ANGIMANGENG 2:2 - KITTA KAREBA MADECENG

² Harusu'i natiwi risining imang wija-wijanna Harun. Imang iya majjamaé harusu malai sikemmo iyaro labbu'é sibawa minnya zaitunna enrengngé sininna kamennyanna, nainappa natunu ri yasé'na mézbaé selaku tanrang makkedaé purani riyakkasuwiyangeng maneng lao ri Puwangnge. Baunna iyaro akkarobangeng inanré pésennangiwi atinna Puwangnge.

ANGIMANGENG 2:2 ပူးပေါင်းရင်းမြစ်များ

NEHEMIA 13:14

Oh Allataalaku, éngngerangngi sininna iya puraé upogau' untu' Bolamué sibawa attumaningenna.

NEHEMIA 13:22

Nainappa usuro sining tau Léwié pogau' upacara pappépaccing alé sibawa monrowangngi pintu-pintu gerbangngé untu' jagaiwi kuwammengngi sining tauwé napakarajai esso Saba'é. Massempajakka, “Oh Allataala, éngngerakka nasaba gau'éttoro, sibawa amaséika situru sibawa pammasé-Mu iya battowaé.”

ASSURENG 30:16

Léléi iyaro dowié polé ri bangsa Israélié, sibawa akkégunangngi untu' assompangngé ri laleng Kéma-Ku. Iya manennaro iyanaritu dowi pakkamaja untu' aléna mennang, sibawa tuli maélo-Ka méngngerangngi untu' linrungiwi mennang.”

YESAYA 66:3

Iyakiya iyaro bangsaé napogau'i siyélo-élona mennang; masennangngi mennang massompa sibawa cara iya mappakacciddi-ciddi'é. Untu' mennang dé'gaga assilaingenna: makkarobangeng saping lai sibawa makkarobangeng tolino, makkarobangeng ana' bimbala sibawa rettoi ellonna asué; makkasuwiyangeng gandong sibawa makkarobangeng dara bawi, mattunu kamennyang sibawa massompa dato-dato.

ANGIMANGENG 1:13

Nainappa iyaro tauwé nabissai lise babuwana sibawa poppanna iyaro olokolo'é. Nainappa harusu'i nakkasuwiyangeng maneng imangngé lao ri Puwangnge, sibawa tunui ri yasé'na mézbaé. Baunna iyaro akkarobangeng ritunué pésennangiwi atinna Puwangnge.

ANGIMANGENG 1:17

Nainappa iyaro manu'-manu'é harusu'i ribibbi ri pong pannina, iyakiya dé' nawedding pettu pannina. Nainappa iyaro manu'-manu'é harusu'i ritunu ri yasé'na mézbaé. Iyaro baunna akkarobangeng ritunué pésennangiwi atinna Puwangnge.

ANGIMANGENG 1:9

Nainappa iyaro tauwé harusu'i nabissai lise babuwana enrengngé poppanna iyaro sapingngé, na imang iya majjamaé harusu'i natunu maneng. Baunna iyaro akkarobangeng ritunué pésennangiwi atinna Puwangnge.

ANGIMANGENG 2:16

Harusu'i natunu imangngé sibagiyang gandongngé sibawa minnya'éro enrengngé sininna kamennyanna, selaku tanrang makkedaé pura manenni riyakkasuwiyangeng lao ri Puwangnge.

ANGIMANGENG 2:9

Imangngé malai sibagiyang iyaro rotié nainappa natunu ri yasé'na mézbaé selaku tanrang makkedaé pura manenni riyakaksuwiyangeng lao ri Puwangnge. Baunna pésennangiwi atinna Puwangnge.

ANGIMANGENG 24:7

Taroiwi kamennyang tuléng tungke' susung roti untu' tanrangiwi makkedaé iyaro rotié akkarobangeng inanré untu' Puwangnge.

ANGIMANGENG 4:31

Sininna lunra'na iyaro olokolo'é harusu'i riyala pada-pada akkarobangeng pappasidamé. Iyaro lunra'é harusu'i natunu imangngé ri yasé'na mézbaé, na baunna pésennangiwi atinna Puwangnge. Makkuwaniro carana imangngé makkasuwiyangeng akkarobangeng untu' dosana séddié tau polé ri ra'ya' biyasaé, nariyaddampengeng iyaro tauwé ri Puwangnge.

ANGIMANGENG 5:11

Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.

ANGIMANGENG 5:12

Iyaro labbu'é harusu'i ritiwi ri imangngé. Harusu'i nala imangngé sikemmo polé ri labbu'éro selaku tanrang makkedaé pura manenni riyakkasuwiyangeng lao ri Puwangnge. Iyaro labbu sikemmoé harusu'i ritunu ri yasé'na mézbaé selaku akkarobangeng inanré. Iyanaro akkarobangenna untu' paddampengeng dosaé.

ANGIMANGENG 6:15

Harusu'i mala sikemmo labbu nenné sibawa minnya enrengngé sininna kamennyanna, nainappa natunu ri yasé'na mézbaé selaku tanrang makkedaé sininna iyaro akkarobangngé riyakkasuwiyangengngi lao ri Puwangnge. Baunna iyaro akkarobangngé pésennangiwi atinna Puwangnge.

ABBILANGENG 5:18

Nainappa harusu'i nalara gemme'na iyaro makkunraié, sibawa nataroi labbu pakkasuwiyang abata-batangngé ri laleng limanna, na aléna imangngé makkatenning uwai mapai iya mappapolé abusungeng.

ABBILANGENG 5:26

Nainappa harusu'i mala sikemmo labbu selaku tanrang makkedaé sininna iyaro labbu'é purani riyakkasuwiyangeng, nainappa natunu ri yasé'na mézbaé. Paccappurenna iyaro uwai ripainungengngi iyaro makkunraié.

RIWAYA'NA RASUL-RASUL-E 10:4

Naitani Kornélius iyaro malaéka'é sibawa métauna nainappa makkeda, “Engka aga Puwang?” Nappébali iyaro malaéka'é, “Sempajammu sibawa asémpoatimmu natarimani Allataala sibawa naéngngeranna Allataala.