ANGIMANGENG 2:10 - KITTA KAREBA MADECENG

¹⁰ Lebbinna iyanaritu untu' imangngé. Iyaro rotié mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 2:10 ပူးပေါင်းရင်းမြစ်များ

2 TAWARIKH 31:14

Koré ana' Yimna, séddiwi tau Léwi mancaji kapalana pengawal-é ri Pintu Gerbang Alau ri Bolana Puwangnge, riwéréng tanggung jawa' untu' tarimai sining pabbéré iya riyakkasuwiyangengngé lao ri Puwangnge, nainappa nabagé-bagé.

EZRA 2:63

Gubernurna daéra Yéhuda mattéyangngi mennang manréi inanré iya riyakkasuwiyangengngé lao ri Allataala, narapi engka séddi imang iya mullééngngi méllau panunju sibawa paké Urim sibawa Tumim.

YEHEZKIEL 44:29

Harusu'i mennang tuwo polé ri pakkasuwiyang gandongngé, akkarobangeng pappaledda dosaé, sibawa akkarobangeng passullé arogingngé; sibawa sininna séuwa-séuwaé iya puraé ripallaing untu' Iyya, harusu'i riwéréng mennang.

YEHEZKIEL 46:20

sibawa makkeda, “Ri onrongngéwé harusu'i sining imangngé séwongngi akkarobangeng pappaledda dosaé sibawa akkarobangeng passullé arogingngé enrengngé panggangngi akkarobangeng gandongngé, kuwammengngi muwi céddé polé ri akkarobangeng iya mapaccingngéro dé' naritiwi ri seddé saliweng angkanna nacilakai ra'ya'é.”

ANGIMANGENG 10:12

Makkedani Musa lao ri Harun sibawa lao ri iya duwa ana'na, Eléazar sibawa Itamar, “Alano gandong iya nasésaé polé ri inanré iya riyakkasuwiyangengngé lao ri Puwangnge. Polé ri labbu'éro ébbuno roti iya dé'é napaké ragi, nainappa muwanré ri seddéna mézbaé, nasaba iyaro akkarobangngé mapaccing senna'i.

ANGIMANGENG 14:13

Iyaro ana' bimbala'é harusu'i rigéré ri onrong iya ripallaingngé untu' maggéré olokolo untu' akkarobangeng paddampeng dosaé sibawa akkarobangeng ritunué. Iyaro bimbala'é harusu'i rigéré kuwaro nasaba akkarobangeng passullé arogingngé sibawa akkarobangeng paddampengeng dosaé iyanaritu mapaccing senna'i sibawa mancajiwi bagiyanna imangngé.

ANGIMANGENG 2:3

Lebbinna akkarobangeng ripatalaé iyanaritu untu' sining imangngé. Iyaro akkarobangngé mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 21:22

Iyakiya weddingngi manré inanré iya riyakkasuwiyangngé, muwi akkarobang inanré iya mapaccingngé muwi akkarobangeng inanré iya mapaccing senna'é.

ANGIMANGENG 5:13

Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge. Labbu iya nasésaé iyanaritu bagiyanna imangngé, pada-pada ri akkarobangeng gandongngé.

ANGIMANGENG 6:16

Labbu nasésaé harusu'i riyébbu roti iya dé'é raginna sibawa nanréi sining imangngé ri onrong iya ripallaingngé, iyanaritu ri seddéna Kémana Puwangnge. Iyanaro bagiyanna sining imangngé iya nabbéréyangngé Puwangnge lao ri mennang polé ri akkarobangeng inanré. Iyaro inanré mapaccing senna'i, pada-padai akkarobangeng paddampengeng dosaé sibawa akkarobangeng passullé arogingngé.

ANGIMANGENG 6:23

Tungke' akkarobangeng ripatalaé iya nakkasuwiyangengngé imangngé harusu'i ritunu maneng, muwi céddé dé'to nawedding riyanré.

ANGIMANGENG 6:9

mpéréngngi Harun sibawa ana'-ana'na iyaé sining peraturangngé passalenna akkarobangeng iya ritunu manengngé. Harusu'i imangngé palénne'i iyaro akkarobangeng ritunué ri yasé'na mézbaé sibawa leppessangngi kuwaro puppu benni, sibawa apinna harusu'i malluwa matteru.

ANGIMANGENG 7:7

Untu' akkarobangeng paddampengeng dosaé sibawa akkarobangeng passullé arogingngé pada-padai atorenna, iyanaritu: Juku olokolo iya riyakkasuwiyangengngé iyanaritu bagiyanna imangngé iya makkasuwiyangengngéngngi.

ABBILANGENG 18:9

Polé risining pakkasuwiyang iya kaminang mapaccingngé iya dé'é naritunu ri yasé'na mézbaé, iya mangoloéwé iyanaritu untu' iko: Akkarobangeng ripatalaé, akkarobangeng paddampengeng dosaé sibawa akkarobangeng passullé arogingngé. Iya manennaro pakkasuwiyang mapaccing iya mancajiyé bagiyammu sibawa ana'-ana'mu.

1 SAMUEL 2:28

Polé risininna suku Israélié purani Upilé kaluwargana mancaji imak-Ku, untu' mattumani ri mézbaé, mattunu dupa, sibawa pakéi waju éfod rékko mabbicarai sibawa Iyya. Sibawa lao ri mennang sibawa wija-wijanna purani Uwéréng ha' untu' malai sibagiyang polé ri akkarobangeng pakkasuwiyang iya ritunué ri mézbaé.