ANGIMANGENG 19:34 - KITTA KAREBA MADECENG

³⁴ Gaukengngi mennang pada-pada mugaukenna sining tau sibangsamu sibawa éloriwi mennang, pada-pada muwélorinna alému muto. Engngerangngi makkedaé iko paimeng pura tokko tuwo selaku tau laing ri Maséré. Iyya'na Puwang Allataalamu.

ANGIMANGENG 19:34 ပူးပေါင်းရင်းမြစ်များ

MAZMUR 146:9

Nalinrungiwi sining tau laingngé; Natulungngi sining jandaé sibawa ana' béué, iyakiya dé' napajajiwi rancanana tau majaé.

ASSURENG 22:21

Aja' mutenre'i iyaré'ga kédo dé' naadélé lao ri tau laingngé; éngngerangngi makkedaé iko riyolo tau laing tokko ri Maséré.

YEHEZKIEL 47:22

na iyaro tanaé iyanaritu appunnangemmu untu' mannennungeng. Sining tau laing iya mattette'é ri tengnga-tengngamu, sibawa mappunnai ana'-ana' iya jajiyé kuwaro, harusu towi lolongeng tawa polé ri tanaéro. Harusu'i mennang riyangga warga sukku polé ri bangsa Israélié, sibawa harusu'i maccowé mennang riloteréi untu' lolongeng tana ri wettu ripakangkana attawang tanaé ri yelle'na suku-suku Israélié.

ANGIMANGENG 19:18

Aja' mumaélo makkabale sibawa aja' mubenciwi tau laingngé, iyakiya éloriwi pada-padammu pada-pada muwélorinna alému. Iyya'na Puwang.

ANGIMANGENG 19:3

Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

ABBILANGENG 10:32

Rékko maccowéko, sininna iya makessingngé iya napogau'é Puwangnge lao ri idi, ripogau' towi matu lao ri iko.”

MATIUS 5:43

“Muwisseng makkedaé engkato pappagguruwang pada-padaéwé: amaséiwi sellao-sellaomu namubenciwi sining balimmu.

ULANGENG 10:19

Na harusu tokko mappaitangngi pammasému lao risining tau laingngéro, saba' riyolo tau laing tokko ri Maséré.

ULANGENG 23:7

Aja' muwita mariyawai tau Edongngé nasaba silessuremmu mennanro. Aja'to muwita mariyawai tau Maséré'é, nasaba purako monro ri wanuwanna mennang.

ULANGENG 23:8

Mappammulai ri assossoreng matellué sibawa matteru ri wija-wijanna mennang weddingngi mancaji anggota umma'na Puwangnge.”

RUT 2:10

Naéngkalinganaro, suju'ni Rut ri yolona Boas sibawa makkeda, “Pa', dé' usitinaja tarima aggaukeng iya makessing makkuwaéro polé ri Bapa'. Iyya'é tau laikka sibawa dé' nasitinaja lolongeng pajjampana Bapa'!”