ANGIMANGENG 20:25 - KITTA KAREBA MADECENG

²⁵ Rimakkuwannanaro harusu'ko pasilaingengngi sibawa tongeng olokolo harangngé polé ri iya dé'é naharang. Aja' muwanréi olokolo iya harangngé. Iyaro olokolo'é Upannessai harang, jaji rékko muwanréi mancaji najisi'ko.

ANGIMANGENG 20:25 ပူးပေါင်းရင်းမြစ်များ

KAJAJIYANG 1:21

Nanapancajini Allataala olokolo battowaé ri tasi'é, sininna rupanna anu iya tuwoé ri laleng uwai, enrengngé sininna rupanna manu'-manu'é. Namasennanna Allataala mitai gau'éro.

ANGIMANGENG 10:10

Harusu'ko mulléi pasilaingengngi iya ripallaingngé untu' Allataala sibawa iya dé'é naripallaing ri yelle'na, iya najisi'é sibawa iya dé'é nanajisi'.

RIWAYA'NA RASUL-RASUL-E 10:28

Nakkeda lao ri mennang, “Alétana saudara-saudara missengngi makkedaé riyattéyang tau Yahudié ri agamana lokkaiwi iyaré'ga sisumpung sining tau polé ri bangsa laingngé. Iyakiya Allataala pura mappaitangngi ri iyya makkedaé dé' nawedding uwangga najisi' iyaré'ga harang muwi niga-niga.