ANGIMANGENG 19:35 - KITTA KAREBA MADECENG

³⁵ Aja' mubengnguwangngi tau laingngé sibawa paké ukkurang timbangeng iyaré'ga ola' palsu.

ANGIMANGENG 19:35 ပူးပေါင်းရင်းမြစ်များ

1 TAWARIKH 23:29

Mattanggung jawa' towi lao ri iya mangoloéwé: roti iya riyakkasuwiyangengngé lao ri Allataala, labbu iya ripaké untu' pakkasuwiyang lao ri Puwangnge, béppa nipi iya riyébbué temmakkéragi, akkarobangeng ripanggang, sibawa labbu iya ricampuru'é minnya zaitun. Harusu towi mennang timbangngi sibawa mola'i sining pakkasuwiyang iya ritiwié ri Bolana Puwangnge.

AMSAL 11:1

Nacéccé Puwangnge tau iya paké timbangeng iya macéko-cékoé iyakiya masennangngi sibawa tau iya paké timbangeng iya teppa'é.

AMSAL 16:11

Puwangnge puwéloi tauwé pogau'i malempué ri laleng dangkangengngé, makkuwatoro ri laleng pakéi ukkurangngé sibawa timbangengngé.

AMSAL 20:10

Timbangeng sibawa ukkurang iya macéko-cékoé dé' nasennangiwi Puwangnge.

YEHEZKIEL 45:10

Pakéi timbangengngé sibawa ola iya tongengngé.

ANGIMANGENG 19:15

Harusu'ko malempu rékko mangadélékiko, aja' mubélai tau kasiyasié sibawa aja' mumétau ri tau sugié.

MIKHA 6:1

Engkalingai aga nattenrekeng Puwangnge lao ri Israélié. Tokkonni oh Puwang, sibawa pangoloni papparape'-Mu! Leppessanni naéngkalinga bulué sibawa bulu-bulué aga maélo Mupowada.

MATIUS 7:2

Saba' pékkugiko madélékiwi tau laingngé, makkuwatoro Allataala madélékiko matu. Na ukkurang mupaké untu' tau laingngé, napaké towi matu Allataala untu' iko.

ULANGENG 25:13

Aja' mupabengnguwang sibawa paké timbangeng nenniya ola' iya dé'é natongeng.

ULANGENG 25:15

Pakéi timabangeng sibawa ola' iya tongengngé kuwammengngi mumalampé sunge ri wanuwa iya nawéréngngékko Puwang Allataalamu.