ANGIMANGENG 20:2 - KITTA KAREBA MADECENG

² powadai gau'éwé lao ri bangsa Israélié, “Tungke' tau ri yelle'mu iyaré'ga tau laing iya mattette'é ri yelle'mu, iya makkarobangngéngngi ana'na lao ri Molokh, harusu'i rigenrung batu gangka maté ri sininna masaraka'é.

ANGIMANGENG 20:2 ပူးပေါင်းရင်းမြစ်များ

1 ARUNG-NGARUNG 11:7

Ri tompo bulu seddé alauna Yérusalém, patettongngi onrong assompang untu' Kamos, déwatana tau Moab-é, sibawa untu' Molokh, déwatana tau Amongngé – iya duwanna déwata iya mappakaciddi-ciddi'é.

2 ARUNG-NGARUNG 17:17

Nakkasuwiyangengngi ana'-ana'na selaku akkarobangeng ritunu lao ri déwataé. Makkégunangngi mennang paddissengeng mappalennye'é sibawa méllauwi panunju polé ri sanro-sanro iya mullééngngi sisumpung sibawa sining roh-é. Makkuwamani patona mennang pogau'i gau'-gau' iya dé'é napésennangiwi atinna Puwangnge

2 ARUNG-NGARUNG 23:10

Tofét, iyanaritu onrong assompang déwataé ri Lompo Hinom, ripanajisi'ni. Nanallalengiwi dé'na gagana tau iya weddingngé makkasuwiyangengngi ana'na selaku akkarobangeng ritunu untu' Déwa Molokh.

2 TAWARIKH 28:3

enrengngé mattunu dupa ri Lompo Hinom. Mala ana' worowanéna muto nakkasuwiyangeng selaku akkarobangeng lao ri barahalaé, situru abiyasang majana sining tau iya puraé napaddésu Puwangnge polé ri wanuwa Kanaan wettunna tau Israélié muttamakiwi wanuwaéro.

2 TAWARIKH 33:6

Nakkasuwiyangengngi ana'-ana'na selaku akkarobangeng ritunu ri Lompo Hinom. Napogau' towi paratté-paratté assanrongngé, appalakiyangengngé, paddissengengngé sibawa méllauwi panunju risining roh-é. Madosa senna'i lao ri Puwangnge angkanna napaompo caina Puwangnge.

MAZMUR 106:38

Napassui mennang darana tau dé'é napasala, darana ana'-ana'na muto mennang, untu' nakkarobangeng lao ri barahala-barahalaé; angkanna iyaro wanuwaé nacarépai mennang.

YEREMIA 32:35

Patettongngi mennang sining mézba untu' Baal ri Lompo Hinom, sibawa makkasuwiyangengngi ana'-ana'na lao ri Déwa Molokh. Padahal, dé' naengka Usuroi mennang pogau'i gau'éro, mala dé' naengka naompo ri laleng pikkirak-Ku makkedaé napogau'i matu mennang pangkaukeng maja makkuwaéro nenniya mébbui tau Yéhudaé madosa.”

YEREMIA 7:31

Séuwa mézba iya riyasengngé Tofét pura napatettong mennang ri Lompo Hinom untu' makkasuwiyangengngi ana'-ana'na mennang selaku akkarobangeng ritunu. Padahal dé' naeng-Ka Usuroi mennang pogau'i gau'éro, mala dé' naengka naompo ri laleng pikkirak-Ku gau' makkuwaéro.

YEHEZKIEL 20:26

Uleppessangngi mennang panajisi'i aléna sibawa sining akkarobangenna muto, mala ana'-ana' worowanéna mennang iya macowaé nakkarobangengngi mennang. Nasibawang caraéro Uhukkungngi mennang kuwammengngi naissengngi mennang makkedaé Iyya ritu Puwang.

YEHEZKIEL 20:31

Mala lettu essoéwé mupanajisi' mupi alému sibawa tiwi pakkasuwiyang nenniya tunui ana'-ana'mu selaku akkarobangeng lao ri barahala-barahalaé. Nabarani mupoga méllau panunju polé ri Iyya? Nasaba Iyya, Allataala iya tuwoé, Puwang Iya Pommatanré, dé' Upalaloko méllau panunju polé ri Iyya.

YEHEZKIEL 23:37

Purani mennang pogau' alawengengngé sibawa abbunowangngé; purani mennang malaweng sibawa sining barahalaé nenniya mpunoi ana'-ana'-Ku iya najajiyangngé mennang. Iyaro ana'-ana'é purani mennang nakkasuwiyangeng lao risining barahalana.

YEHEZKIEL 23:39

Ri esso naunona mennang ana'-ana'-Ku sibawa makkasuwiyangengngi lao risining barahalaé, iya duwa kaka maranriéro laowi ri Bola-Ku sibawa carépaiwi!

ANGIMANGENG 17:13

Rékko séddié tau Israélié iyaré'ga séddié tau laing iya monro tette'é ri yelle'na bangsa Israélié tikkeng manu'-manu' iyaré'ga olokolo laing iya dé'é naharang, harusu'i napassu darana iyaro olokolo'é sibawa témpungiwi tana.

ANGIMANGENG 17:15

Tungke tau Israélié iyaré'ga tau laing iya manré juku olokolo iya maté riyalé, iyaré'ga maté riyuno ri olokolo masekkangngé, harusu'i sessa'i pakéyanna nainappa cemmé sibawa mattajeng narapi labu essoé, nappai mancaji mapaccing.

ANGIMANGENG 17:8

Rékko séddié tau Israélié iyaré'ga tau laing iya monroé mattette ri yelle'na tau Israélié makkasuwiyangeng akkarobangeng ritunu iyaré'ga akkarobangeng laing,

ANGIMANGENG 18:21

Aja' muwabbéréyangngi sala séddinna ana'mu untu' riyakkarobangeng ri laleng sompai Molokh, nasaba iyaro pangkaukengngé napakatunai Allataala, Puwam-mu.

ANGIMANGENG 20:1

Puwangnge suroi Musa

ANGIMANGENG 20:27

Tungke' worowané iyaré'ga makkunrai iya pakangkaé assisumpungeng dibawa roh-rohna tau maté harusu'i rigenrung batu gangka maté. Iyaro tauwé matéi nasaba asalanna muto.”

ANGIMANGENG 24:14

“Tiwii iyaro tauwé massu ri akkémangngé. Tungke' tau iya puraé méngkalingai mattanro, harusu'i palénne'i limanna ri tompo ulunna tauwéro untu' mabbéré asabbing makkedaé pasalai. Nainappa sininna umma'é harusu'i genrungngi batu gangka maté.

ANGIMANGENG 24:16

sibawa rihukkung maté. Nigi-nigi tanroiwi Puwangnge harusu'i rigenrung batu gangka maté risininna jema'é. Iyaro hukkungngé takkennai untu' tau Israélié iyaré'ga untu' tau laing iya mattette'énna ri Israél.

ANGIMANGENG 24:23

Puranana napalettu Musa iyaro ada-adaé lao ri bangsa Israélié, natiwini mennang massu tau iya puraé tanroiwi Allataalaro ri akkémangngé nainappa nagenrung batu gangka maté. Nasibawang caraéro napogau'ni bangsa Israélié aga iya puraé napparéntang Puwangnge lao ri Musa.

RIWAYA'NA RASUL-RASUL-E 7:43

Kémana barahala Molokh ritu mutiwi-tiwi silaong dato'-dato'na wéttowing barahalamu, iyanaritu Réfan; iyanaro dato'-dato' muwébbu untu' risompa. Rimakkuwannanaro maélo-Ka mabbéyakko lettu mabéla ri liweng ri wanuwa Babél.’

ULANGENG 12:31

Carana iyaro bangsa-bangsaé sompai déwata-déwatana mennang, aja' muturui untu' sompai Puwang Allataalamu, saba' massompai mennang sibawa pogau'i pangkaukeng-pangkaukeng majaé iya nabenciyé Puwangnge. Mala ana'-ana'na muto mennang natunu ri yasé'na mézbaé selaku akkarobangeng untu' déwata-déwatana mennang.

ULANGENG 17:2

Rékko muwéngkalingai makkedaé risala séddinna kotamu engka tau madosa lao ri Puwang Allataalamu nasaba najjalékkaiwi assijancingngé

ULANGENG 18:10

Ri yelle'mu aja' naengka makkasuwiyangengngi ana'-ana'na selaku akkarobangeng ritunu. Sibawa aja' namuwi séddi tau mancaji pattiro-tiro, sappa tanra-tanrang, paké baca-baca iyaré'ga

ULANGENG 21:21

Nainappa sining tau worowané polé ri kotaéro harusu'i genrungngi iyaro ana'é sibawa batu narapi maté. Nanallalengiro mupallennye'i iyaro jaé. Sininna tau Israélié méngkalingai matu passalenna kajajiyangngéro namancaji métau.”

ULANGENG 22:21

iyaro makkunraié harusu'i ritiwi ri sumpang bolana tomatowanna. Ri onrongngéro sining tau worowané polé ri kotaéro harusu'i genrungngi sibawa batu gangka maté. Iyaro makkunraié purani napogau' séuwa iya pakasiriéngngi bangsata nasaba kédosalai ri wettu dé'napa nakawing ri wettu monrona mupa ri bolana ambo'na. Ri laleng rihukkunna mupallennye'i iyaro jaé.