ANGIMANGENG 19:33 - KITTA KAREBA MADECENG

³³ Aja' mupogau'i majaé lao ri tau laing iya monroé ri wanuwammu.

ANGIMANGENG 19:33 ပူးပေါင်းရင်းမြစ်များ

ASSURENG 22:20

Nigi-nigi makkasuwiyangeng akkarobangeng lao ri déwata-déwata laingngé sangadinna lao ri Iyya, Puwang, harusu'i rihukkung maté.

ASSURENG 22:21

Aja' mutenre'i iyaré'ga kédo dé' naadélé lao ri tau laingngé; éngngerangngi makkedaé iko riyolo tau laing tokko ri Maséré.

ASSURENG 23:9

Aja' mugaukengngi tau laingngé siélo-élo; muwisseng pékkugi pappéneddinna mancaji tau laing, saba' riyolo tau laing tokko ri Maséré.”

YEREMIA 7:6

Aja'na mutenre'i tau laingngé, ana' béué, sibawa janda-jandaé. Aja' muwunoi tau iya dé'é napasala ri wanuwaéwé. Aja' musompa déwata-déwata laing, saba' iyaro gau'é napaccappuko matu.

YEHEZKIEL 22:29

Sining tau sugié pabengnguwangngi sibawa marrampo. Nagaukengngi mennang tau kasiyasié sibawa siyélo-élona nenniya malai asarong polé ri tau laingngé.

YEHEZKIEL 22:7

Dé' muwi séddi pabbanuwamu pakalebbii tomatowanna. Mubengnguwangngi tau laingngé sibawa mala saro polé ri asussanna jandaé sibawa ana' béué.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

ULANGENG 24:14

Aja' mupara'i tau ripéssaroiyé iya kasiyasié sibawa akurangengngé, muwi tau sibangsamu, iyaré'ga tau laing iya monroé risala séddinna kotamu.

ULANGENG 24:17

Aja' murampasa'i ha'na tau laingngé sibawa ana' béué, sibawa aja' muwalai pakéyanna séddié janda untu' boro'.

ULANGENG 24:18

Engngerangngi makkedaé pura tokko mancaji ata ri Maséré naripaleppe ri Puwang Allataalamu; iyanaro saba'na uwérékko iyaé peraturangngé.

ULANGENG 27:19

‘Tattanroi tau iya rampasa'éngngi ha'na tau laingngé, ana'-ana' béué sibawa jandaé.’ ‘Aming!’