing, nasaba Iyya Puwang Allataalamu iyanaritu mapaccingngi.

ANGIMANGENG 20:24

Tana iya sugié sibawa macommo'éro purani Ujancingekko, jaji Uwérékko mancaji appunnangemmu. Iyya'na Puwang Allataalamu iya passarangngékko polé ri bangsa-bangsa laingngé.

ANGIMANGENG 20:7

Jagaiwi kuwammengngi mutette mapaccing, nasaba Iyya Puwang Allataalamu.

ANGIMANGENG 20:8

Turusiwi hukkung-hukkuk-Ku, nasaba Iyya'na Puwang, iya pallaingngékko untu' Iyya.”

ULANGENG 14:2

Iko iyanaritu appunnangenna Puwang Allataalamu; polé ri sininna bangsa-bangsaé ri yasé'na linoé, iko iyanaritu iya napilé Allataala untu' mancaji umma'-Na.”

ULANGENG 7:6

Pogau'i iya manennaro nasaba appunnangennako Puwang Allataalamu. Polé risininna bangsaé ri tompo'na linoé iko ritu napilé Puwang Allataalamu untu' mancaji umma'na iya dé'é padanna.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

YOSUA 24:19

Nanakkeda Yosua, “Iyakiya naullé dé' muwulléi matu mattumani ri Puwangnge, saba' Aléna Allataala iya mapaccingngé, Iya Kaminang Séuwaé. Dé' namaélo engka pada-padanna. Rékko musalaiwi Aléna sibawa massompa lao ri déwata-déwata laingngé, dé' Naddampengengngi matu dosamu. Sibalé'na, méwai matu sibawa hukkukko. Napabbinasako matu, namuni riyolo makessingngi lao ri iko.”

WAHYU 3:7

“Lao ri malaéka'na jema'é ri Filadelfia, okii makkuwaé: Iyanaé paseng polé ri Aléna iya mapaccingngé enrengngé tongengngé. Aléna ritu pakkatenning goncing iya nappunnaiyé Daud; rékko natimpa'i, dé' muwi séddi mulléi tongkoi, sibawa rékko tattongkoi, dé' muwi séddi tau mulléi timpa'i.

WAHYU 4:8

Iya eppa mahlu'éro, tungke'-tungke' mappunnaiwi enneng panni, sibawa ri mattulilinna enrengngé ri lalenna pennoi sibawa mata. Esso wenni iyaro mahlu'-mahlu'é dé' nappésau makkélong, “Mapaccing, mapaccing, mapaccingngi Puwangngé, Allataala Pommakuwasaé; iya engkaé, iya engkaénna, sibawa iya engkaé matteru.”