ANGIMANGENG 2:15 - KITTA KAREBA MADECENG

¹⁵ Iyaro gandongngé harusu'i ribolo minnya zaitun sibawa riwéréng kamennyang ri yasé'na.

ANGIMANGENG 2:15 ပူးပေါင်းရင်းမြစ်များ

ASSURENG 29:2

Polé ri labbu tarigu iya kaminang makessingngé, lamani teppaké ragi. Sibagiyang iyaro lama labbu'é harusu'i riyébbu roti silaong minnya zaitun, sibagiyang teppaké minnya, nasésana riyébbui béppa iya risapuiyé minnya.

ASSURENG 30:34

Makkedai Puwangnge lao ri Musa, “Alano siyagangngaré rupanna rampa-rampa iya padaé égana, iyanaritu dadi dama, oli lokan, dadi rasamala sibawa dupa iya tuléngngé.

ANGIMANGENG 2:1

Rékko séddié tau makkasuwiyangeng akkarobangeng ripatalaé lao ri Puwangnge, iyaro akkarobangngé harusu'i labbu iya kaminang makessingngé iya riboloé minnya zaitun sibawa riwéréng kamennyang ri tompo'na.

ANGIMANGENG 2:14

Rékko makkasuwiyakko lao ri Puwangnge gandong iya bunge' muwéngngalaé, tiwii gandong barué iya puraé rilabbu nenné iyaré'ga ripanggang.

ANGIMANGENG 2:16

Harusu'i natunu imangngé sibagiyang gandongngé sibawa minnya'éro enrengngé sininna kamennyanna, selaku tanrang makkedaé pura manenni riyakkasuwiyangeng lao ri Puwangnge.

ANGIMANGENG 5:11

Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.

ABBILANGENG 15:4

Nigi-nigi makkasuwiyang bimbala iyaré'ga bémbé untu' akkarobangeng ritunu lao ri Puwangnge, harusu towi tiwi silaong tungke' kajunna iyaro olokolo'é, sikilo labbu ricampuru sibawa sibang minnya zaitun untu' akkarobangeng ripatalaé, sibawato sibang uwai anggoro.