ANGIMANGENG 2:14 - KITTA KAREBA MADECENG

¹⁴ Rékko makkasuwiyakko lao ri Puwangnge gandong iya bunge' muwéngngalaé, tiwii gandong barué iya puraé rilabbu nenné iyaré'ga ripanggang.

ANGIMANGENG 2:14 ပူးပေါင်းရင်းမြစ်များ

KAJAJIYANG 4:3

Siyagangngaré wettu ri munrinna nalani Kain sibagiyang polé ri éngngalanna nainappa nakkasuwiyangeng lao ri Puwangnge.

2 ARUNG-NGARUNG 4:42

Riséuwaé wettu iya laingngé, engka séddi worowané polé ri Baal-Salisa. Natiwirengngi Elisa gandong iya nappa riyéngngalaé sibawato duwappulo roti iya riyébbué polé ri gandong wassélé éngngalang mammulangngé ri taungngéro. Nasuroni Elisa pattumaninna bagé-bagéi iyaro rotié lao ri nabi-nabiéro,

ANGIMANGENG 2:15

Iyaro gandongngé harusu'i ribolo minnya zaitun sibawa riwéréng kamennyang ri yasé'na.

ANGIMANGENG 2:16

Harusu'i natunu imangngé sibagiyang gandongngé sibawa minnya'éro enrengngé sininna kamennyanna, selaku tanrang makkedaé pura manenni riyakkasuwiyangeng lao ri Puwangnge.

ANGIMANGENG 22:29

Rékko makkarobangekko akkarobangeng sukkuru lao ri Puwangnge, pogau'i iyaro situru peraturangngé, kuwammengngi naritarima akkarobangemmu.

ANGIMANGENG 23:13

Untu' akkarobangeng inanré, akkasuwiyangengngi duwakkilo labbu ricampuru minnya zaitun. Bau akkarobangengngéro pésennangiwi atinna Puwangnge. Nasibawang iyaro akkasuwiyangeng towi sibang uwai anggoro.

ANGIMANGENG 23:20

Roti sibawa iya duwa ana' bimbala'éro harusu'i nakkasuwiyangeng imangngé selaku pakkasuwiyang tanréyangeng lao ri Puwangnge, na iyaro untu' bagiyanna imangngé. Iyaro sining pakkasuwiyangngé mapaccingngi.

MALEAKHI 1:11

Ripakalebbi-Ka ri bangsa-bangsaé ri sininna linoé. Kégi-kégi ritunui dupaé untu' pakalebbii asek-Ku sibawa riyakkasuwiyangeng sining akkarobangeng iya sitinajaé, saba' sininna bangsaé pakalebbi-Ka!

ABBILANGENG 28:2

palettu'i ri bangsa Israélié makkedaé harusu'i mennang puriyatiwi sibawa malitutu kuwammengngi na ri wettu-wettu iya mattentué, riyakkasuwiyangengngi sining akkarobangeng maddupa inanré iya pésennangiyéngngi atinna Puwangnge.

1 KORINTUS 15:20

Iyakiya annessana purani ripatuwo paimeng Kristus polé ri amaténgngé. Iyanaé boro'na makkedaé sining tau iya matéénna ripatuwoi matu paimeng.

ULANGENG 26:2

wassélé bunge'na polé risininna iya mupaddeppungengngé polé ri tanamu harusu'i muputtama riséddié baku, namutiwii ri onrong iya napilé Puwang Allataalamu.

WAHYU 14:4

Mennang sining tau iya tette'é mapaccing pada-pada parawangngé, nasaba dé' nasisumpung sibawa makkunraié. Naccowériwi mennang iyaro Ana' Bimbala'é kégi-kégi lao. Polé ri yelle'na sininna rupa tauwé, mennang ritu iya puraé ripaleppe selaku pakkasuwiyangeng mammulangngé lao ri Allataala sibawa lao ri Ana' Bimbala'é.