ANGIMANGENG 2:1 - KITTA KAREBA MADECENG

¹ Rékko séddié tau makkasuwiyangeng akkarobangeng ripatalaé lao ri Puwangnge, iyaro akkarobangngé harusu'i labbu iya kaminang makessingngé iya riboloé minnya zaitun sibawa riwéréng kamennyang ri tompo'na.

ANGIMANGENG 2:1 ပူးပေါင်းရင်းမြစ်များ

ASSURENG 29:2

Polé ri labbu tarigu iya kaminang makessingngé, lamani teppaké ragi. Sibagiyang iyaro lama labbu'é harusu'i riyébbu roti silaong minnya zaitun, sibagiyang teppaké minnya, nasésana riyébbui béppa iya risapuiyé minnya.

YESAYA 43:23

Dé' mutiwi bimbala untu' akkarobangeng ritunummu, dé' mupakalebbi-Ka sibawa pakkasiwiyamu. Padahal dé' Upatiwiriko sibawa akkarobangeng, iyaré'ga sussaiko sibawa tuntu kamennyang.

YESAYA 66:20

Polé risining wanuwaéro natiwii matu mennang lisu sining silessuremmu sibangsaé selaku hadiya untu' alé-Ku. Natiwii matu mennang sining tauwéro lao ri bulu-bulu-Ku iya mapaccingngé ri Yérusalém sibawa tonangi anyarang, kaleddé sibawa unta, enrengngé nasibawang karéta nenniya padati, pada-pada biyasaé tiwii tau Israélié lao ri Bolana Puwangnge pakkasuwiyang gandong ri laleng onrong iya mapaccingngé.

YEHEZKIEL 46:20

sibawa makkeda, “Ri onrongngéwé harusu'i sining imangngé séwongngi akkarobangeng pappaledda dosaé sibawa akkarobangeng passullé arogingngé enrengngé panggangngi akkarobangeng gandongngé, kuwammengngi muwi céddé polé ri akkarobangeng iya mapaccingngéro dé' naritiwi ri seddé saliweng angkanna nacilakai ra'ya'é.”

YOEL 1:9

Gandong sibawa anggoro'é teddénni polé ri Bolana Puwangnge. Namabbaratana sining imangngé, iya matinulué tumaningiwi Puwangnge.

YOEL 2:14

Ajakké tappinrai pikkiranna Puwang Allataalamu, sibawa barakkakiko sibawa maona. Angkanna muwulléi makkasuwiyangengngi akkarobangeng gandongngé sibawa anggoro'é untu' Puwangnge, Allataalamu.

ANGIMANGENG 14:10

Ri esso iya maaruwaé harusu'i iyaro tauwé tiwi duwa ana' bimbala' lai sibawa sikaju ana' bimbala' komba iya makkéumuru'é sitaung, iya dé'é gaga sala-salanna. Ri lainnaʻro telluto kilo labbu iya puraé ricampuru sibawa minnya zaitun nenniya tawatellubbang minnya zaitun.

ANGIMANGENG 24:7

Taroiwi kamennyang tuléng tungke' susung roti untu' tanrangiwi makkedaé iyaro rotié akkarobangeng inanré untu' Puwangnge.

ANGIMANGENG 5:11

Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.

ANGIMANGENG 6:7

Imangngé makkarobangengngi untu' dosana iyaro tauwé, nariyaddampengeng matu ri Puwangnge.

ANGIMANGENG 9:17

Purairo nakkasuwiyangenni akkarobangeng inanré; malai labbu sikemmo, sibawa natunui ri yasé'na mézbaé. Iyanaro pattambana akkarobangeng ritunu esso-essoé.

ANGIMANGENG 9:4

Suroi mennang makkasuwiyangeng towi sikaju saping lai sibawa sikaju bémbé lai untu' akkarobangeng pappasidamé. Iya manennaro harusu'i mennang nakkasuwiyangeng lao ri Puwangnge silaong akkarobangeng ripatalaé iya riwéréngngé minnya, nasaba ri essoéwé poléi Puwangnge lao ri mennang.”

MALEAKHI 1:11

Ripakalebbi-Ka ri bangsa-bangsaé ri sininna linoé. Kégi-kégi ritunui dupaé untu' pakalebbii asek-Ku sibawa riyakkasuwiyangeng sining akkarobangeng iya sitinajaé, saba' sininna bangsaé pakalebbi-Ka!

ABBILANGENG 18:9

Polé risining pakkasuwiyang iya kaminang mapaccingngé iya dé'é naritunu ri yasé'na mézbaé, iya mangoloéwé iyanaritu untu' iko: Akkarobangeng ripatalaé, akkarobangeng paddampengeng dosaé sibawa akkarobangeng passullé arogingngé. Iya manennaro pakkasuwiyang mapaccing iya mancajiyé bagiyammu sibawa ana'-ana'mu.

ABBILANGENG 28:5

Nasibawang iyaro ana' bimbala'é harusu'i riyakkasuwiyangeng sikilo labbu ricampuru sibawa sibang minnya zaitun iya kaminang magelloé.

ABBILANGENG 29:18

Akkasuwiyangngi silaong iyaro sininna akkarobangeng laingngé pada-pada iya riyapparelluwangngé untu' esso iya mammulangngé.

ABBILANGENG 8:8

Nainappa musuro mennang mala sikaju saping lai lolo sibawa akkarobangeng ripatalaé polé ri labbu'é ricampuru minnya. Nainappa harusu'ko mala sikaju saping lai laingngé untu' akkarobangeng paddampengeng dosa.

YOHANES 6:35

Nakkeda Yésus lao ri mennang, “Iyya'na roti iya mabbéré atuwong. Tau iya laowé ri Iyya dé'na namalupu lettu mannennungeng. Sibawa tau iya mateppe'é ri Iyya dé'na namadekkana lettu mannennungeng.

1 YOHANES 2:20

Iyakiya mutarimani Rohna Allataala iya napanurungngé Yésus Kristus, na iyanaro saba'na namuwisseng manengngi pappagguruwang tongengngé.

1 YOHANES 2:27

Iyakiya passalenna alému, purani napanurung Kristus Roh-Na lao ri iko. Na ri wettu engkana mupa Roh-Na ri iko, dé' naparellu engka tau laing pagguruko. Saba' Roh-Na pagguruko passalenna sininna séuwa-séuwaé; sibawa aga iya nappagguruwangngéro tongengngi, tenniya bellé. Rimakkuwannanaro, sitinajako matinulu lao ri aga iya nappagguruwangngé iyaro Roh-é, sibawa sitinajako tette' tuwo masséddi sibawa Kristus.

YUDAS 1:20

Iyakiya iko, Saudara-saudaraku, mupiyarai matteru atuwommu situru teppe'mu lao ri Yésus Kristus, iyaro teppe'mu mapaccing senna'. Namuwassempajatto sibawa akuwasanna Rohna Allataala,

WAHYU 8:3

Séddi malaéka' laing, iya tiwié séddi addupa-dupang ulaweng, polé sibawa tettong ri yolona mézbaé. Riwérénni maéga senna' kamennyang untu' riyaggugureng risining paddowangenna sininna umma'na Allataala sibawa untu' riyakkasuwiyangeng ri mézba ulawengngé iya engkaé ri yolona kadéra arajangngé.